UWSA ဌာနချုပ်သို့ သမ္မတရုံးဝန်ကြီးဦးအောင်မင်း သွားမည်

Friday, 30 November 2012

ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီ ဒုဉက္ကဌ၊ သမ္မတရုံးဝန်ကြီး ဦးအောင်မင်း လာမည့်ဒီဇင်ဘာလဆန်းပိုင်း၌ UWSA ဝ ပြည်သွေးစည်းညီ ညွတ်ရေးတပ်မတော် ဌာနချ

ုပ်သို့သွားရောက် လည်ပတ်မည်ဟု 'ဝ' ခေါင်းဆောင်ပိုင်းနှင့် နီးစပ်သည့်အသိုင်းအဝိုင်း
ကပြောသည်။

“ဒီဇင်ဘာ ၁ ရက်လို့ပြောတယ်။ အတိအကျလို့တော့ပြောလို့မရသေးဘူး။ ရက်နီးမှ ပြန်အကြောင်းကြား မယ် ပြောတယ်။ ဦးအောင်မင်းတို့ ကျနော်တို့ဆီကို ပထမဆုံးအကြိမ် တွေ့ဆုံခြင်းဘဲ” ဟု 'ဝ' အကြီးအကဲ တဦးက ပြောသည်။

'ဝ' ပြည်သွေးစည်းညီညွတ်ရေး တပ်မတော် UWSA သည် မြန်မာ
အစိုးရနှင့် ပြည်နယ်အဆင့် တကြိမ်နှင့် ပြည်ထောင်စုအဆင့် နှစ်ကြိမ်
ဆွေးနွေးပြီးသည့် အဖွဲ့ဖြစ်သည်။ ဆွေးနွေးပွဲ သုံးကြိမ်စလုံးကို 'ဝ' အဖွဲ့နှင့်နီး စပ်သည်ဟု နာမည်ကြီးသည့် ဦးအောင်သောင်းက ဦးဆောင်ဆွေးနွေး
ခဲ့သည်။

၂၀၁၁ ခုနှစ် စက်တင်ဘာလ ၆ ရက်နေ့က ပြည်နယ်အဆင့်နှင့် ပဏာမ အပစ်ရပ်ရေး၊ အောက်တိုဘာလ ၁ ရက်နေ့က ပြည်ထောင်စုအဆင့်
နှင့်တွေ့ဆုံပွဲတွင် ပြည်ထောင်စုမှ မခွဲထွက်ရေးအပါအဝင် မူးယစ်ဆေးဝါး တိုက်ဖျက်ရေးစသည်တို့ ဆွေးနွေးခဲ့သည်။ ဒီဇင်ဘာလ ၂၆ ရက်
ပြည်ထောင်စုအဆင့် ဒုတိယအကြိမ်တွေ့ ဆုံမှုတွင် လွှတ်တော် ၃ ရပ်၌
ဝ ကိုယ်စားပြုလွှတ်တော်အမတ် ထားရှိရေး တို့ကို ဆွေးနွေးခဲ့သည်။

ပြည်ထောင်စုအဆင့် တတိယအကြိမ် တွေ့ဆုံပါက သွင်းကုန်
ထုတ်ကုန် နှင့်ပတ်သက်၍ ဆွေးနွေးရန်စီစဉ်ထား ကြောင်း ဝ အရာရှိ
အသိုင်းအဝိုင်းက သျှမ်းသံတော်ဆင့်အား ပြောခဲ့ဖူးသည်။

သို့သော် ယင်းကိစ္စနှင့် ပတ်သက်၍ အရှေ့မြောက်ပိုင်းတိုင်း စစ်ဌာနချုပ် (ရမခ) တိုင်းမှူးနှင့် ယခုလလယ်ပိုင်းက တွေ့ဆုံစဉ် ကြိုးနီခတ်မှု
လျော့ကျလာ သည်ကိုတွေ့ရကြောင်း ၎င်းက ဆက်ပြောသည်။

“ရမခတိုင်းမှူး ဗိုလ်ချုပ် အောင်စိုး နဲ့ ကျနော်တို့ ဝ အကြီးအကဲတွေဖြစ်တဲ့ ဒု ဥက္ကဌရှောက်မင်လျှံ၊ ကျောက်ကော်အန်း၊ လီဂျူးလျဲ့ ခေါ် ဦးအောင်မြင့် ၊ ဒု စစ်ဦးစီးချုပ် တာ့အိုက်လွန်း တို့ တန့်ယန်းမှာတွေ့ဆုံ တုန်းက တိုင်းမှူးက ပြောတယ်။ ခုချိန်ကစပြီး ရိက္ခာသယ်ဖို့ကိစ္စ၊ ဘာဘာ
ညာညာသယ်ဖို့ ကိစ္စတွေဆို ရင် သက်ဆိုင်ရာဌာန ဆီကိုဘဲ တိုက်ရိုက်
ခွင့်ပြုချက်တောင်းပါ။

စစ်ရေးကိစ္စနဲ့ပတ်သက်လာရင်တော့ သူနဲ့တိုက်ရိုက်ဆိုင်တဲ့သဘော။ တိုင်းမှူး က လူကြီးလုံခြုံရေးအတွက်ဆို လက်နက်ကိုင်တပ်ဖွဲ့တွေကို လားရှိုးသို့ ဘာသို့ မြို့ကြီးတွေအထိ လဲ သွားလာလို့ ရတယ် ပြောတယ်။ ဆိုတော့ ဒီဟာကို ကြည့်ခြင်းအားဖြင့် ကြိုးနီခတ်မှု လျော့လာတယ်
လို့ ပြောလို့ရ တယ်” -ဟု သျှမ်းသံတော်ဆင့် အားပြောပြသည်။

ယခုတကြိမ် အစိုးရ၏ ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒုဥက္ကဌ ဦးအောင်မင်းနှင့် ၀ အဖွဲ့တို့ တွေ့ဆုံရာတွင် မည်သည့်
အချက်အပေါ် အခြေခံ၍ဆွေးနွေးသွားမည်ကို သျှမ်းသံတော်ဆင့်မှ
စုံစမ်းနေ ဆဲဖြစ်သည်။

သျှမ်းသံတော်ဆင့်

11

ထိုင်းဝန်ကြီး ချုပ်သည် အယုံအကြည် မရှိအဆိုကို ကျော်လွှား နိုင်ခဲ့ခြင်း

Friday, 30 November 2012

ထိုင်းဝန်ကြီးချုပ် ရင်လပ်ရှင် နာဝပ်သည် အတိုက်အခံ များက လွှတ်တော်တွင် တင်သွင်းသော အယုံ အကြည် မရှိအဆိုကို လွယ်ကူစွာပင် ကျော်လွှားနိုင် ခဲ့ပါသည်။

ထ

ိုင်းနိုင်ငံ၏ ပထမဆုံး အမျိုးသမီး ဝန်ကြီးချုပ် ဖြစ်သူ ရင်လပ်သည် အယုံအကြည် မရှိအဆိုကို မဲခွဲရာတွင် မဲစုစုပေါင်း ၄၆၇ မဲအနက် ၃ဝ၈ မဲ ရရှိခဲ့ ပါသည်။ အောက်လွှတ်တော် အမတ် နေရာ စုစုပေါင်း၏ ငါးပုံသုံးပုံ ဖြစ်သော ၆ ပါတီ ညွန့်ပေါင်း အဖွဲ့ သာမက အခြားသော
ထောက်ခံမဲ များကိုလည်း ရရှိခဲ့ခြင်း ဖြစ်ပါသည်။

လွှတ်တော် အမတ်များ သုံးရက်ကြာ အကြိတ်အနယ် ဆွေးနွေး
ငြင်းခုံကြပြီး နောက်မဲခွဲ ဆုံးဖြတ်ကြ ရာတွင် ဝန်ကြီးချုပ် ရင်လပ်အား လက်ရှိ ရာထူးတွင် ဆက်လက် ထမ်းဆောင်ရန် အတည်ပြု ခဲ့ကြောင်း လွှတ်တော် ဥက္ကဌက ကြေညာခဲ့ ပါသည်။

ဝန်ကြီးချုပ် သာမက ဒုတိယ ဝန်ကြီးချုပ်၊ ကာကွယ်ရေး ဝန်ကြီးနှင့်
ပြည်ထဲရေး ဒုတိယဝန်ကြီး တို့သည် လည်း စွပ်စွဲပြစ်တင်မှု များကို
ကျော်လွှားနိုင် ခဲ့ကြပါသည်။

ရင်လပ်အား အဓိက အတိုက်အခံ ဒီမိုကရက် ပါတီက စွပ်စွဲ ပြစ်တင်
ခဲ့ခြင်း ဖြစ်ပါသည်။ စွပ်စွဲချက် များတွင် အစိုးရ၏ အငြင်းပွားဖွယ် ဆန်စပါး ဝယ်ယူမှု အစီအစဉ်နှင့် ပတ်သက်ပြီး အကျင့်ပျက် ခြစားမှု များနှင့် ယခင် ဖြုတ်ချခံ ခဲ့ရသော အစ်ကို ဖြစ်သူ ဝန်ကြီးချုပ် ဟောင်း၏ ရုပ်သေးရုပ် ဖြစ်နေမှုတို့ ပါဝင်ပါသည်။

ရင်လပ်၏ အစ်ကို ဖြစ်သူ ဝန်ကြီးချုပ် ဟောင်း သက်ဆင် သည် ၂ဝဝ၆ ခုနှစ်တွင် စစ်ဘက်၏ အာဏာသိမ်း ဖြုတ်ချခံ ခဲ့ရပြီး အကျင့်ပျက် ခြစားမှု စွဲချက်ဖြင့် ထောင်ဒဏ် စီရင်ထားခြင်း ခံရကာ ယခုအခါ ပြည်ပတွင်
နေထိုင်လျက် ရှိကြောင်း သိရှိရ ပါသည်။

မြ၀တီ

2

ကောင်းသောမျက်စိဖြင့် ရှုမြင်ကြပြီး၊ ကောင်းစွာ ကျင့်ကြံနိုင်ကြပါစေ..

Friday, 30 November 2012

လူတွေက ကောင်းတာတွေကိုပဲ ကြိုက်ကြတာ မဟုတ်ပါဘူး.. မကောင်းတာတွေကို ပိုပြီးတော့ ကြိုက်ကြပါတယ်။

မွှေးနေတာတွေပဲ ရှူချင်ကြတာ မဟုတ်ပါဘူး.. နံနေတဲ့ အနံ့ဆိ

ုရင် ပိုပြီး ရှူကြည့်ကြတယ်။

ကောင်းတာတွေပဲ ကြည့်ချင်ကြတာ မဟုတ်ပါဘူး.. မကောင်းတာတွေကို ကြည့်ရတာလဲ ပိုပြီး ခုံမင်တယ်။ သွေးသံရဲရဲတွေဆို ကြည့်ချင်ကြတယ်။

မကောင်းတဲ့ စကားဆို ပြောချင်ကြတယ်။ နားထောင်ချင်ကြတယ်။

အဲ့ဒီလိုနဲ့ပဲ ကောင်းတာတွေကို မလုပ်မိတော့တာ များပါတယ်။
လူတွေရဲ့ စိတ်ဟာ မကောင်းတာတွေနဲ့ပျော်မွေ့တက်ကြတာ သဘာဝပါလို့ တရားတွေမှာ ဘုရားက ဟောခဲ့ပါတယ်။ တကယ်တော့ ကောင်းတာတွေ လုပ်ဖို့ ပြောဖို့ ကြံဖို့ အများကြီးရှိပါတယ်။

ကောင်းတာတွေပဲတွေးပြီး ကောင်းအောင် လုပ်ကြရင် အကောင်းတွေပဲ ဖြစ်လာကြမှာပါ..

ကောင်းသောမျက်စိဖြင့် ရှုမြင်ကြပြီး၊ ကောင်းစွာ ကျင့်ကြံနိုင်ကြပါစေ..


TechSpace Journal

5

လက်ပံတောင်းတောင် မီးလောင်ဗုံးကိစ္စ အဓိကတရားခံ ပြည်ထဲရေးဝန်ကြီး ဒုဗိုလ်ချုပ်ကြီးကိုကို

တန်ဆောင်မုန်းလပြည့်နေ့ညက ဖြစ်ပွားခဲ့သော

လက်ပံတောင်းတောင်ကြေးနီစီမံကိန်းအား ငြိမ်းချမ်းစွာဆန္ဒပြနေသော ရဟန်းသံဃာအပါအ၀င် ပြည်သူများအား အကြမ်းဖက်နှိမ်နှင်းမှုပုံစံဖြစ်ပေါ်သည့်ကိစ္စတွင် အဓိကတာဝန်အရှိဆုံးလူမှာ ပြည်ထဲရေး ပြည်ထောင်စုဝန်ကြီး ဒုဗိုလ်ချုပ်ကြီးကိုကိုဖြစ်ကြောင်းသိရှိရသည်။ အစိုးရအဖွဲ့ သမ္မတရုံးမှ လက်ပံတောင်းတောင်ကိစ္စကို ပြည်ထဲရေးဝန်ကြီးဌာနအား ဖြိုခွဲရှင်းလင်းရန် တာဝန်ပေးအပ်ထားသော်လည်း ရဲတပ်ဖွဲ့ဝင်များ၏ လုပ်နည်းကိုင်နည်း မကျွမ်းကျင်မှု နည်းစနစ် မသေချာမှု နှင့် ကြိုတင်ပြင်ဆင်လေ့ကျင့်ခြင်းများ အားနည်းခဲ့သောကြောင့် အရုပ်ဆိုးအကျည်းတန်သည့် အကြမ်းဖက်နှိမ်နှင်းမှုပုံစံဖြစ်ပွားခဲ့ခြင်းဖြစ်သည်။ ဆန္ဒပြသူများအား ဖြိုခွဲရှင်လင်းရာတွင် လုပ်ကိုင်နည်းအဆင့်ဆင့်ဖြစ်သည့် (၁)ဆန္ဒပြသူများအား မိုက်ခ် များ အော်လံများဖြင့် သတိပေးခြင်း (၂) အတွင်းစည်းအပြင်စည်းတားခြင်း (၃) ထပ်မံသတိပေးခြင်း (၄) အင်အားပြင်းရေပိုက်အသုံးပြုပြီး လူစုခွဲခြင်း (၅) မျက်ရည်ယိုဗုံးများ၊ မီးခိုးဗုံးများခွဲပြီး လူစုခွဲခြင်း (၆) အဓိကခေါင်းဆောင်များကို ဖမ်းဆီးခြင်း (၇) ဒါဏ်ရာရရှိသူများအား သက်ဆိုင်ရာဆေးကုသမှုပေးခြင်း (၈) လူစုခွဲလုပ်ငန်းပြီးဆုံးခြင်းဟူ၍ အကျဉ်းဖျင်းအဆင့်များရှိပါသည်။ အဆင့် (၄) အထိ အောင်မြင်အောင်ဆောင်ရွက်နိုင်ခဲ့သော်လည်း အဆင့်(၅) စတင်ချိန်တွင် စမ်းသပ်လေ့ကျင့်ထားခြင်းမရှိသော ဖော့စ်ဖောရပ်စ်ပါဝင်သော မီးခိုးဗုံးများဖြင့် ပစ်ခတ်ခဲ့ရာမှ အဆိုပါဖော့စ်ဖောရပ်စ်မှာ လေနှင့်ဓါတ်ပြုပြီး ဟိုက်ဒရိုဂျင်နှင့် အောက်စီဂျင်ဓါတ်ပေါင်းများကို မီးလောင်ကျွမ်းစေသဖြင့် အဆင့်(၄)တွင် ရေဖျန်းခံထားရသော လူ၊ ရွက်ဖျင်တဲများနှင့် ပစ္စည်းများကို မီးလောင်ကျွမ်းခြင်း ဖြစ်ပေါ်ခဲ့ရသည်။ အဆိုပါ အဆင့်(၅)တွင် မမျှော်လင့်ဘဲ မီးတောက်မီးလျှံများ ဖြစ်ပေါ်ခဲ့သဖြင့် ဘာဆက်လုပ်ရမည်မသိဘဲ ကြောင်ငေးကြည့်နေခဲ့ရကြောင်းကို အဆိုပါဖြစ်စဉ်တွင် ပါဝင်သည့် အမည်မဖေါ်လိုသူ ရဲအရာရှိတစ်ဦးက PDK နှင့် ဖုန်းဆက်သွယ်ရာတွင် ပြောကြားခဲ့သည်။ အဆိုပါ ရဲအရာရှိက မိမိတို့မှာ ရခိုင်ပြည်နယ်ဖြစ်စဉ်တွင် အသုံးပြုခဲ့သော မီးခိုးဗုံးများဟုသာ ယူဆသဖြင့် ဆန္ဒပြနှိမ်နှင်းရေးအဆင့်များအတိုင်း လုပ်ဆောင်ခဲ့ခြင်းဖြစ်ကြောင်း၊ မမျှော်လင့်ဘဲ မီးများထလောင်ခဲ့သဖြင့် ကြောင်ငေးကြည့်နေရပြီး နောက်ပိုင်းအဆင့်များကို အောင်မြင်စွာမဆောင်ရွက်နိုင်ခဲ့ကြောင်း၊ ထိုသို့မီးများလောင်ကျွမ်းသဖြင့် သံဃာတော်များ ဒဏ်ရာအနာတရ ရခဲ့မှုများရှိသည်ကို သိရှိရသဖြင့် ၀မ်းနည်းရပါကြောင်း ပြောဆိုသွားသည်။ သို့ဖြစ်၍ လက်ပံတောင်းတောင် ဆန္ဒပြမှု လူစုခွဲရေးစီမံချက်သည် အထက်မှ အောက်ခြေအဆင့်အထိ ကောင်းမွန်စွာ ကြီးကြပ်ကွပ်ကဲနိုင်မှုမရှိခြင်း၊ အောက်ခြေတွင် အသုံးပြုသော လက်နက်ပစ္စည်းများအကြောင်း မသိရှိပဲ လွဲမှားစွာအသုံးပြုခဲ့မိခြင်း၊ အဓိကရုန်းနှိမ်နှင်းရေးနည်းလမ်းများကို အခြေအနေနှင့်အညီ သင့်တော်အောင် အမိန့်မပေးနိုင်ခြင်းများကြောင့် အရုပ်ဆိုးအကျည်းတန်ခဲ့ရပြီး လုပ်ပိုင်ခွင့်ရှိသူနှင့်ပစ်မိန့်ပေးသူ ပြည်ထဲရေးဝန်ကြီး ဒုဗိုလ်ချုပ်ကြီးကိုကိုမှာ တာဝန်ရှိကြောင်း တင်ပြလိုက်ပါသည်။

Post by: People Development for Knowledge
Photo by: မြ၀တီ

သိမ်ဖြူဆိပ်ခံတံတားနှင့် ဆိပ်ကမ်းဝန်ဆောင်မှု လုပ်ငန်းအား သမ္မတအကြံပေး ကောင်စီဝင်တစ်ဦး၏ KMA Shipping ကုမ္ပဏီမှ BOT စနစ်ဖြင့် လုပ်ကိုင်ခွင့် ရရှိ၊ လုပ်ငန်းအတွက် ပြည်ပမှတင်သွင်းမည့် ယာဉ်ယန္တရားတန်ဖိုး ကျပ်သန်းပေါင်း ၁၄၇၂၀ ဖိုး အခွန်ကင်းလွတ်ခွင့် ရမည်

BOT စနစ်ဖြင့် လုပ်ကိုင်ခွင့်ရရှိသွားသည့် သိမ်ဖြူဆိပ်ကမ်းအား တွေ့ရစဉ် ဆိပ်ခံတံတားတည်ဆောက်ပြီး ဆိပ်ခံတံတား ၀န်ဆောင်မှုပေးမည့် လုပ်ငန်းအား သမ္မတအကြံပေး ကောင်စီဝင်တစ်ဦး၏ KMA Shipping Co.,Ltd မှ လုပ်ကိုင်ခွင့်ရရှိခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ ထုတ်ပြန်ချက်များအရ သိရသည်။ မြန်မာနိုင်ငံသားများ ရင်းနှီးမြှုပ်နှံမှု ဥပဒေအရ သမ္မတရုံး ပြည်ထောင်စုဝန်ကြီး ဦးစိုးသိန်း ဥက္ကဋ္ဌအဖြစ် တာဝန်ယူဆောင်ရွက်နေသည့် မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) မှ လုပ်ကိုင်ခွင့်ပြုခဲ့ကြောင်း သတင်းရရှိပါသည်။ မြန်မာနိုင်ငံသားများ ရင်းနှီးမြှုပ်နှံမှု ဥပဒေကြမ်းအရ ဆိပ်ခံတံတားနှင့် ဆိပ်ကမ်းဝန်ဆောင်မှုလုပ်ငန်း တည်ဆောက်ရန်အတွက် ကျပ်သန်းပေါင်း ၁၄၇၀၀ ကျော်ဖိုးရှိ ပြည်ပမှတင်သွင်းမည့်ယာဉ်၊ ယန္တရားများအတွက် အခွန်လွတ်ဖြင့် တင်သွင်းခွင့် ရရှိနိုင်သည်။ ရန်ကုန်မြို့ရှိ သိမ်ဖြူသင်္ဘောကျင်းနှင့် ဆက်စပ်နေရာအား သိမ်ဖြူကုန်သေတ္တာတင် ဆိပ်ခံတားတည်ဆောက်၍ ဆိပ်ကမ်းဝန်ဆောင်မှုပေးမည့် လုပ်ငန်းလုပ်ကိုင်မည့် လုပ်ငန်းအား BOT စနစ်ဖြင့် လုပ်ကိုင်ခွင့်ရရှိခြင်း ဖြစ်သည်။ ၂၀၁၂ ခုနှစ် အောက်တိုဘာလ ၁၈ ရက်နေ့က ခွင့်ပြုခဲ့ခြင်းဖြစ်ပြီး ယခုလုပ်ငန်း အကောင်အထည်ဖော်မည့်နေရာမှာ ၂၂ ဒသမ ၆၂ ဧက ကျယ်ဝန်းကြောင်းနှင့် နှစ်ရှည်ငှားရမ်းလုပ်ကိုင်ခွင့် ရထားကြောင်း သိရှိရပါသည်။ ရင်းနှီးမြှုပ်နှံမည့်ပမာဏမှာ ကျပ် ၅၈၅၃၉ ဒသမ ၈၄ သန်းဖြစ်ကြောင်းနှင့် KMA Shipping ကုမ္ပဏီလီမိတက်မှ MIC သို့ တင်ပြချက်အရ ကုမ္ပဏီ Executive စာရင်းတွင် ဦးခင်မောင်အေး ပါဝင်ကြောင်းလည်း သိရှိရပါသည်။ KMA Group of Companies ၏ ဥက္ကဋ္ဌမှာ လက်ရှိ CB ဘဏ်ဥက္ကဋ္ဌ ဦးခင်မောင်အေးဖြစ်ပြီး နိုင်ငံတော်သမ္မတ၏ အမျိုးသားစီးပွားရေးနှင့် လူမှုရေးအကြံပေးကောင်စီတွင် အဖွဲ့ဝင်တစ်ဦးလည်း ဖြစ်သည်။ KMA Group of Companies သည် မြန်မာနိုင်ငံအတွင်း ဟိုတယ်နှင့် ခရီးသွားလုပ်ငန်း၊ သင်္ဘောလိုင်းကုမ္ပဏီ၊ အိုးအိမ်ဖွံ့ဖြိုးမှုလုပ်ငန်း၊ သတ္တုတွင်းထွက်လုပ်ငန်း၊ စက်ယန္တရားလုပ်ငန်း၊ တည်ဆောက် ရေးလုပ်ငန်း၊ သစ်လုပ်ငန်း၊ စိုက်ပျိုးရေးလုပ်ငန်း၊ ပို့ကုန်သွင်းကုန်လုပ်ငန်း၊ လျှပ်စစ်နှင့် အိုင်တီလုပ်ငန်း၊ ကားအရောင်းစင်တာ ဖွင့်ခြင်းနှင့် အနုပညာလုပ်ငန်းများအပြင် စီးပွားရေးလုပ်ငန်းများစွာ လုပ်ကိုင်နေသည့် ကုမ္ပဏီဖြစ်သည်။ Myanmar Citizens Invsetment Law အရ နိုင်ငံသားများ မြှုပ်နှံမှု ခုနှစ် လုပ်ငန်းအရေအတွက် ပမာဏ(ကျပ်သန်း) ၂၀၀၇ (နိုဝင်ဘာလထိ) ၆၇၉ ၁၄၁၃၈၁ .၃၄ ၂၀၀၉ (ဇူလိုင်လထိ) ၇၀၂ ၁၆၉၅၄၄ .၁၀ ၂၀၁၀ (နိုဝင်ဘာလထိ) ၇၆၅ ၁၀၅၀၆၂၅ .၃၄ ၂၀၁၁ (အောက်တိုဘာလထိ) ၈၁၃ ၁၄၃၄၃၄၆ .၂၇ ၂၀၁၂ (သြဂုတ်လ ၁၃ ထိ) ၈၅၇ ၁၈၄၄၀၉၃ .၄၅ ၂၀၁၂(အောက်တိုဘာ ၁ ရက်ထိ) ၈၆၀ ၁၉၀၄၇၈၈ .၅၆ ၂၀၁၂(နိုဝင်ဘာလ ၁၉ ရက်ထိ) ၈၆၅ ၁၉၉၉၄၃၀ .၈၁

မိုဘိုင်းဖုန်းများ၏ အင်တာနက်အသုံးပြုခအား Volume စနစ်ဖြင့် ပြောင်းလဲကောက်ခံမည့် အစီအစဉ်အား ရွှေ့ဆိုင်း

မိုဘိုင်းဖုန်းများ၏ အင်တာနက်အသုံးပြုခအား Volume Based Charging စနစ်ဖြင့် ပြောင်းလဲကောက်ခံမည့် အစီအစဉ်အား ရွှေ့ဆိုင်းလိုက်ပြီး ယခုနှစ်ကုန်အထိ တစ်မိနစ်လျှင် ၂ ကျပ်၊ ၄ ကျပ်နှုန်းဖြင့်သာ ဆက်လက်ကောက်ခံသွားမည်ဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူက နိုဝင်ဘာလ ၃၀ ရက် ည ၇ နာရီခန့်တွင် ပြောကြားခဲ့သည်။ ''စာနယ်ဇင်းတွေနဲ့ တွေ့ဆုံဆွေးနွေးပြီးတဲ့အခါမှာ သက်ဆိုင်ရာ လူကြီးတွေကို report လုပ်ပါတယ်။ report လုပ်ပြီးဆွေးနွေးချက်အရ လူကြီးတွေက ပြန်ပြီးကောက်ခံမယ့် နှုန်းထားတွေကို ပြန်လည်တွက်ချက်ပြီးမှ ပြန်လည်ကောက်ခံဖို့ နောက်တစ်လကို ထပ်ရွေ့လိုက်ပါတယ်။ အခုသတ်မှတ်လိုက်တဲ့ နှုန်းထားတွေကို ထပ်လျော့မယ့် သဘောရှိပါတယ်။ လက်ရှိ ထုတ်ပြန်ထားတာတွေက cancel ဖြစ်သွားပါပြီ'' ဟု မြန်မာ့ဆက်သွယ်ရေးလုပ်ငန်းမှ အင်ဂျင်နီယာချုပ် ဦးဌေးဝင်းက ပြောကြားခဲ့သည်။ ဒီဇင်ဘာလ ၁ ရက်နေ့မှ စတင်ကာ မိုဘိုင်းဖုန်းများ၏ အင်တာနက်အသုံးပြုခအား Time Based Charging စနစ်မှ Volume Based Charging စနစ်ဖြင့် ပြောင်းလဲကောက်ခံမည့် အစီအစဉ်နှင့် ပတ်သက်၍ မြန်မာ့ဆက်သွယ်ရေးလုပ်ငန်းမှ စာနယ်ဇင်းရှင်းလင်းပွဲအား နိုဝင်ဘာလ ၃၀ ရက်နေ့တွင် ရန်ကုန်မြို့ အောက်ပုဇွန်တောင်လမ်းမပေါ်ရှိ ကြေးနန်းဆက်သွယ်ရေးနှင့် စာတိုက်သင်တန်းကျောင်းတွင် ကျင်းပပြုလုပ်ခဲ့ပြီးနောက် ယင်းနေ့ ညပိုင်း၌ပင် ထိုအစီအစဉ်အား ရွှေ့ဆိုင်းလိုက်ကြောင်း ပြန်လည်ထုတ်ပြန်ခဲ့သည်။

ဗီယက်နမ်- မြန်မာ ကုန်သွယ်ရေးနှင့် ရင်းနှီးမြှုပ်နှံမှု သဘောတူညီလက်မှတ်ရေးထိုး

Friday, November 30, 2012

ဗီယက်နမ်- မြန်မာ နှစ်နိုင်ငံအကြား ကုန်သွယ်ရေးနှင့် ရင်းနှီးမြှုပ်နှံမှု ပူးပေါင်းဆောင်ရွက်ရေးအတွက် နိုဝင်ဘာ ၃၀ ရက်နေ့၌ သဘောတူညီမှု လက်မှတ

်ရေးထိုးခဲ့သည်။

အဆိုပါ သဘောတူညီမှုကို မြန်မာနိုင်ငံ ကုန်သည်ကြီးများနှင့် စက်မှုလက်မှု
လုပ်ငန်းရှင်များအသင်း၊ ဗီယက်နမ်ကုန်သည်ကြီးများအသင်းနှင့် စက်မှု လက်မှုလုပ်ငန်းရှင်များအသင်း တို့ကြား ရေးထိုးခဲ့ခြင်း ဖြစ်သည်။

ဗီယက်နမ်-မြန်မာခေါင်းဆောင်နှစ်ဦးမှ နှစ်နိုင်ငံဆိုင်ရာ ကုန်သွယ်ရေးနှင့် ရင်းနှီးမြှုပ်နှံမှုအား လာမည့် ၂၀၁၅ ခုနှစ်အတွင်း တစ်နှစ်လျှင် ကန်ဒေါ်လာ သန်း (၅၀၀)သို့ ရောက်သည်အထိ ကုန်သွယ်မှုပမာဏ ပြုလုပ်သွား မည်ဖြစ်ကြောင်း နှစ်နိုင်ငံပူးတွဲ ကြေညာချက်တွင် ထုတ်ပြန်ခဲ့သည်။

YN, TTL
Popular Myanmar News Journal

အမေရိကန်မြို့ကြီးများ၌ သေနတ်များ ရောင်းအားကောင်း

Friday, November 30, 2012

အမေရိကန်သမ္မတ ဘားရက်အိုဘားမား သမ္မတအဖြစ် ပြန်လည်ရွေးချယ် တင်မြှောက်ခံရပြီးနောက် အမေရိကန်နိုင်ငံ၌ သေနတ်များ ရောင်းအား
ကောင်းခဲ့ကြောင်း သိရသည်။

အထူးသဖြင့် ဟူစတွန်မြို့ရှိ လက်နက် အရောင်းဆိုင်များ၌ လက်နက်များ သိသိသာသာ ရောင်းအားကောင်းခဲ့ကြောင်း အရောင်းဆိုင် ပိုင်ရှင်များက
ပြောကြားသည်။

သမ္မတရွေးကောက်ပွဲ နေ့မှစပြီး ဆက်တိုက် လက်နက်များရောင်းအား
ကောင်းနေခဲ့ကြောင်း ဂျင်ပရွတ်သေနတ် ထုတ်လုပ်ရေး ကုမ္ပဏီက
ပြောကြားသည်။

အမေရိကန် နိုင်ငံတစ်ဝန်း မြို့ကြီးများရှိ သေနတ်စတိုးဆိုင်ကြီး
များတွင် သေနတ်နှင့် ကျည်ဆန်များ ရောင်းအားကောင်းခဲ့သည်။

Khit Lu Nge

အမျိုးသမီးများကို အကြမ်းဖက်မှုမှ ကာကွယ်ရန်ပူးပေါင်းပါဝင်ရန် လိုအပ်

Friday, November 30, 2012

အမျိုးသမီးများကို အကြမ်းဖက်မှုမှ ကာကွယ်ရန် အမျိုးသားများ ပူးပေါင်းပါဝင်ရန် လိုအပ်ကြောင်း ရန်ကုန် ဖဲကြိုးဖြူ လူပ်ရှားမူ အခမ်းအနားကျင်းပရာတွင် ဦးဆောင် ပါဝင်သူတစ်ဦးဖြစ်သူ ဖွံ့ဖြိုးရေးပညာရောင်ချယ်(CDEC)မှ မညိုမီထွဋ်က ဖဲကြိုးဖြူနေ့ အခမ်းအနားတွင် ပြောကြားခဲ့သည်။

" ဒီပွဲကိုလုပ်ရတဲ့ အဓိက ရည်ရွယ်ချက်ကတော့ အမျိုးသမီးတွေကို အကြမ်းဖက်မူက ကာကွယ်ဖို့ အမျိုးသားတွေ ပူးပေါင်း ပါဝင်လာစေဖို့နဲ့ အမျိုးသမီး အချင်းချင်း ပူးပေါင်းဆောင်ရွတ်မှု မြင့်တက်လာစေဖို့
ရယ်ရွယ်ပါတယ် “ ဟု ၎င်းက အဆိုပါ အခမ်းအနား တွင် ပြောကြားသည်။

လူ့အဖွဲ့အစည်းတွင်းတွင် အိမ်တွင်းအကြမ်းဖက်မူများမှာ သိသာထင်ရှားမှု ရှိသော်လည်း၊ အမျိုးသမီးများအပေါ် ထိကပါးရိ ကပါး လုပ်ခြင်းမှာလည်း သိသာထင်ရှားမှု မရှိသည့် အကြမ်းဖက်မူများဖြစ်ကြောင်း ၎င်းက ဆိုသည်။

“ကျမကိုယ်တိုင်လည်း ကျောင်းမှာ ကြုံခဲ့ဖူးတယ်။ ဘောင်းဘီက အရမ်းကျပ်နေတယ်လို့ မကြားတကြား လှမ်းပြောတာ မျိုး တွေ၊ ကျမတို့သူငယ်ချင်းတွေရယ်တာ အသံနဲနဲ ကျယ် သွားရင် ဘေးက အမျိုးသားအုပ်စုက လှောင်ပြောင်ရယ်မောတာမျိုး တွေပါ" ဟု ၎င်းကြုံတွေ့ ခဲ့ရသည့် အတွေ့အကြုံကို မေးမြန်းရာတွင် ပြန်လည်ဖြေကြားသည်။

သင်္ဂဟအဖွဲ့မှ ကိုမိုးဇက်က အမျိုးသမီးများအပေါ် အကြမ်းဖက်မူမှ
ကာကွယ်ရာတွင် အမျိုးသားတစ်ဦး အနေဖြင့် ဦးဆောင်
ပေးခြင်းဖြစ်ကြောင်း၊ အကြမ်းဖက်မူများ ကို ယေဘူယျအားဖြင့်
စိတ်ပိုင်း၊ရုပ်ပိုင်းနှင့် လိင်ပိုင်းဟူ၍ သုံးမျိုးခွဲခြားနိုင်ကြောင်း ၎င်းက ပြောကြားသည်။

ဖဲကြိုးဖြူလူပ်ရှားမူများကို နိုင်ငံပေါင်း ၆၀ခန့်တွင် အမျိုးသားများမှ ဦးဆောင်ကျင်းပလေ့ရှိပြီး အမျိုးသမီးများအပေါ် အကြမ်းဖက်မူ
ရပ်တန့်ရန် အဓိကရည်ရွယ်ပြီး အဆိုပါ အခမ်းနားများကို ၁၉၈၉ မှ စတင်၍ ကနေဒါနိုင်ငံတွင် အမျိုး သားပေါင်းတသိန်းကျော် ပါဝင် ကျင်းပရာမှ
စတင် ခဲ့ခြင်း ဖြစ်သည်။

လင်းသစ်
The Myanma Age

ဘင်္ဂလားပင်လယ်အော်တောင်ပိုင်းသို့ ရောက်ရှိလာသည့် 99B

By mmweather.ygn, on November 30th, 2012

ဘင်္ဂလားပင်လယ်အော်တောင်ပိုင်းတွင် ဖြစ်ပေါ်လျှက်ရှိသည့် လေဖိအားနည်းဆဲလ် INVEST 99B သည် ကော့သောင်းမြို့ အနောက်ဘက် ၅၂၅ မိုင်ခန့်၊ အိန္ဒိယနိုင်ငံ ပို့ဘလဲယာ

းမြို့ အနောက်တောင်ဘက် ၁၉၅ မိုင်ခန့်၊ ချင်နိုင်း(Chennai)မြို့ အရှေ့တောင်ဘက် ၇၆ဝ မိုင်ခန့်အကွာ ပင်လယ်ပြင်တွင် ဗဟိုပြုနေပြီး လွန်ခဲ့သည့် ၆ နာရီအတွင်း တောင်-အနောက်
တောင်ဘက်သို့ တစ်နာရီ ၈ မိုင်နှုန်းခန့်ဖြင့် ရွေ့လျားခဲ့ကြောင်း နိုဝင်ဘာလ ၃ဝ ရက် မြန်မာစံတော်ချိန် နံနက် ဝ၆၃ဝ နာရီ NRL data များအရ သိရှိရပါသည်။
JTWC မှ ထုတ်ပြန်ချက်တွင် သီရိလင်္ကာနိုင်ငံ ကိုလံဘိုမြို့ အရှေ့-အရှေ့မြောက်ဘက် ၆၇ဝ နော်တီကယ်မိုင်ခန့်တွင် ဖြစ်ပေါ်လျှက်ရှိသည့် လေဖိအားနည်းရပ်ဝန်းသည် လာမည့် ၂၄ နာရီအတွင်း မုန်တိုင်းဖြစ်လာနိုင်ခြေ LOW အဆင့်တွင်ရောက်ရှိနေကြောင်း၊ ဒေသတွင်း လေထုစိုထိုင်းဆ နည်းပါမှု(လေထုလွှာခြောက်သွေ့မှု)က မုန်တိုင်းဖြစ်လာမည့် အချိန်ကို နှောင့်နှေးစေခဲ့ခြင်း ဖြစ်ကြောင်း၊ လေဖိအားနည်းရပ်ဝန်း ဗဟိုတွင် လေပြင်းတိုက်ခတ်နှုန်း ၂ဝ မှ ၂၅ နော်တီကယ်မိုင်နှုန်းခန့် ရှိကြောင်း စသည်ဖြင့် ထုတ်ပြန်ထားပါသည်။

NRL ဂြိုလ်တုတိမ်ပုံ(အောက်ပုံ)အရ တိမ်ထုစုဖွဲ့ဖြစ်ပေါ်မှု (၂)နေရာ ရှိနေပြီး ပုံတွင် A နှင့် B ဟု အမည်ပေး ပြသထားပါသည်။ လေဖိအားနည်းရပ်ဝန်း(INVEST 99B) သည် A နှင့် B ကြားတွင် ရှိနေပြီး ၄င်း၏ ရွေ့လျားမှု၊ တိမ်တိုက် A နှင့် B တို့ ဆက်လက် ဖြစ်တည်မှု အခြေအနေအားစောင့်ကြည့်ပြီး ထူးခြားမည့် အခြေအနေအား ဆက်လက် တင်ပြပေးသွားပါမည်။

99B
30 Nov 2012 0000Z
Location: 9.5 90.9
Winds: 25 knots
Central Pressure: 1004 hPa

JTWC 30NOV 0000UTC

AN AREA OF CONVECTION HAS PERSISTED NEAR 9.5N 90.9E, APPROXIMATELY 670 NM EAST-NORTHEAST OF COLOMBO, SRI LANKA.
RECENT ANIMATED INFRARED SATELLITE IMAGERY SHOWS DEEP CONVECTION FLARING OVER A DEVELOPING LOW LEVEL CIRCULATION CENTER (LLCC) EVIDENT IN A 292104Z AMSU-B PASS.
THIS DISTURBANCE LIES BENEATH AN UPPER LEVEL RIDGE AXIS, WITH LOW VERTICAL WIND SHEAR AND FAVORABLE DIFFLUENCE ALOFT.
HOWEVER, THE LLCC IS EXPECTED TO MOVE WESTWARD INTO AN AREA OF HIGHER VERTICAL WIND SHEAR AND WILL LIKELY ENTRAIN DRIER AIR PRESENT ACROSS THE WESTERN BAY OF BENGAL IN THE DAYS AHEAD, LIMITING THE TIME WINDOW FOR FURTHER DEVELOPMENT.
MAXIMUM SUSTAINED SURFACE WINDS ARE ESTIMATED AT 20 TO 25 KNOTS.
MINIMUM SEA LEVEL PRESSURE IS ESTIMATED TO BE NEAR 1005 MB.
BECAUSE THE LLCC IS JUST BEGINNING TO DEVELOP, THE POTENTIAL FOR THE DEVELOPMENT OF A SIGNIFICANT TROPICAL CYCLONE WITHIN THE NEXT 24 HOURS IS LOW.

View Original Articlehttp://blog.mmweather.com/2012/11/30/invest-99b/

1

အုပ်စုတက်ရေး အဆုံးအဖြတ် ကစားကြမည့် မြန်မာ-ဖိလစ်ပိုင် ပွဲကြိုသတင်း

Friday, November 30, 2012

မြန်မာအသင်းနဲ့ ဖိလစ်ပိုင် အသင်းတို့ရဲ့ အုပ်စုနောက်ဆုံးပွဲစဉ်ကို မူလသတ်မှတ်ထားတဲ့ မွန်ထောင် ဘောလုံးကွင်းမှာ မကန်တော့ဘဲ ဘန်ကောက်မြို့လယ်ရှိ စူပါချာလဆိုင်ကွင်းမှာ ည ၈း၂၀ မှာ ယှဉ်ပြိုင်သွားမယ်လို့ အာဆီယံ ဘောလုံးအဖွဲ့ချုပ်က AFF Suzuki ၀က်ဘ်ဆိုဒ်မှာ ကြေညာသွားပါတယ်။ မြန်မာ့လက်ရွေးစင်အသင်းဟာ လက်ရှိအချိန်မှာ ၂ ပွဲကစားထားပြီး ဗီယက်နမ်အသင်းနဲ့ ၁-၁ ရလဒ် သရေကျထားပါတယ်။ ထိုင်းအသင်းကိုတော့ ၄-၀ နဲ့ ရှုံးနိမ့်ထားပါတယ်။

ဒါပေမယ့် မြန်မာအသင်းဟာ အုပ်စုတက်ရေး ကံကြမ္မာ ကိုယ့်လက်ထဲမှာ ရှိနေဆဲဖြစ်ပြီး ဖိလစ်ပိုင်အသင်းကို အနိုင်ရရင် အုပ်စုတက်ဖို့ အခွင့်အရေးရှိပါတယ်။ တဖက်ပွဲစဉ်မှာ ထိုင်းအသင်းဟာ ဗီယက်နမ်အသင်းနဲ့ ယှဉ်ပြိုင်ရမှာဖြစ်ပြီး ဗီယက်နမ် အသင်းကလည်း ထိုင်းအသင်းကို နိုင်ရင် အုပ်စုတက်ဖို့ အခွင့်အရေးက မြန်မာနဲ့ တန်းတူရှိပါသေးတယ်။

မြန်မာအသင်းရဲ့ နောက်ဆုံးရသတင်းများ

မြန်မာအသင်းရဲ့ လက်ထောက်နည်းပြ ဦးတင်မြင့်အောင်က “ကျနော်တို့ အကောင်းဆုံး ကြိုးစားကစားပြီး အနိုင်ရမှဖြစ်မှာပါ။ နည်းပြ ပါ့ဆောင်ဟွာနဲ့ ကျနော်တို့ဟာ ထိုင်းအသင်းကို ရှုံးနိမ့်အပြီးမှာ ကစားသမားတွေ စိတ်ဓာတ်ပြန်လည် တက်ကြွလာစေဖို့ ကြိုစားနေပါတယ်။ ကျနော်တို့ ကိုယ့်နိုင်ငံ ဂုဏ်သိက္ခာအတွက် တိုက်ပွဲဝင်ရပါမယ်။ ကျနော်တို့ ဒီပွဲကို အနိုင်ရရှိမှဖြစ်မယ်” ဆိုပြီး သတင်းစာရှင်းလင်းပွဲမှာ
ပြောကြားခဲ့ပါတယ်။

မြန်မာအသင်းရဲ့ ကြယ်ပွင့်ကစားသမား ကြည်လင်းကလည်း ထိုင်းအသင်းကို ဂိုးပြတ် ရှုံးနိမ့်တဲ့အတွက် မြန်မာပရိတ်သတ်ကြီး
တောင်းပန်ပါကြောင်းနဲ့ ဖိလစ်ပိုင်အသင်းကို အနိုင်ရရှိပြီး ဆီမီးဖိုင်နယ်သို့ တက်ရောက်ဖို့ အကောင်းဆုံး ကြိုးစားသွားမှာဖြစ်ကြောင်း ပြောဆိုခဲ့ပါတယ်။

ဖိလစ်ပိုင်အသင်းရဲ့ နောက်ဆုံးရသတင်းများ

ဖိလစ်ပိုင်အသင်းဟာ ဗီယက်နမ်အသင်းကို အနိုင်ရရှိသွားတဲ့အတွက် တအားကို စိတ်ဓာတ်တက်ကြွနေပြီး ဆူဇူးကီး ဖလားမှာ ၂ ကြိမ်ဆက်တိုက် ဆီမီးဖိုင်နယ်တက်ဖို့ မျှော်လင့်နေပါတယ်။

ဖိလစ်ပိုင်အသင်းနည်းပြ ဝေ့စ်ကတော့ “ကျနော်တို့ ဗီယက်နမ်ကို နိုင်လိုက်တဲ့အတွက် နောက်တဆင့်တက်ရေးဟာ ကျနော်တို့လက်ထဲ ရောက်ရှိလာပါပြီ။ ဒီအကောင်းဆုံး ပုံစံကိုသာ ဆက်ထိန်းနိုင်ရင် နောက်တဆင့်တက်ဖို့ ကျနော်တို့မှာ အခွင့်အရေးရှိပါတယ်။ အခုအချိန်မှာ အသင်းတိုင်းဟာ အုပ်စုတက်ဖို့ အခွင့်အရေး ကိုယ်စီရှိနေပါတယ်။ အဲ့ဒါကြောင့် ပွဲတိုင်းကို ဂရုစိုက်ဖို့ လိုအပ်နေပြီး တခြားအသင်းတွေရဲ့ ရလဒ်ကို ကြည့်နေဖို့မလိုအောင် တဖက်အသင်းကို အနိုင်ကန်သွားမှာပါ” ဆိုပြီး ပြောသွားပါတယ်။

နှစ်ဖက်အသင်းရဲ့ ထပ်တိုက်တွေ့ ဆုံမှုများ

ဖိလစ်ပိုင်အသင်းဟာ ဆူဇူးကီးဖလား သမိုင်းတလျှောက် မြန်မာအသင်းကို လက်ရှိအချိန်အထိ အနိုင်မရဖူးသေးတာက မြန်မာအသင်းအတွက် စိတ်ဓာတ်ခွန်အား ဖြစ်စေမှာပါ။ မြန်မာအသင်းဟာ ဖိလစ်ပိုင်အသင်းနဲ့ ဆူဇူးကီး သမိုင်းတလျှောက် ၄ ပွဲနိုင်၊ ၂ ပွဲ သရေ ရလဒ်တွေ ရရှိထားပြီး ဒီတစ်ကြိမ်မှာလည်း အုပ်စုတက်ဖို့အတွက် ဖိလစ်ပိုင်အသင်းကို မဖြစ်မနေ အနိုင်ကစားဖို့ လိုအပ်နေပါတယ်။

ယနေ့ပွဲစဉ်မှာလည်း မြန်မာဘောလုံးအဖွဲ့ချုပ်က လာအားပေးတဲ့ ထိုင်းနိုင်ငံရောက် မြန်မာ ဘောလုံးပရိသတ်တွေကို လက်မှတ် အလကားဝေပေးသွားဖို့ရှိပြီး အုပ်စုတက်ဖို့ အခွင့်အရေးရှိသေးတဲ့
မြန်မာအသင်းကို လာအားပေးကြဖို့ နှိုးဆော်နေတာကိုလည်း တွေ့ရပါတယ်။

ဆူဇူးကီးဖလား အုပ်စု (A) နောက်ဆုံးပွဲစဉ်

မြန်မာ-ဖိလစ်ပိုင် ( စူပါချာလဆိုင် ဘောလုံးကွင်း – ထိုင်းစံတော်ချိန် ည ၈း၂၀)

ထိုင်း-ဗီယက်နမ် (ရာဇမင်္ဂလာ ဘောလုံးကွင်း – ထိုင်းစံတော်ချိန် ည ၈း၂၀)

ကိုးကား – AFF Suzuki Website
ဧရာဝတီ

ဝမ်ပေါင် ကြေးနီ စက်ရုံ ၀င်ပေါက်မှ

ဝမ်ပေါင် ကြေးနီ စက်ရုံ ၀င်ပေါက်မှ ပုသိမ်မုံရွာလမ်းဆုံ ထိ ကို သံဆူးကြိုးများ ပိတ်ပြီး ရဲလက်နက်ကိုင်များ အပိတ်ဆို့ထားသည်။ ယဉ်ကျေးမှု ကင်းမဲ့သော တုန့်ပြန်ဆက်ဆံတတ်သူ ရဲ တပွင့် နှင့် ကျနော် ပြသနာ တက်သည်။ ပြည်သူ လူထုကို ၇ိုင်းပြစွာ ဆက်ဆံသောကြောင့်

ကျနော်က ယဉ်ကျေးစွာပြောဆိုရန် ပြောပြီး ကျနော် ကိုယ်တိုင် တပ်မတော် အရာရှိဟောင်း ဖြစ်ကြောင်း ပြည်သူ့လစာကို စားပြီး ပြည်သူကို ယဉ်ကျေးစွာဆက်ဆံဖို့ လိုကြောင်း ပြောသေ

ာ အခါ ထို လ ၂၄၇၆၅၉ ဒုရဲအုပ် မျိုးမင်းနိုင် ( တန့်ဆည်စခန်း မုံရွာခရိုင်) က စစ်ဗိုလ်ဟောင်းလည်း ဖင်ခံ လိုက်ကွာ ဟု ဆိုသည် အထိ ရိုင်းစိုင်းစွာ တုန့်ပြန်သည်ကို ၀မ်းနည်းစွာ တွေ့ရှိရသည်။

ရဲတပ်ဖွဲ့ဝင်များ မျက်နှာသည် လွန်စွာမှပင် ၀မ်းနည်းစဖွယ်ကောင်းလောက်အောင် ယဉ်ကျေးမှု ကင်းမဲ့နေသည်ကို တွေ့ရှိရသည်။ ထို ဒုရဲအုပ်မှာ တိုင်းရင်းသား တဦးဖြစ်နေသည်ကို လည်း သတိပြုလိုက်မိသည်။

မနေ့မနက် ၈ နာရီခန့် ရဲတပ်ဖွဲ့လက်နက်ကိုင်မျာ နှင့် ကျနော်တို့ ပြည်သူများ အခြေအတင်စကားပြောဖြစ်ခိုက်၊ ကျနော်တို့က အခုလို လူ သံဃာတော် တို့ကို မီးလောင်ဗုံးဖြင့် ပစ်ခတ်ခြင်းကို လုံးဝ မလုပ်သင့်ကြောင်း ရဲတပ်ဖွဲ့ကို ပြောကြားခိုက် ရဲ တပွင့် နှင့် အရာရှိက ခပ်ရင့် ရင့် ပြန်ပြောသည်။ ငါတို့ က အထက်က ခိုင်းတဲ့ အတိုင်း လုပ်မှာပဲ။ ဘာမှ လာမပြောနဲ့ ဆိုသည်။

ထိုအခါ ကျနော်လည်း စိတ် ပေါက်ပေါက်ဖြင့် စကား တခွန်း ပြန်အော် ပြောလိုက်သည်။

အဲဒိ အထက်က လူက မင် အမေ ကို မင်း ပြန် မုဒိမ်း ကျင့် စမ်းကွာ ဆို ခင်ဗျား တို့ အမိန့် အတိုင်း လိုက်လုပ်မှာလား ............

လူထု အကြားမှ တောက်ခေါက်သံများ ထွက်လာသည်။

ထို အခါ ထို ရဲ အရာရှိ မျက်နှာလှည့်သွားပြီး ကျောပေးနေပါတော့သည်။
Nay Myo Zin

1

“ဒဏ်ရာတွေကို ဖုံးဖိထားလို့ မရဘူး”

Friday, November 30, 2012

နိုဝင်ဘာလ၂၉ ရက်နေ့ မနက် ၃ နာရီမှာ မုံရွာမြို့နယ် လက်ပံတောင်း
တောင် ကြေးနီ စီမံကိန်း သပိတ်ကို အစိုးရ လုံခြုံရေး ရဲ တပ်ဖွဲ့က အင်အားသုံးဖြိုခွဲခဲ့ပါတယ်။ သပိတ်တိုက်ပွဲ ဆင်နွှဲနေတဲ့ ရဟန

်းရှင်လူ ၁၀၀ ကျော် မီးလောင် ဒဏ်ရာတွေ အပြင်းအထန် ရခဲ့ပါတယ်။ သမ္မတရုံးက ဓာတုဆေးဝါးပါဝင်တဲ့ဗုံးကို အသုံးမပြုခဲ့ဘူးလို့ (တရားမဝင် ဖေ့စ်ဘွတ်ကတဆင့်) ဆိုပေမယ့် ဒဏ်ရာရသ
ူတွေနဲ့ မျက်မြင်အရပ်ဘက် သတင်းတွေ၊ မုံရွာဆေးရုံ သတင်းရပ်ကွက်တွေ
ကတော့ ဒါဟာ လူ့ခန္ဓာကိုယ်ကို ပြင်းထန်စွာ လောင်ကြွမ်းစေတဲ့ ဓာတုဆေးရည်ပါတဲ့ မီးလောင်ဗုံးတွေ ဖြစ်နိုင်တယ်လို့ သံသယရှိနေပါတယ်။

ဒီကိစ္စနဲ့ ပတ်သက်ပြီး အရင် စစ်အစိုးရ လက်ထက် ပဲခူးတိုင်း ပန်းတောင်း
မြို့နယ် ဆင်တဲ ကပစ(ကာကွယ်ရေး ပစ္စည်းနဲ့ စစ်လက်နက် ပစ္စည်း ထုတ် စက်ရုံ) အမှတ်(၃) မှာ အာပီဂျီ အလုပ်ရုံ ခွဲမှူး အနေနဲ့ တာဝန်ထမ်းဆောင်
ခဲ့ဖူးသူ ဗိုလ်မှူးဟောင်း စိုင်းသိန်းဝင်းနဲ့ ဧရာဝတီ သတင်းထောက် ကိုညို (အော်စလို) ဆက်သွယ်မေးမြန်းခဲ့တာတွေကို တင်ပြလိုက်ပါတယ်။

မေး ။ ။ လက်ပံတောင်းတောင်သပိတ်အကြမ်းဖက်ဖြိုခွဲတာနဲ့ပတ်သက်ပြီး
မျက်ရည်ယို ဗုံးလား၊ မီးလောင်ဗုံးလား လို့ အငြင်းပွားနေတာကို ကာကွယ်ရေး ၀န်ကြီးဌာန စစ်လက်နက်ထုတ် ပစ္စည်းစက်ရုံမှာ တာဝန်
ထမ်းဆောင်ခဲ့သူ တယောက်ရဲ့အတွေ့အကြုံနဲ့ယှဉ်ပြီး ဘယ်လိုသုံးသပ်မှု
ပေးချင်သလဲ။

ဖြေ ။ ။ မျက်ရည်ယိုဗုံး(Tear Gas)ဆိုတာ မီးခိုးဗုံးပဲလေ၊ သူကမျက်စိနဲ့ ထိမှန်ရင် စပ်ပြီး မျက်ရည်ကျအောင် စီမံထားတဲ့ ဓာတ်ငွေ့ချည်း သက်သက်
ထွက်တဲ့ ဗုံးပါ။ မီးပန်း ထွက်စရာမလိုဘူး။ အခုဟာက မီးပန်း မီးပွားတွေ ပန်းထွက်နေတဲ့အခါကျတော့ ဘယ်လိုမှ မီးခိုးဗုံး မဖြစ်နိုင်ဘူးပေါ့ဗျာ။ သတင်းတွေအရ ဆိုးဆိုးရွားရွား သိရတာက ဗုံးထဲကနေ လွင့်စင်လာတဲ့ အဖြူရောင် အနှစ်တွေက လူ့ခန္ဓာကိုယ်ထဲ စွဲကပ်ပြီး မီးလောင်တယ်၊
ရေထိတော့ပိုလောင်တယ်၊ ဒါဆို မီးစုန်းဗုံး သဘောမျိုးဖြစ်သွားပြီ။ ကျနော်တို့က ဗုံးအမျိုးအစားကို မျက်မြင်တွေ့ရတဲ့ အခြေအနေကြည့်ပြီး ခွဲခြားရတာ၊ မီးထွက်တဲ့ ဗုံးကို မီးလောင်ဗုံးပဲ ခေါ်မယ်၊ မီးခိုးပဲထွက်တဲ့ ဗုံးကို မီးခိုးဗုံးလို့ ခေါ်မှာပေါ့ဗျာ။ အခုဟာက မီးတွေပန်းထွက်နေတဲ့ ဗုံးမို့ မီးလောင်ဗုံးလို့ တိတိကျကျပြောတာပါ။

မေး ။ ။ ဒီလို ဗုံးအမျိုးအစားကို တပ်မတော်က ဘယ်လိုအချိန်အခါမှာ သုံးသလဲ၊ အခုလို ဆန္ဒပြတာမျိုးမှာ သုံးရမည့် ညွှန်ကြားမှုမျိုးတွေရော
ရှိခဲ့ဖူးလား။

ဖြေ ။ ။ ဗီယက်နမ် စစ်ပွဲတွေမှာ အမေရိကန် တပ်က သုံးတယ်၊ ဗီယက်နမ်တွေက တောတောင်သစ်တောတွေကို အကာအကွယ် ယူပြီး ပြောက်ကျားစစ်ကိုသုံးလို့ အမေရိကန်တွေ အထိနာတယ်။ ဗီယက်နမ် ပြောက်ကျားတွေ တောတောင်နဲ့ မြေအောက်ဂူတွေ၊ ကျင်းတွေထဲခိုလို့ မရအောင် မီးတိုက်နှိမ်နင်းဖို့ နပမ်းဗုံး(ဗုံးဒဏ်သင့် ဗီယက်နမ် ကလေးမလေး အမည် Napalmကို အစွဲပြုသုံး)ဆိုပြီး ထွင်သုံးတာ။ အဲဒီ နပမ်းဗုံးက ဓာတုဆေးရည်တွေနဲ့ ဖော်စပ်ထားတာ၊ အပင်တွေကို ဆေးရည်ထိရင် ဆေးရည်မကုန်မချင်း မီးမငြိမ်း ဘူး။ သစ်ပင်တွေ၊ သစ်တောတွေ မီးလောင်ပြာကျအောင် ထွင်ထားတာ။ နောက်ပိုင်း ဒီဗုံးရဲ့ဆိုးကျိုးကို ဗီယက်နမ်မလေး Napalm ရဲ့ ဖြစ်ရပ်က တဆင့် စစ်မြေပြင် သတင်းထောက်တွေ ဖော်ထုတ်သိရပြီး ကန့်သတ်တားမြစ်မှုတွေ ပေါ်လာတာ။

ဥပမာ Flame Thrower လို ပေ၂၀ လောက် မီးပန်းထွက်တဲ့ မီးသေနတ်တွေကို ဘန်ကာ၊ ကတုတ်ကျင်းထဲက ရန်သူတွေကို တိုက်ရာမှာပဲသုံးပြီး၊ မြေပြင်တက် တပ်ဖွဲ့တွေကို မသုံးရဘူး။ ဂျနီဗာ စာချုပ်မှာ ကန့်သတ်ထားတယ်။

ပြောချင်တာက မီးလောင် ဒဏ်ရာရစေတယ် ဆိုတာ ပြင်းထန်အောင် ထိခိုက်တဲ့ ဆိုးရွားတဲ့ တိုက်ခိုက်မှုမျိုး ဖြစ်တယ်။

စစ်တိုက်တယ် ဆိုတာတောင် မချိမဆန့် ဒဏ်ရာရစေရင် လူမဆန်ဘူးလို့ သတ်မှတ်တယ်။ ဒီလို မဖြစ်အောင် နိုင်ငံတကာ ဆန္ဒပြမှုတွေကို မီးသတ်ပိုက်တွေ၊ မျက်ရည်ယိုဗုံးတွေနဲ့ ဖြိုခွဲတာပေါ့။ စစ်ပွဲမှာတောင် လက်မခံတဲ့ကိစ္စကို လက်နက်မဲ့ ဆန္ဒပြသူတွေကြား သုံးတယ် ဆိုတာ ရာဇ၀တ်မှု ကျူးလွန်တာပဲ ဖြစ်တယ်။ အခုဖြစ်တဲ့ဟာမှာ မီးလောင်ဗုံးတွေ သုံးခဲ့တယ်ဆိုတာ ဒဏ်ရာတွေ ကြည့် ရင် သိသာတယ်။ ဒဏ်ရာတွေကို ဖုံးဖိထားလို့မှ မရတာ။

မေး ။ ။ တပ်မတော်ကရော ဒီလို မီးလောင်ဗုံးတွေ ဘယ်လို နေရာမှာ
သုံးလဲ။

ဖြေ ။ ။ ကျနော်တို့ ကပစ မှာတော့ ပေါင်၂၀၀ မီးလောင်ဗုံးတွေ ထုတ်ထားတာ ရှိတယ်။ အဓိကရုဏ်း နှိမ်နင်းဖို့ မျက်ရည်ယိုဗုံးတွေ
ထုတ်တာရှိတယ်။ ဒါလဲ ကျနော်တို့ဆီက လိုအပ်မှ ထုတ်တာ။ ကျနော်မှတ်မိနေတာ တခုရှိတယ်။ ၁၉၉၆ ခုကျောင်းသား အရေး အခင်းကို ဖြိုခွဲတုံးက ကျနော်တို့ စက်ရုံကို အဓိကရုဏ်း နှိမ်နင်းရေးအတွက် မျက်ရည်ယိုဗုံးတွေထွင်ပြီးထုတ်ခိုင်းတယ်။ ကျည်ဆန် တွေမှာ ဆေး
အကြည်တွေထည့် ပစ်ရတာ၊ ကျည်ထဲမှာ ခဲဖူးလေးတွေ ပါတယ်၊ အဲဒီ ခဲဖူးတွေကို အပေါ်က ရာဘာ အုပ်ထားတာ။ ရာဘာကျည်ဆန် မှန်တာနဲ့ အသားအကွင်းလိုက် ပျက်ကျတာပေါ့။ မျက်လုံးထိရင် ကန်းတယ်။
သေတော့ မသေနိုင်ဘူး။ သိတ်မပြင်း တော့ ဗိုလ်ချုပ်မောင်အေး က တိုက်ရိုက် အမိန့်ပေးဖူးတယ်။

“သေချင် သေပစေကွာ၊ ယမ်းအား မြှင့်ပြီးထုတ်”လို့ ဆိုတော့ယမ်းအားမြှင့်
ပြီးအစမ်းပစ် ကြတယ်။ ကျနော့် ရှေ့ အရင်ရောက် နေတဲ့ ဆရာ တယောက် ပြန်ပြောပြလို့သိရတာက အဲဒီယမ်းအားမြှင့် ကျည်တွေနဲ့ ရဲဘော်တချို့ကို အဝေးကနေစမ်းပစ်ကြတာ၊ ဒဏ်ရာတွေရကုန်တယ်တဲ့။

မေး ။ ။ ဒါဆို အခု လက်ပံတောင်းတောင် သပိတ်မှာစွမ်းရည်မြှင့် မီးခိုးဗုံးတွေ ထုတ်သုံးတာရော မဖြစ်နိုင်ဘူးလား။

ဖြေ ။ ။ ကပစ ကတော့ မီးခိုးဗုံးပဲ ပုံမှန်ထုတ်တာပေါ့။ ဒါပေမယ့် အကြီးအကဲ အရာရှိတယောက်ယောက်က မီးခိုးဗုံးကို စွမ်းရည်မြှင့် ထုတ်ခိုင်းတာလည်း ဖြစ်နိုင်တာပဲ၊ ဒါမှမဟုတ် ကပစ ထုတ်တဲ့ မျက်ရည်ယိုဗုံးက စံချိန်နဲ့မကိုက်ညီတာမျိုးလည်း ဖြစ်နိုင်ပါတယ်။ မှတ် မိမလား မသိဘူး၊ ၂၀၀၇ ရွှေဝါရောင်တုံးက ရွှေတိဂုံဘုရား စောင်းတန်း
တခုမှာ မီးခိုးဗုံးတခုကနေ မီးပန်းတွေ ဖြာထွက်နေတဲ့ ဗီဒီယို ကလစ်လေး တခု သတိထားမိတယ်။

မေး ။ ။ တချိန်က ကရင်ပြည်နယ် ၀မ်ခ တိုက်ပွဲမှာရော၊ မာနယ်ပလော နဲ့ အခုနောက်ပိုင်း ကချင်စစ်မြေပြင်မှာပါ တပ်မတော်က ဓာတုလက်နက်တွေ ထုတ်သုံးတယ် ဆိုတဲ့ စွပ်စွဲချက်တွေ ပေါ်ခဲ့ဖူးတယ်။ လူမသေပဲ၊ အရေပြားတွေ လောင်တာ၊ နားထဲက သွေးထွက်တာ၊ မူးဝေအော့အန်ပြီး လမ်းဆက်မလျှောက်နိုင်တာ စတဲ့ လက္ခဏာတွေ ပေါ်တယ်လို့ သတင်းတွေ ဖတ်ဖူးတယ်။ တပ်မတော်က တိုင်းရင်းသားတွေနဲ့ စစ်ခင်းရာမှာ ဓာတုလက်နက်တွေ သုံးတတ်သလား။

ဖြေ ။ ။ သုံးတတ်ပါတယ်။ ကိုယ်တိုင်တော့ အဲဒီလို တိုက်ပွဲတွေ မမီခဲ့ပေမယ့် ကျနော်တို့ စစ်အင်ဂျင်နီယာ သင်တန်းမှာ ဓာတု လက်နက် ကိစ္စတွေလည်း ဘာသာရပ်ခွဲတခု အနေနဲ့ သင်ခဲ့ရတယ်။ သင်တန်းတခုမှာ ကပစ (၅)က ဒု တပ်ရင်းမှုး ဗိုလ်မှူးကြီး ဉာဏ်ထွန်း က ပြောဖူးတာပေါ့။ သူက ဓာတုလက်နက်ဆိုင်ရာ သင်တန်းပေးတာ၊ သူက ကရင်ပြည်နယ် ၀မ်ခမှာ တိုက်ပွဲတွေဖြစ် တော့၊ တပ်က လူတွေအများကြီး သေတယ်ဗျာတဲ့။

တဖက်က၊ ကတုတ်ကျင်းတွေ ထဲကနေ ခံပစ်တော့ တက်မရဘူး၊ ဒါနဲ့ အခုပြောနေကြတဲ့ မီးလောင်ဗုံးတွေ စပြီး စမ်းသပ်လုပ်ကြတာပေါ့လို့
ပြောဖူးတယ်။ နောက် Pressure Bomb လို့ ခေါ်တဲ့ မိုင်းရှင်းတဲ့ ဗုံးလဲ စမ်းကြတယ်။ သူက အမြှောက်ဆံနဲ့ မိုင်းရှိမယ်ထင်တဲ့ မြေပြင်ပေါ်ကို ပစ်လိုက်ရင်၊ ပေါက်ကွဲအားပြင်းတော့ လေထုထဲမှာ လေဟာနယ်
ဖြစ်သွားပြီး ရုတ်တရက် ပြင်ပ လေထုတွေဝုန်းခနဲ ပြန်စုတော့ မြေကြီးကို
ဖိအားနဲ့ ရိုက်သလိုဖြစ်ပြီး မြှုပ်ထားတဲ့ ဗုံးတွေပေါက်ကွဲတဲ့ သဘောပဲ။ ကတုတ်ကျင်းထဲ ရေအပြည့် ထည့်ထားတဲ့ တိုင်ကီပုံး တလုံးတည်း စမ်းတာ၊ အဲဒီ Pressure ဗုံးကြောင့် တိုင်ကီထဲ ရေတစက်မှ မကျန်အောင်လွင့်စင်ပြီး တိုင်ကီ လည်း လိန်ပိန် တွန့်ခေါက်သွားတာ။

အဲဒီလို ဖိအားပေး မိုင်းရှာဗုံးတွေ(Pressure Bomb)နဲ့ မီးလောင်ဗုံး
(Incendiary)တွေ သုံးတော့ ကတုတ်ကျင်းထဲက လူတွေလည်း ဘယ်ခံနိုင်မှာတုံး။ အဲဒီလို ဓာတုလက်နက်တွေ သုံးရင် ဂျနီဗာ သဘောတူညီချက်နဲ့ မညီဘူး။ ဒါကြောင့် တပ်က ဓာတုလက်နက် သုံးမယ်ဆို လူသိမခံဘူး။

ဥပမာ ရှေ့တန်း စစ်မြေပြင်တခုမှာ ဓာတုလက်နက် သုံးမယ်ဆိုတာ
ခြေလျင်တပ် အရာရှိတွေကိုတောင် ပေးမသိစေဘူး။ ကျနော် တို့ ကာကွယ်ရေး စက်ရုံက အရာရှိတွေကိုယ်တိုင် သွားပစ်တာ။
ခြေလျင်တပ်သားတွေကို အနားမှာ မရှိစေဘူး။

မေး ။ ။ ကျနော်တို့ အတွေ့အကြုံအရ ဆန္ဒပြမယ်ဆိုရင် ရဲတပ်ဖွဲ့က ပထမ လူစုခွဲဖို့ သတိပေးမယ်။ ဒုတိယ တားမြစ်ထားတဲ့ အရံ အတားကို မကျော်ရဘူး၊ တတိယ အဆင့်က မီးသတ်ပိုက်နဲ့ပက်မယ်၊ အဲဒါမှ မရရင် မျက်ရည်ယိုဗုံး ဖောက်မယ်၊ နောက်ဆုံး နံပါတ် တုတ်နဲ့ ရိုက်မယ်၊ ဖမ်းမယ်ပေါ့။ ဒါကလည်း ဆန္ဒပြလူထုက ထကြွပြီး ချိုးဖောက်ရန်မူမှ
ဖြစ်တာ၊ ဆန္ဒပြသူတွေ ငြိမ်းငြိမ်းချမ်းချမ်း ထိုင်နေရင် ရဲက ကျန်းမာရေးနဲ့ လုံခြုံရေးတောင် တာဝန်ယူရသေးတယ်။

ဒီမိုကရေစီ နိုင်ငံတွေမှာတော့ ကျနော်တို့ အဲဒီလိုပဲ ကြုံဖူးတယ်။ အခုဖြစ်တာက သံဃာတော်တွေ ကိုယ့်သပိတ်စခန်းထဲ ထိုင်ပြီး မေတ္တာပို့နေတာကို လှမ်းပစ်တာ ဆိုတော့၊ တပ်မတော် အရာရှိဟောင်း တယောက်အနေနဲ့ ဘယ်လိုမြင်လဲ။

ဖြေ ။ ။ အခုဖြစ်နေတဲ့ဟာက နိုင်ငံတကာ စံချိန်စံညွှန်းနဲ့လုံးဝမှ မကိုက်ညီဘူးလေ။ နိုင်ငံတကာ စံနှုန်းက စစ်မြေပြင်မှာတောင်၊ အခုလို မီးလောင်ကြွမ်း ဒဏ်ရာရစေမှုကို အကန့်အသတ်နဲ့ပဲ သုံးရတယ်။ အခု မြန်မာပြည်မှာ လုပ်နေတဲ့ဟာတွေက မျက်ကန်း တစ္ဆေမကြောက်၊ ထင်သလို လုပ်နေသလိုပဲ။ ဒီမိုကရေစီ နိုင်ငံတိုင်းလည်း ဆန္ဒပြသူတွေကို အရေးယူတာတွေ ရှိတာပဲ။ ကိုယ့်လက်ဆ ကိုယ်သိဖို့တော့ လိုတာပေါ့။ ဒီမိုကရေစီ စိတ်၊ ပြုပြင် ပြောင်းလဲချင်စိတ်တော့ ရှိရမှာပေါ့။

ဧရာဝတီ

1

မြန်မာက တရုတ်အတွက် ပို အရေးပါလာနေ

Friday, November 30, 2012

တရုတ်အစိုးရအနေနဲ့ ကမ္ဘာ့ အရှေ့အလယ်ပိုင်း နိုင်ငံတွေအပေါ် မှီခိုမှု ပိုများလာပြီး အမေရိကန်ပြည်ထောင်စုက အဲ့ဒီ နိုင်ငံတွေအပေါ် မှီခိုမှု လျော့ပါးသွားတာမို့ တရုတ်နိုင်ငံဟာ မြန်မာနိုင်ငံအပေ

ါ် ဗျူဟာမြောက် အားထားရမှု ကြီးမား လာလိမ့်မယ်လို့ လာမယ့် ဆယ်စုနှစ် ၂ စုအတွင်း ရေနံထုတ်လုပ်မှုနဲ့ သုံးစွဲမှု အလားအလာဆိုင်ရာ နိုင်ငံတကာ စွမ်းအင်အေဂျင်စီ (Internationa
l Energy Agency – IEA)ရဲ့ အကဲဖြတ်ချက်အသစ်ထဲမှာ ရေးသားထားပါတယ်။

မနှစ်တုန်းက တရုတ်နိုင်ငံထဲ ရေနံတင်ပို့မှုမှာ အီရတ်က ၅ ရာခိုင်နှုန်း ပါခဲ့တာပါ။ တနေ့ကို ရေနံ စည် ပေါင်း ၂၇၅၀၀၀ ဝန်းကျင် တင်ပို့ခဲ့ပါတယ်။ ဒါပေမယ့် အဲ့ဒီတင်ပို့မှုနှုန်းက ၂၀၃၅ ခုနှစ်ရောက်တဲ့အခါ တနေ့ကို ရေနံ စည်ပေါင်း ၈ သန်းကျော်အထိ များပြားသွားလိမ့်မယ်လို့ IEA ရဲ့ စီးပွားရေးပညာရှင် ဖာတီ ဘီရိုလ် (Fatih Birol) က သုံးစွဲမှုအလားအလာ
ဆိုင်ရာ လေ့လာချက်တခုထဲမှာ ကြိုတင်ခန့်မှန်းထားပါတယ်။ ဒီနှုန်းဟာ
ဆော်ဒီအာရေဗျ နိုင်ငံက နေ တင်သွင်းမှုရဲ့ အထက်ကို ရောက်သွား
ပါလိမ့်မယ်။

ဒီအခြေအနေမှာ မြန်မာနိုင်ငံက အရှေ့အလယ်ပိုင်း ရေနံထွက်ရာဒေသတွေ
နဲ့ တရုတ် ရေနံချက်စက်ရုံအတွက် ကြားခံ သယ်ယူပို့ဆောင်ရေး
လမ်းကြောင်းအဖြစ် အရေးပါနေတာပါပဲ။

အခုဆိုရင် မြန်မာနိုင်ငံကိုဖြတ်ပြီး တရုတ်နိုင်ငံအနောက်တောင် ယူနန်ပြည်ထဲကို သွယ်တန်းမယ့် ရေနံပိုက် လိုင်းတခုကို တရုတ် အမျိုးသား ရေနံကော်ပိုရေးရှင်း (Chinese National Petroleum Corporation – CNPC) က ဦးဆောင်ပြီး တည်ဆောက်နေပါတယ်။ ဒီပိုက်လိုင်းဟာ ရှေ့နှစ်အလယ်ဝန်းကျင်ဆိုရင် အရှေ့အလယ်ပိုင်းက ရေနံ တွေကို စတင် စုပ်ယူတော့မှာပါ။

လုပ်ငန်းအခြေကျသွားတဲ့အခါ အဲ့ဒီပိုက်လိုင်းက တနှစ်ကို ရေနံစိမ်း မက်ထရစ်တန်ပေါင်း ၂၃ သန်းအထိ သယ် ဆောင်နိုင်မှာဖြစ်တယ်လို့ ပီကင်း အခြေစိုက် ဂလိုဘယ်လ်တိုင်းမ်စ် သတင်းစာ (Global Times) က ရေးသား တင် ပြခဲ့ပါတယ်။ မက်ထရစ်တန် ၂၃ သန်းဆိုတာဟာ သိပ်ကြီးမားလှတဲ့ ပမာဏတော့မဟုတ်ပါဘူး၊ ဒါပေမယ့် ဒီတင်ပို့ မှုဟာ လာမယ့်အနာဂတ်ကာလမှာ အဲ့ဒီပမာဏထက် အများကြီး ပိုကြီးတဲ့ အရှေ့အလယ်ပိုင်းက ရေနံစိမ်းတွေကို မြန်မာနိုင်ငံကနေဖြတ်ပြီး တင်ပို့မယ့် ရှေ့ပြေးအရိပ်အယောင် ဖြစ်နိုင်ပါတယ်။

လက်ရှိ ပိုက်လိုင်းနဲ့ အရှေ့အလယ်ပိုင်းက ရေနံတင်သင်္ဘောကြီးတွေ ဆိုက်ကပ်နိုင်အောင် ကျောက်ဖြူရေနက်ဆိပ်ကမ်း တည်ဆောက်ဖို့တွေ
အတွက် CNPC က အမေရိကန်ဒေါ်လာ ၄.၅ ဘီလီယံ သုံးစွဲနေတာပါ။

“တကယ်လို့ ပိုက်လိုင်းအစီအစဉ်ဟာ မြန်မာပြည်မြောက်ပိုင်း ဒေသ
တချို့မှာ လှုပ်ရှားနေတဲ့ လက်နက်ကိုင်အင်အား စုတွေ နှောက်ယှက်တာ မခံရဘူးဆိုရင် တရုတ် အမျိုးသားရေနံကုမ္ပဏီတွေ (National Oil Companies – NOCs) မြန်မာပြည်ကို ဖြတ်ပြီး ပိုက်လိုင်းတွေ ပိုဆောက်လာနိုင်တဲ့ အလားအလာ အတော်လေးရှိပါတယ်” လို့ ဒေသဆိုင်ရာ စွမ်းအင်လုပ်ငန်း လေ့လာသုံးသပ်သူ ကောလင်း ရေးနိုးစ်
(Collin Reynolds) က ပြောပါတယ်။

“တကယ်လို့ တရုတ်နိုင်ငံကအရှေ့အလယ်ပိုင်းနိုင်ငံတွေကနေ ရေနံတင်ပို့
မှုကိုတိုးမြှင့်မယ်ဆိုရင် မာလက်ကာ ရေလက်ကြားကို ဖြတ်ပြီးသယ်ဆောင်
ရတဲ့ လမ်းကြောင်းရဲ့အန္တရာယ်ကို လျှော့ချနိုင်ဖို့ ဘာဘဲလုပ်ရလုပ်ရ လုပ်ချင်ပါလိမ့်မယ်။ ဒါကြောင့်မို့လည်း အခြားရွေးချယ်စရာ နည်းလမ်း
တခုအနေနဲ့ တရုတ်တွေက မြန်မာပြည်မှာ ရင်းနှီးမြှုပ်နှံမှု လုပ်ခဲ့တာပေါ့။ အခုလမ်းကြောင်းကိုလည်း သူတို့က ကာကွယ်ချင်မှာပဲလေ” လို့ သူက ဆိုပါသေးတယ်။အိန္ဒိယနိုင်ငံကတော့ အိန္ဒိယသမုဒ္ဒရာထဲမှာ တရုတ်ရေတပ်
သင်္ဘောတွေ ပိုများလာတာနဲ့ပတ်သက်ပြီး စိုးရိမ်တယ်လို့ ထုတ်ဖော်ပြော
ဆိုခဲ့ပါတယ်။

CNPC နဲ့ တရုတ်အမျိုးသား ကမ်းလွန်ရေနံကော်ပိုရေးရှင်း (China
National Offshore Oil Corporation) ဟာ အီရတ် ရေနံတွင်းတွေမှာ
ဒေါ်လာ ဘီလီယံနဲ့ချီပြီး ရင်းနှီးမြှုပ်နှံနေကြတယ်လို့လည်း IEA က
ပြောပါတယ်။ ဒီလို ရင်းနှီး မြှုပ်နှံနေတဲ့အတွက် အီရတ်နိုင်ငံဟာ မကြာခင်မှာ တရုတ်နိုင်ငံက ရေနံအများဆုံးဝယ်ယူတဲ့ ကမ္ဘာပေါ်မှာ
ဆော်ဒီအာရေဗျနိုင်ငံပြီးရင်ဒုတိယအများဆုံး ရေနံထုတ်လုပ်သူအဖြစ်
ပေါ်ထွက်လာဖို့ ဦးတည်နေတယ်လို့လည်း အဲ့ဒီအဖွဲ့က ဆိုပါ တယ်။

“တရုတ်နိုင်ငံအနေနဲ့ အီရတ်ကနေ ရေနံတွေ တစထက်တစ ပိုများပြီး တင်သွင်းမယ်ဆိုတာ သိပ်ကို ဖြစ်နိုင်တဲ့အပြင် အဲ့ဒီလို တင်သွင်းတာဟာ တရုတ်နိုင်ငံအတွက် အကျိုးအမြတ်ရှိစေပါတယ်။ အရှေ့အလယ်ပိုင်းက တခြားနိုင်ငံတွေနဲ့ ယှဉ်ရင် လောလောဆယ်မှာ အီရတ်က အတော်လေး တည်တည်ငြိမ်ငြိမ်ရှိပေမယ့် ဘေးအန္တရာယ်တွေကိုလည်း ကျနော်တို့ နားလည်သဘောပေါက်ထားသင့်ပါတယ်” လို့ Xiamen တက္ကသိုလ်က တရုတ်နိုင်ငံ စွမ်းအင်စီးပွားရေး သုတေသနစင်တာရဲ့ ဒါရိုက်တာ လင်ဘိုကီယန်င် (Lin Boqiang) က တရုတ်နေ့စဉ် (China Daily) သတင်းစာကို ပြောခဲ့ပါတယ်။

တရုတ်နိုင်ငံရဲ့ ပြည်တွင်း ရေနံထုတ်လုပ်မှုဟာ ၂၀၂၀ မှာ အများဆုံးဖြစ်
လာနိုင်ပြီး တနှစ်ကို တန်ပေါင်း ၂၂၀ သန်း လောက် ထုတ်နိုင်လိမ့်မယ်လို့
မျှော်လင့်ထားပေမယ့် တရုတ်နိုင်ငံရဲ့ စီးပွားရေးက တနှစ်ကို ၇ ရာခိုင်နှုန်း ဒါမှမဟုတ် လည်း အဲ့ဒီထက်ပိုပြီး ဆက်တိုးချဲ့လာမယ်ဆိုရင် ရေနံသုံးစွဲမှု
ကလည်း တနှစ်ကို တန်ပေါင်း ၆၅၀ သန်းကျော် အထိ ရောက်ရှိသွား
လိမ့်မယ်လို့ စီးပွားရေးနဲ့ ဖွံ့ဖြိုတိုးတက်မှုဆိုင်ရာ သုတေသနအင်စတီ
ကျုဖြစ်တဲ့ စီနိုပက် (SINOPEC) အဖွဲ့က ကြိုတင်ခန့်မှန်းထားပါတယ်။

IEA ရဲ့ အစီရင်ခံစာထဲမှာတော့ တရုတ်နိုင်ငံအနေနဲ့ အရှေ့အလယ်ပိုင်းက
ရေနံကို တစတစပိုပြီးအလေးအနက်ထား လာနေတာဟာ ဒေသတွင်းက အခြားနိုင်ငံတွေကို ရေနံတင်သင်္ဘောကြီးတွေ ဖြတ်သန်းမယ့် “ဗျူဟာမြောက် လမ်း ကြောင်းတွေရဲ့ လုံခြုံရေးကို အာရုံစိုက်ဖို့” ဖိအားပေးရာရောက်လိမ့်မယ်လို့ ရေးထားပါတယ်။

တရုတ်အစိုးရအနေနဲ့ အထူးစိုးရိမ်နေတာက မလေးရှားနဲ့အင်ဒိုနီးရှားနိုင်ငံ
ကြားမှာရှိတဲ့ မာလက်ကာရေလက်ကြားရဲ့ နေရာကျဉ်းကျဉ်းကလေးကိုပါ။ အရှေ့အာရှကို သွားနိုင်ဖို့အတွက် တရုတ်သင်္ဘောတွေအားလုံး အဲ့ဒီနေရာ
ကျဉ်းကျဉ်း လေးကတဆင့် စင်္ကာပူနိုင်ငံကို ဖြတ်ပြီး သွားရတာတကိုး။
နိုင်ငံရေးအရ ပြဿနာတစုံတရာတက်လာတဲ့ အခါမျိုးမှာ ရေလက်ကြားကို
အလွယ်တကူ ပိတ်ဆို့လိုက်နိုင်တယ်လို့ တရုတ်တွေက စိုးရိမ်နေတာပါ။

တရုတ်အစိုးရက မြန်မာပြည်အပေါ် ပထဝီနိုင်ငံရေးအရ မှီခိုလာနေတာဟာ အရှေ့တောင်အာရှနိုင်ငံတွေအတွက်လည်း စိုရိမ်စရာဖြစ်လာစေပါတယ်။ တရုတ်ကုမ္ပဏီကြီးတွေက ဒေသဆိုင်ရာအကျိုးစီးပွားကို ပျက်စေတယ်လို့ အဲ့ဒီ နိုင်ငံတွေ ကြားမှာ သဘောထားကြတာမို့ သူတို့ရဲ့လုပ်ရပ်အပေါ်
ဒေါသထွက်နေကြတာလည်း ရှိပါတယ်။

CNPC ရဲ့ ပါတနာတွေဖြစ်တဲ့ မြန်မာ့ရေနံနှင့် သဘာဝဓာတ်ငွေ့လုပ်ငန်း (Myanmar Oil & Gas Enterprise – MOGE) နဲ့စွမ်းအင်ဝန်ကြီးဌာနတွေ
ရဲ့အဆိုအရ မြန်မာနိုင်ငံအနေနဲ့ ရေနံပိုက်လိုင်းကနေ ဖြတ်သန်းသယ်ယူပို့
ဆောင်ကြေးအဖြစ် တနှစ်ကို အများဆုံး ဒေါ်လာ ၃၆.၈ သန်း ရလိမ့်
မယ်လို့ သိရပါတယ်။ လမ်းကြောင်းခက ဒေါ်လာ ၁၃.၈ သန်းနဲ့ ပိုက်လိုင်း
ကိုဖြစ်မယ့် ရေနံစိမ်းတွေအတွက် တတန်ကို တဒေါ်လာရမယ်လို့ ဆိုပါတယ်။ လူ့အခွင့် အရေးအဖွဲ့တွေကတော့ ဒီနှုန်းထားက သိပ်ကို နည်းလွန်းတယ်လို့ ဝေဖန်ကြပါတယ်။

ဒါ့ပြင် သဘာဝဓာတ်ငွေ့လိုင်းနဲ့ အတူယှဉ်ဖောက်မယ့် ရေနံပိုက်လိုင်း
တလျှောက်မှာ ဒေသခံတွေကို အဓမ္မနေရာရွှေ့ပြောင်းတာတွေနဲ့ မြေသိမ်းတဲ့
ကိစ္စတွေ အမြောက်အမြား ဖြစ်နေကြတယ်လို့ လည်း အစိုးရမဟုတ်တဲ့ အဖွဲ့အစည်းတွေ (NGOs) က စွပ်စွဲကြပါတယ်။

ဒါပေမယ့် “ဒေသခံတွေရဲ့ ပညာရေးနဲ့ ကျန်မာရေးအဆင့်အတန်းတွေ တိုးတက်လာအောင် ကူညီဖို့” CNPC က ဒေါ်လာ ၆ သန်းလှူခဲ့တယ်လို့ အခိုင်အမာပြောဆိုကြောင်း ဂလိုဘယ်တိုင်းမ်စ်က ရေးသားတင်ပြခဲ့ပါတယ်။
“ပိုက်လိုင်း တလျှောက်မှာရှိတဲ့ ရွာတွေဖွံ့ဖြိုးလာစေရေးမှာ ပိုပြီးကူညီနိုင်
အောင်” CNPC က နှစ်စဉ် ဒေါ်လာ ၂ သန်း ထည့်ဝင်သွားဖို့သဘော
တူတယ်လို့လည်း အဲ့ဒီသတင်းမှာ ဖော်ပြထားပါတယ်။

တရုတ်ကုမ္ပဏီကြီးတွေဟာ MOGE ဒါမှမဟုတ် မြန်မာစစ်တပ်ခေါင်းဆောင်
ပိုင်းက ပိုင်တဲ့ ကုမ္ပဏီကြီးတွေနဲ့ တိတ်တဆိတ် သဘောတူလက်မှတ်ထိုး
ခဲ့တဲ့ စာချုပ်တွေအရ လုပ်ငန်းလည်ပတ်ရာမှာ ဒေသခံပြည်သူတွေနဲ့ အဆင်ပြေအောင် မကြိုးစားကြပါဘူး။

ဘယ်လိုပဲဖြစ်နေနေ စာချုပ်နဲ့လုပ်တဲ့ လုပ်ငန်းတွေဖြစ်တာမို့အဲ့ဒီလုပ်ငန်းတွေ
ကို ဖျက်လိုက်ရင် မြန်မာနိုင်ငံက လျော်ကြေးငွေ အမြောက်အမြား ပေးရနိုင်
တယ်လို့ မုံရွာကြေးနီစီမံကိန်း တိုးချဲ့တဲ့အပေါ် ဆန့်ကျင်ကန့်ကွက် နေကြ
သူတွေနဲ့ တွေ့ဆုံတဲ့ပွဲမှာ သမ္မတရုံးဝန်ကြီး ဦးအောင်မင်းက ဖွင့်ဟပြောသွား
ခဲ့ပါတယ်။ ဒီစီမံကိန်းကို တရုတ်နိုင်ငံက ဝမ်ဘောင် (Wanbao) ကုမ္ပဏီနဲ့
မြန်မာ့စီးပွားရေးဦးပိုင်တွေက ပူးတွဲ ပိုင်ဆိုင်ကြတာပါ။

ငွေကြေးဆိုင်ရာ အကျိုးဆက်တွေ ရှိနိုင်တာမို့ မြန်မာအစိုးရအနေနဲ့ တရုတ်စီးပွားရေးလုပ်ငန်းတွေ စိတ်မကောင်းဖြစ် အောင် လုပ်မိမှာကို စိုးရိမ်တယ်လို့ ဦးအောင်မင်းက ဆန္ဒပြသူတွေကို ပြောပါတယ်။ ဒီလို ပြောတာဟာ အထူးသဖြင့် မြစ်ဆုံရေကာတာနဲ့ သက်ဆိုင်ပါတယ်။ အဲ့ဒီရေကာတာတည်ဆောက်မှုကို သဘာဝ ပါတ်ဝန်ကျင်ဆိုင်ရာ အကြောင်းပြချက်တွေနဲ့ သမ္မတဦးသိန်းစိန်က တရားဝင် ရပ်ဆိုင်းခဲ့တာကိုး။

ကောလင်း ရေးနိုးစ်ကတော့ “CNPC နဲ့ ရေနံတင်ပို့မှုနည်းနာတွေကို ကိုင်တွယ်ဖို့ဆိုရင် မြန်မာပြည်မှာ အခုရှိနေတဲ့ အစိုးရထက် ပိုပြီး အားကောင်းမောင်းသန်ရှိတဲ့ အစိုးရတရပ် လိုပါတယ်” လို့ ဆိုပါတယ်။

ဧရာဝတီ

1