ငါတို့ဟာ ကြောင်ရိုင်းတွေပါ မာရီကာနာ
လမ်းပေါ်မှာ ဆိုင်ကယ်တွေနဲ့ စီတန်းလှည့်လည် ဆန္ဒဖော်ထုတ်ခွင့်ပေးနိုင်မလား
အဆင့်မြင့် ယာဉ်ကြောပိတ်ဆို့မှု၊ နိုင်လွန် ကျင်းတစ်ရာ လမ်းမကျယ်တွေမှာ
ငါ ဆိုင်ကယ်စီးဖူးချင်လို့ပါ
ဟွန်းအကျယ်ကြီး တီးကြည့်ချင်လို့ပါ
လမ်းတွေပျက်ပြီး ဘတ်စကားတွေကြပ်တယ်
အသက်ရှူသွင်း ရှူထုတ်နဲ့ စကားတွေက အလုပ်မဖြစ်ဘူး
စတားတွေကတော့ အလုပ်လည်းဖြစ်တယ်၊ အလစ်လည်း ဖြုတ်တယ်
ဘာမှ မတွေးမိအောင် စိတ်ကို ထိန်းကျောင်းရင်း
မိုးများရေနစ် တိုင်းချစ်ပြည်ချစ် တောင်သူလယ်သမားတွေရယ်ပါ လို့ ၇ခါ အော်ပါ
ကန္တာရဆန်သော ၀မ်းတစ်ထွာအတွက် အားကိုးအားထားရာ
ကံကြမ္မာဆိုတာ ဒီလိုဘဲ မိုးတွေရွာနေပြီး
ခုလည်း ဒီမိုးက ရေစီးတော့ ကမ်းတွေပါပြိုသွားတယ်
သာပေါင်းဟာ ညာစားခံခဲ့ရတာလား
အလကားကြီး ထိုးကျွေးထားတာလား
မိုးခေါင် ရေရှား…လယ်များလည်း ပေါက်ဖော်ပိုင်သိမ်း
ကြေးနီရိုင်းဥပဒေနဲ့အညီ မကျူးကျော်ရနယ်မြေ
မနက်ဖြန်တိုင်းမှာ နဖူးကချွေး ခြေမ ကျရစေတော့
မမြင်နိုင်သော ကံတရား၊ မယှဉ်နိုင်သော လက်ဖ၀ါး
ထုတ်ဖော်ခွင့်မရှိတဲ့ ဆန္ဒဆိုတာ ကိုယ်ပိုင်တဲ့ လယ်ယာမြေတွေ
အင်အားသုံးပြီး အလုခံရတာပဲ မာရီကာနာ
နောက်လှည့်ကြည့်ရင် ကျောကုန်းပဲရှိလို့ နောက်ကြောင်းပြန် မလှည့်တော့ဘူး
နေစရိတ်၊ စားစရိတ်နဲ့ မမျှတဲ့ ဝင်ငွေမှာ ဝင်လေ ထွက်လေမမှားအောင်
တတ်နိုင်သမျှ အာရုံတွေကို ဟိုလှည့်ဒီလှည့်
ရေဘူး၊ ထမင်းချိုင့်၊ သံတူရွင်း၊ ဂေါ်ပြား၊ ထွန်တုံး၊ ခိုင်းနွား သားသမီး ပညာရေး
ဘယ်အချိန် ခေါင်းပေါ်ကို ဗုံးကျလာမလဲဆိုပြီး စိုးရိမ်နေကြရတဲ့ အရသာ
ဖူကူယားမားက နိုင်ငံ တိုးတက်ရေးအတွက် ဆင်ဖြူတော်များ ပိုမိုလိုအပ်နိုင်ကြောင်း
အားလုံး စနေနေ့တိုင်း ပူးပေါင်းဆောင်ရွက်မယ်ဆိုရင်
နောင်ဆို ဒီထက်ပိုပြီး ကြက်ဆူပင်တွေ ပေါများလာဖွယ်ရှိကြောင်း
အတိတ်ကမ္ဘာရဲ့ နာကျည်းမှုတွေကြားက ရုန်းထွက်နိုင်ခဲ့ပေမယ့်
သည်အရပ်မှာ သည်ဇာတ်ဟာ အကျယ်လောင်ဆုံးဖြစ်နေတော့
ငြိမ်းချမ်းရေး ဖော်ဆောင်ရာမှာ ကြုံတွေ့နေရတဲ့
ပြည်သူလူထုရဲ့ အသက်အိုးအိမ်စည်းစိမ် စိန်ခေါ်မှုတွေ
တဒိတ်ဒိတ်တိုးနေတဲ့ နားထင် တစ်ဝိုက်က သွေး
တကယ့် ကြက်ရေးငှက်ရေးဆိုရင် တကယ် ကြက်ပျောက် ငှက်ပျောက်
ငါးပါးသာမက သံဃာစင်ပါ မှောက်ကရော!
သိုးထိန်း(အန္တိမ)
0 comments:
Post a Comment