အုန်းနှဲ ၊ ပိုင်ကျုံ ၊ ကဝ ၊ ခမဲပင် ၊ ကျားတက် အပါအဝင် ရွာပေါင်း ၄၁ရွာ ကျော်မှ အိမ်တွေ နဲ့ ထောင်နဲ့ချီတဲ့ လယ်ဧက တွေ ရေနစ်မြုပ်ခဲ့တာဖြစ်ပြီး အဓိကအားဖြင့် အုံးနှဲကျေးရွာမှာ အိမ်ခြေ ၇၀၀ လောက်ရေနစ်မြုပ် ခဲ့ရသလို လူဦးရေ ၂၀၀၀ ကျော်ဟာ ရေဘေး ဒုက္ခတွေ ကြုံတွေ့နေရတာပါ။
အခု ရေဘေးဒုက္ခသည်တွေဟာ အုန်းနှဲကျေးရွာက ဘုန်းတော်ကြီးကျောင်းနဲ့ ရေဘေးကယ်ဆယ်ရေးစခန်းမှာပဲ ခိုလုံနေကြရပြီး အလှူရှင် တွေ လာရောက်လှူဒါန်းတဲ့ အစားအသောက်တွေကိုသာ စားသောက်နေရတယ်လို့လည်း သိရပါတယ်။
အဲဒီရေဘေးဒုက္ခသည်တွေအတွက် ကိုညီညီဦးဆောင်တဲ့ တောင်ဒဂုံမြို့နယ် အမျိုးသားဒီမိုကရေစီအဖွဲ့ချုပ် အဖွဲ့ဝင်တွေစုပေါင်းပြီး ဆန်အိပ် ၁၅ အိပ် ၊ ဆား ၂အိပ်နဲ့ ငွေကျပ် ၄ သိန်းကို သြဂုတ်လ ၁၇ ရက်နေ့ကသွားရောက်လှူဒါန်းသွားခဲ့ကြပေမယ့်လည်း အကူအညီတွေကတော့ ဆက်လက်လိုအပ်နေဆဲလို့ သိရပါတယ်။
by BurmaVJMedia
0 comments:
Post a Comment