မြန်မာအပေါ် ပိတ်ဆို့မှု ရုပ်သိမ်းရန် အထက်လွှတ်တော်အမတ် Webb တောင်းဆို

အမေရိကန်ကွန်ဂရက် အထက်လွှတ်တော်မှာ အရှေ့အာရှနဲ့ ပစိဖိတ်ဒေသ နိုင်ငံခြားဆက်ဆံရေး ကော်မတီ ဥက္ကဋ္ဌဖြစ်တဲ့ ဗာဂျီးနီးယားပြည်နယ် ကိုယ်စားပြု အထက်လွှတ်တော်အမတ် ဂျင်မ် ၀က်ဘ်နဲ့ အဲဒီ ကော်မတီဝင် တစ်ဦးဖြစ်သူ ဂျိမ်းစ် အင် ဟိုဖ်တို့ ပူးတွဲပြီး မေလလေးရက်နေ့က နိုင်ငံခြားရေး ၀န်ကြီး ဟီလာရီကလင်တန် (Hilary Clinton) ဆီ ပေးပို့တဲ့စာထဲမှာ အမေရိကန်ပြည်ထောင်စုက မြန်မာနိုင်ငံအပေါ် ချမှတ်ထားတဲ့ အရေးယူပိတ်ဆို့ ဒဏ်ခတ်မှုတွေကို ရုပ်သိမ်းပေးခြင်းဖြင့် မြန်မာနိုင်ငံက ပြုပြင်ပြောင်းလဲမှုတွေကို ပံ့ပိုးထောက်ခံအားပေးဖို့ သမ္မတအိုဘားမား အစိုးရကို တောင်းဆိုထားပါတယ်။

ဝန်ကြီးကလင်တန်ဆီကို ပေးပို့ခဲ့တဲ့ စာနဲ့ပတ်သက်ပြီး အထက်လွှတ်တော်အမတ် ဂျင်မ် ၀က်ဘ်က သတင်းကြေညာချက် တစ်ရပ်ကိုလည်း မေလလေးရက်နေ့က ထုတ်ပြန်ခဲ့ပါတယ်။ ၀န်ကြီး ကလင်တန် ဆီကို ပေးပို့ခဲ့တဲ့ သူ့ရဲ့စာဟာ နှစ်ပေါင်းများစွာ သူစဉ်းစားတွေးတော ကြိုးပမ်းလုပ်ဆောင်ခဲ့မှုရဲ့ ရလဒ်ဖြစ်ပြီးတော့ မြန်မာနိုင်ငံအပေါ် ချမှတ်ထားတဲ့ အရေးယူပိတ်ဆို့ ဒဏ်ခတ်မှုတွေကို ရုပ်သိမ်းပေးခြင်း ကသာလျှင် လုပ်ကိုင်ဆောင်ရွက်နေသမျှရဲ့ အကောင်းဆုံးသော လမ်းကြောင်းမှန် ဖြစ်တယ်လို့ မစ္စတာ ၀က်ဘ်က ပြောပါတယ်။

သမ္မတအိုဘားမားဆီမှာ မြန်မာနိုင်ငံအပေါ် ချမှတ်ထားတဲ့ အရေးယူပိတ်ဆို့ဒဏ်ခတ်မှုတွေကို ရုပ်သိမ်းပေးနိုင်တဲ့ အခွင့်အာဏာရှိနေပြီးတော့ အခုအခါ ဒါကို လုပ်ဆောင်ရမယ့် အချိန်ကျရောက်နေပြီ လို့လည်း မစ္စတာ ၀က်ဘ်က ပြောဆိုခဲ့ပါတယ်။ အခုလို မြန်မာနိုင်ငံအတွက် အလွန်အရေးကြီးနေတဲ့ အချိန်မှာ မြန်မာနိုင်ငံဆိုင်ရာ အမေရိကန်ပြည်ထောင်စုရဲ့ မူဝါဒမှာ ရှေ့ကို မျှော်ကြည့်တဲ့ တွေးတော ဆင်ခြင်မှုတွေ၊ ရှေ့ဆင်ပြီး ပြုပြင်ပြောင်းလဲရေးတွေ ပိုပြီးတော့ လုပ်ဆောင်လာစေမယ့် မက်လုံးပေးမှုတွေ၊ အပြောင်းအလဲတွေ ထပ်တိုး လုပ်ဆောင်လာစေရေးအတွက် မြန်မာအစိုးရထဲက ပြုပြင်ပြောင်းလဲရေး သမားတွေရဲ့ အရည်အသွေးမြှင့်တင်မှု တည်ဆောက်ပေးရေးတွေ စတာတွေ ပါဝင်နေဖို့ အလွန် အရေးကြီးတယ်လို့ မစ္စတာဝက်ဘ်နဲ့ မစ္စတာအင်ဟိုဖ်တို့ရဲ့ ၀န်ကြီး ကလင်တန်ဆီကို ပေးပို့ခဲ့တဲ့ စာမှာ ဖော်ပြထားပါတယ်။

ဒါ့အပြင် သမ္မတ အိုဘားမားအစိုးရအနေနဲ့ ကိုယ့်ရဲ့ လုပ်ပိုင်ခွင့်ဘောင်ထဲကပဲ မြန်မာနိုင်ငံအပေါ် ချမှတ် ထားတဲ့ အရေးယူပိတ်ဆို့ဒဏ်ခတ်မှုတွေကို ရုပ်သိမ်းတာ ကို ဆောင်ရွက်ဖို့ တိုက်တွန်းပါကြောင်း ဒီလို ရုပ်သိမ်းပေးလိုက်တဲ့ အခွင့်အလမ်းကို အသုံးချပြီး မြန်မာနိုင်ငံပြည်သူလူထုတွေ ကြိုးပမ်းနေကြတဲ့ သူတို့ရဲ့ အခွင့်အရေးတွေကို လေးစား ကာကွယ်စောင့်ရှောက်ပေးမယ့် ပွင့်လင်းလွတ်လပ်တဲ့ ဒီမိုကရေစီအစိုးရ တစ်ရပ် ပေါ်ထွန်းလာရေးအတွက် အမေရိကန်အစိုးရက ပံ့ပိုးလုပ်ဆောင်သင့်ကြောင်းတွေကို လည်း မစ္စတာဝက်ဘ်နဲ့ မစ္စတာအင်ဟိုဖ်တို့ရဲ့ ၀န်ကြီး ကလင်တန်ဆီကို ပေးပို့ခဲ့တဲ့စာမှာ ဖော်ပြထားပါတယ်။

Ref: VOA

၂၀၁၅ ရွေးကောက်ပွဲအလွန်တွင် ဦးသိန်းစိန် ဘေးထွက်နေနိုင်ကြောင်း ဦးကိုကိုလှိုင် ပြောကြား

http://www.bloomberg.com/

“၂၀၁၅ ရွေးကောက်ပွဲ ကျင်းပပြီးတဲ့အခါ မြန်မာသမ္မတ ဦးသိန်းစိန်အနေနဲ့ သမ္မတရာထူးကို မယူတော့ပဲ ဘေးထွက်နေနိုင်ကြောင်း“ သမ္မတ အကြံပေးတဦးဖြစ်သူ ဦးကိုကိုလှိုင်က ဘလွန်းဘတ်သတင်း ကို မေ ၂ ရက်နေ့တွင် ပြောကြားလိုက်ပါတယ်။ ရန်ကုန်မြို့တွင် ဘလွန်းဘတ်သတင်းထောက်ကို ပြောကြားရာမှာ ဦးကိုကိုလှိုင်က “သမ္မတဟာ အခု နိုင်ငံရေး ပြောင်းလဲမှုများကို အုတ်မြစ်ချခဲ့ပြီး အခု ဖြစ်ပေါ်နေတဲ့ ပြုပြင်ပြောင်းလဲရေးလုပ်ငန်းစဉ်ကို တည်ထောင်ခဲ့သူ ဖြစ်ပါတယ်။ အခု ပြောင်းလဲမှုတွေ ပြီးသွားတဲ့အခါ တကယ်လို့ အောင်မြင်ခဲ့မယ်ဆိုရင် သူဟာ သူ့ဆောင်ရွက်ခဲ့မှုတွေနဲ့အတူ နေထိုင်နေတော့မှာပါ။ ဒီမိုကရေစီကို တက်လှမ်းမယ့် နောက်အဆင့်ကတော့ နောက်ခေါင်းဆောင်တွေရဲ့လက်ထဲကို လွှဲသွားမှာပါ“ လို့ ပြောဆိုခဲ့ပါတယ်။

လက်ရှိ မြန်မာနိုင်ငံရဲ့ အပြောင်းအလဲတွေဟာ မြန်ဆန်ပြီး တိုးတက်မှုများစွာ ရှိနေတယ်ဆိုသော်လည်း တကယ်တမ်း ငြိမ်းချမ်းတဲ့ နိုင်ငံတခု ဖြစ်လာဖို့အတွက်ကတော့ လုပ်စရာတွေ အများကြီး ရှိနေပါသေးတယ်။ ဒါ့ကြောင့်မို့ ဦးသိန်းစိန် ရာထူးက ထွက်ခဲ့ရင် သူ့နေရာကို ဘယ်သူ ဆက်ခံမလဲဆိုတာ စဉ်းစားစရာပါ။ အခု ပြည်သူ့လွှတ်တော် ဥက္ကဋ္ဌ ဦးရွှေမန်းဟာ စစ်ဗိုလ်ချုပ်ဟောင်းထဲက ဖြစ်နိုင်ခြေရှိတဲ့ သမ္မတလို့ ပြောနိုင်သော်လည်း စစ်တပ်ဘက်က သဘောထား တင်းမာနေသူများလို့ အပြောခံရတဲ့ သီဟသူရ တင်အောင်မြင့်ဦး၊ ဦးကျော်ဆန်း၊ ဦးဇော်မင်း၊ ဦးအောင်သောင်း၊ ဦးမြင့်လှိုင်လို ပုဂ္ဂိုလ်များကို ကိုင်တွယ် ထိန်းကျောင်းနိုင်မယ့် စနစ်တခု၊ အခြေအနေတခုကတော့ လိုနေသေးတာ အမှန်ပဲ ဖြစ်ပါတယ်။

မြန်မာပြည်သူများအနေနဲ့ ဒေါ်အောင်ဆန်းစုကြည်ကို နိုင်ငံတော်သမ္မတအဖြစ်

မြင်တွေ့လိုကြသော်လည်း စစ်တပ် ကျောထောက်နောက်ခံပြု ကြံ့ခိုင်ရေးပါတီခေါင်းဆောင် ဦးဋ္ဌေးဦး၊ ဦးအောင်သောင်းနဲ့ ကြံ့ခိုင်ရေးပါတီ ထိပ်တန်းခေါင်းဆောင်တွေက ဒီကိစ္စကို လက်သင့်ခံချင်မှ လက်သင့်ခံပါလိမ့်မယ်။

ဒီနေရာမှာ ထည့်သွင်းစဉ်းစားရမှာက မြန်မာစစ်တပ်ရဲ့ သဘောထားအမြင်ပဲ ဖြစ်ပါတယ်။ မြန်မာစစ်တပ်ဦးစီးချုပ် ဗိုလ်ချုပ်မင်းအောင်လှိုင်နဲ့ လက်ရှိတပ်ခေါင်းဆောင်များဟာ အရပ်ဘက်ကို ပြောင်းသွားပြီး လက်ရှိ အစိုးရနဲ့ ကြံ့ဖွတ်ပါတီထဲမှာ ရာထူး ရယူထားကြတဲ့ စစ်ခေါင်းဆောင်များထက် ရာထူးနိမ့်ခဲ့သော်လည်း စစ်တပ်ရဲ့ အရာရောက်မှု အခြေအနေ မြင့်တက်လာတဲ့အခါ (ဒါမှမဟုတ်) လက်ရှိ ကြံ့ဖွတ်ခေါင်းဆောင်များက လက်ထောက်ချလိုက်တဲ့အခါ တိုင်းပြည်အာဏာကို သိမ်း မသိမ်းဆိုတာ မပြောနိုင်ပါဘူး။ ဘာ့ကြောင့်ဆိုတော့ ၂၀၀၈ အခြေခံဥပဒေထဲမှာ စစ်တပ်ကို အာဏာသိမ်းခွင့်ပေးထားလို့ ဖြစ်ပါတယ်။

တိုင်းပြည်အုပ်ချုပ်ရေး ယန္တယားမှာ တာဝန်ယူတဲ့ လူပုဂ္ဂိုလ် တဦးတယောက်စီရဲ့ တိုင်းသူပြည်သားများအတွက် အလုပ်လုပ်ကိုင်မှုများဟာ တိုင်းပြည် တိုးတက်ရေး၊ တိုင်းသူပြည်သားများ ဘ၀လုံခြုံရေးအတွက် အရေးကြီးပါတယ်။ ဒီတော့ စစ်တပ်ခေါင်းဆောင်၊ ဒီမိုကရေစီခေါင်းဆောင်ဆိုတာထက် အမှန်တကယ် တိုင်းပြည်ပြည်သားအကျိုးအတွက် ဦးဆောင်ဦးရွက်ပြုမယ့်ခေါင်းဆောင်ကသာ တိုင်းပြည်ကို ဦးဆောင်သင့်ပါတယ်။ နောက်ပြီး ထို ဦးဆောင်မှုနဲ့ လိုက်လျောညီထွေရှိတဲ့ စနစ်၊ယန္တယားရှိမှလည်း တိုင်းပြည် တိုးတက်မှာ ဖြစ်ပါတယ်။ ဒါမှမဟုတ်ရင်တော့ ဘယ်လို ပြောင်းလဲမှုတွေပဲ လုပ်လုပ်၊ ဘယ်သူပဲ တိုင်းပြည်အတွက် လုပ်လုပ်၊ တိုးတက်လာနိုင်မယ့် လမ်းစကို မြင်နိုင်မှာ မဟုတ်ပါဘူး။

Ref: BurmaToday

လွှတ်တော် အမတ်တချို့ ပြည်ပ ခရီး သွားမည်

လွှတ်တော်အစည်းအဝေးတွေ ရပ်နားထားချိန်မှာ လွှတ်တော် ကိုယ်စားလှယ်တချို့ ဥရောပနိုင်ငံတွေက လွှတ်တော်တွေကို လေ့လာဖို့ လေ့လာရေး ခရီးထွက်ကြမှာ ဖြစ်ပါတယ်။ မေလ ၅ ရက်နေ့၊ စနေနေ့ကျရင် ဂျာမနီနိုင်ငံကို သွားမယ့်ခရီးစဉ်တခု ရှိသလို မေလထဲမှာလည်း တခြားဥရောပ နိုင်ငံတွေဆီကို သွားမယ့် ခရီးစဉ်တွေရှိနေပါတယ် အခုလို မြန်မာနိုင်ငံက လွှတ်တော် ကိုယ်စားလှယ်တွေ နိုင်ငံခြား သွား လေ့လာ ကြတဲ့အခါမှာ ဘယ်လိုအတွေ့အကြုံတွေ ရရှိဖို့ မျှော်လင့်နေကြပါသလဲ။ ဘယ်ပါတီကိုယ်စားလှယ်တွေက ဘယ်နိုင်ငံတွေဆီကို သွားမှာလဲဆိုတာကို ခရီးထွက်မယ့် ကိုယ်စားလှယ်တွေကို ဘန်ကောက်ကနေ ဆက်သွယ်မေးမြန်းထားတဲ့ ကိုကျော်ကျော်သိန်းက တင်ပြပေးထားပါတယ်။

ဂျာမနီနိုင်ငံက အဓိက နိုင်ငံရေးပါတီကြီးတခုဖြစ်တဲ့ LDP ပါတီနဲ့နီးစပ်တဲ့ Friedrich Naumann Foundation ကမကထ လုပ်ပြီး ဖိတ်ကြားတဲ့ ကိုးရက်ကြာ ဂျာမနီခရီးစဉ်တခုကို မေလ ၅ ရက်နေ့မှာ လွှတ်တော်ကိုယ်စားလှယ်တွေ စတင်မှာဖြစ်ပါတယ်။ ဒီခရီးစဉ်မှာ ရခိုင်တိုင်းရင်းသားများ ဖွံ့ဖြိုး တိုးတက်ရေးပါတီ RNDP က ဒေါက်တာအေးမောင်၊ ရှမ်းတိုင်းရင်းသားများ ဒီမိုကရေစီ ပါတီ SNDP က ဦးစိုင်းအိုက်ပေါင်း၊ ပြည်ခိုင်ဖြိုးပါတီက ဦးဝင်းဦး၊ ဦးဝင်းသန်း၊ ဦးအေးမောက်၊ အမျိုးသားဒီမိုကရေစီအဖွဲ့ချုပ် NLD ပါတီက ဦးမင်းဦးနဲ့ ဒေါက်တာလှမြတ်ဒွေးတို့ ပါဝင်ကြမှာဖြစ်ပါတယ်။

ဒီခရီးစဉ်အတွင်း သွားရောက်လေ့လာဖို့ရှိတာတွေကို ဒေါက်တာအေးမောင်က ဗွီအိုအေကို အခုလို ရှင်းပြပါတယ်။

“ဂျာမန်လွှတ်တော်လေ့လာဖို့ရယ်၊ နောက် Regional ပါလီမန်တွေ ရှိပါတယ်။ Saxon တိ်ု့ ဘာတို့ - အဲဒါတွေကို လေ့လာဖို့ ရယ်၊ နောက် သိရသလောက် ဆိုရင် နိုင်ငံခြားရေးဝန်ကြီးဌာန LDP ပါတီက ရထားပြီလို့ ကြားပါတယ်။ ဝန်ကြီးငါးပါး ရတယ်လို့ ကြားပါတယ်။ အဲဒီလို LDP ပါတီနဲ့ ဆက်စပ်တဲ့ ဝန်ကြီး ဌာနတွေကို တွေ့ဆုံဖို့ ရှိနိုင်ပါတယ်။ နောက် LDP ပါတီနဲ့ ပတ်သက်တဲ့ လေ့လာရေးနဲ့ ပတ်သက်တဲ့ လေ့လာရေးတွေ လည်း ရှိနိုင်ပါတယ်။ ”

ဒီခရီးစဉ်တွေဟာ ၂၀၁၀ ပြည့်ရွေးကောက်ပွဲနဲ့ ပြီးခဲ့တဲ့ ဧပြီလ ၁ ရက် ကြားဖြတ်ရွေးကောက်ပွဲတွေကနေ လွှတ်တော် ကိုယ်စားလှယ် ဖြစ်လာကြသူတွေအတွက် ပထမဆုံး ပြည်ပခရီးစဉ်တွေမဟုတ်ပေမယ့် အနောက် ဒီမိုကရေစီနိုင်ငံတွေဆီ သွားတာကတော့ ပထမဆုံးခရီးစဉ်တွေဖြစ်ပါတယ်။ NLD လွှတ်တော် ကိုယ်စားလှယ်တွေအတွက်ဆိုရင်တော့ ပြည်ခိုင်ဖြိုး အပါအ၀င် တခြားပါတီတွေက လွှတ်တော် ကိုယ်စားလှယ်တွေနဲ့ ပထမဆုံး ပြည်ပခရီး အတူသွားတာလည်းဖြစ်ပါတယ်။

ဒီခရီးစဉ်ဟာ နုနယ်လှသေးတဲ့ မြန်မာလွှတ်တော်တွေက လွှတ်တော်ကိုယ်စားလှယ်တွေအတွက် အကျိုး ရှိပါတယ်လို့ SNDP ပါတီက လွှတ်တော် ကိုယ်စားလှယ် ဦးစိုင်းအိုက်ပေါင်းကပြောပါတယ်။

“အကျိုးကျေးဇူးတွေ ရနိုင်မယ်လို့ မျှော်လင့်ပါတယ်။ ဘာလို့လဲ ဆိုတော့ ဂျာမဏီဆိုတာက ဥရောပမှာ အကြီးဆုံးနိုင်ငံပဲလေ။ EU ထဲမှာ သူက အကြီးဆုံးပဲ။ နောက်ပြီးတော့ သူတို့နိုင်ငံက Federal State၊ ဖက်ဒရယ်နိုင်ငံ၊ ပြည်ထောင်စုစနစ်ပေါ့နော်။ ပြည်ထောင်စု စနစ်နဲ့ သူတို့အုပ်ချုပ်နေတာ။ ကျနော်တို့ ပြည်ထောင်စု မြန်မာနိုင်ငံ အတွက် သင်ခန်းစာအများကြီးရနိုင်သလို အတွေ့အကြုံ ရမယ် လို့ တော့ မျှော်လင့်ပါတယ်။ ”

နောက်ထပ် ဂျာမနီခရီးစဉ်တခုနဲ့ ဘယ်လ်ဂျီယမ်၊ နော်ဝေး ခရီးစဉ်တွေကိုလည်း တခြား လွှတ်တော် ကိုယ်စားလှယ်တွေ ဒီလထဲ အတွင်းမှာပဲ သွားဖို့ရှိနေပါသေးတယ်။ အဲဒီခရီးစဉ်တွေမှာတော့ အမျိုးသမီး လွှတ်တော်ကိုယ်စားလှယ်တချို့လည်း ပါဝင်မှာပါ။

ခရီးစဉ်အတွင်း ကျင်းပဆဲ ဂျာမန်လွှတ်တော်အစည်းအဝေးတွေကို သွားရောက်လေ့လာကြမှာမို့ ဒီမို ကရေစီကို အခုမှစပြီး တည်ဆောက်စ မြန်မာနိုင်ငံက လွှတ်တော်ကိုယ်စားလှယ်တွေ အနေနဲ့ ဒီမိုကရေစီ ရင့်ကျက်ပြီးသား နိုင်ငံတခုက လွှတ်တော်တွေ ရဲ့ လုပ်ပုံကိုင်ပုံတွေကို လေ့လာခွင့်ရတာဟာ အထောက် အကူဖြစ်စေတယ်လို့ ဒေါက်တာအေးမောင်ကလည်း မြင်ပါတယ်။

“ကျနော်တို့က တည်ဆောက်စလွှတ်တော်- တနှစ်သက်တမ်းကျော်ကျော်လောက်ပဲ ရှိတာကို။ ဒီကာလမှာ ဒီမိုကရေစီ ရင့်ကျက်ပြီးသား မည်သည့်နိုင်ငံမဆိုပေါ့နော် ဖိတ်ခေါ်တယ်၊ တရားဝင် သို့မဟုတ်၊ ဖောင်ဒေး ရှင်း (Foundation) တွေကပဲ ဖြစ်ဖြစ် ကျနော်တို့ကို ဖိတ်ခေါ်လို့ ကျနော်တို့က official မဟုတ်ရင်တောင်မှ တခြားနည်းနဲ့ လွှတ်တော် ကိုယ်စားလှယ်တိုင်း၊ ပါလီတိုင်းက သွားရောက်ခွင့် ရမယ်ဆိုရင် အင်မတန် ထူးကဲတဲ့ အခွင့်အလမ်းပါပဲ။ ဒီကာလကတော့ တည်ဆောက်ကြရတဲ့ကာလကိုး။ လေ့လာဖို့ ဖိတ်ခေါ် တဲ့ နိုင်ငံကြီးတွေကိုလည်း ကျေးဇူးတင်ပါတယ်။ အားပေးကူညီတဲ့ ဖောင်ဒေးရှင်းကြီးတွေကို လည်း ကျေးဇူးတင်ပါတယ်။ အဲလို ဖိတ်ခေါ်ခြင်းရဲ့နောက်မှာတော့ အခုနလို အတွေ့အကြုံ ဖလှယ်တာတို့ ကျနော်တို့ဘက်က တည်ဆောက်ရမယ့် ကဏ္ဍတွေအများကြီးအတွက် အထောက်အကူဖြစ်တယ်လို့ပဲ သုံးသပ်ပါတယ် ခင်ဗျ”

RNDP ပါတီက အမျိုးသားလွှတ်တော် ကိုယ်စားလှယ် ဒေါက်တာအေးမောင်ပါ။

လွှတ်တော်အစည်းအဝေးတွေက အခုအခါမှာ ရပ်နားထားပြီဖြစ်ပြီး ဇူလိုင်လဆန်းမှာ ပြန်စမယ်လို့ ခန့်မှန်းထားကြပါတယ်။ အဲဒီ ပြန်စမယ့် လွှတ်တော်အစည်းအဝေးတွေကျမှသာ ပြီးခဲ့တဲ့ရက်ပိုင်းက ကျမ်းသစ္စာကျိန်ဆိုပြီးစီး သွားတဲ့ ဒေါ်အောင်ဆန်းစုကြည်နဲ့ NLD လွှတ်တော် ကိုယ်စားလှယ်တွေ အစည်းအဝေးတက်ကြမှာဖြစ်ပါတယ်။

ဒေါ်အောင်ဆန်းစုကြည်ကိုယ်တိုင်ကတော့ ဇွန်လအတွင်း နော်ဝေးနဲ့ ဗြိတိန်နိုင်ငံတွေဆီ ခရီးထွက်ဖို့ ရှိတယ်လို့ ပြောထားပါတယ်။ အဲဒီခရီးစဉ်တွေ ဟာလည်း ဒေါ်အောင်ဆန်းစုကြည်ရဲ့ ပထမဆုံး ပြည်ပ ခရီးစဉ်တွေ ဖြစ်ပါလိမ့်မယ်ခင်ဗျား။

Ref: VOA

KIO အပေါ် အစိုးရထိုးစစ် အရှိန်မြှင့်

အစိုးရနဲ့ကချင်လွတ်လပ်ရေးအဖွဲ့ KIO ကြား ထာဝရငြိမ်းချမ်းရေး ရဖို့ ဆွေးနွေးမှုတွေ ရှေ့မတိုးနောက် မဆုတ် ဖြစ်နေချိန်မှာပဲ KIO ရဲ့ ဌာနချုပ်ရှိရာ လိုင်ဇာမြို့ကို မြန်မာ အစိုးရတပ်ဖွဲ့က လမ်းကြောင်းသုံးခု ကနေ ချဉ်းကပ်နေပါတယ်။ လိုင်ဇာမြို့ကို ပစ်ခတ်နိုင်တဲ့နေရာတွေမှာ လက်နက်ကြီးတွေ နေရာ ချထားနိုင်ပြီဆိုရင် အစိုးရတပ်ဘက်က ထိုးစစ် စတင်လာနိုင်တယ်လို့ KIO ဘက်က သုံးသပ်နေပါ တယ်။

အပစ်အခတ်ရပ်စဲရေး ဆွေးနွေးမှုတွေ ရှေ့မဆက်နိုင်တဲ့ တချိန်တည်းမှာပဲ နှစ်ဘက် တိုက်ပွဲတွေဟာ ဒီရက်ပိုင်းတွေအတွင်းမှ ပိုပြီးတော့ ပြင်းထန်လာနေတာပါ။ အခုလို ကချင်ဘက်မှာ ဖြစ်နေတဲ့ အခြေအနေတွေကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

အစိုးရရဲ့ ငြိမ်းချမ်းရေးဖော်ဆောင်ရေးအဖွဲ့ခေါင်းဆောင် ရထားပို့ဆောင်ရေးဝန်ကြီး ဦးအောင်မင်းက ကချင်လွတ်လပ်ရေးအဖွဲ့ KIO ဌာနချုပ်ကို ထိုးစစ်ဆင်မှာ မဟုတ်ကြောင်း ပြောဆိုခဲ့တဲ့ ဒီရက်ပိုင်းတွေ အတွင်းမှာ KIO ဌာနချုပ် လိုင်ဇာဒေသမှာ သာမက ကချင်ပြည်နယ်က အခြား ဒေသတွေမှာပါ တိုက်ပွဲတွေ ပြင်းထန်ခဲ့ပါတယ်။

ပြီးခဲ့တဲ့ ဧပြီလကုန်ပိုင်းက အစိုးရတပ်တွေဘက်က လိုင်ဇာမြို့ကို လက်နက်ကြီးတွေနဲ့ ပစ်ခတ်တိုက်ခိုက်ခဲ့ သလို ကချင်လွတ်လပ်ရေးတပ်မတော် KIA ဘက်ကလည်း ပန်ဝါမြို့အနီးက လုပိခေါ် အစိုးရရဲ့ နယ်ခြားစောင့် တပ်စခန်းတခုကို တိုက်ခိုက်တာတွေ ဖြစ်ခဲ့ပါတယ်။ ဒီတိုက်ပွဲမှာ အစိုးရဘက်က ရဟတ်ယာဉ်အသုံးပြုပြီး တိုက်ခိုက်ခဲ့ရတယ်လို့လည်း သတင်းတွေထွက်ပေါ်ခဲ့ပါတယ်။

အခုလို ကချင်ပြည်နယ်အတွင်း တိုက်ပွဲတွေပြင်းထန်လာတာတဲ့ အဓိကအချက်က ဘာကြောင့်လဲ လို့ မေးမြန်းရာမှာတော့ KIO ရဲ့ပြောရေး ဆိုခွင့်ရှိသူ ဦးလာနန်က အခုလို ပြောပါတယ်။

“အစိုးရစစ်တပ်ရဲ့ စစ်ရေးလှုပ်ရှားမှုပြင်းထန်လာတယ်။ သူတို့ရဲ့တပ်တွေ ပိုပြီး အင်အားဖြည့်တင်းလာ တယ်။ အဓိက အချက်က အဲဒါပဲခင်ဗျ။ ခါတိုင်းသူတို့ တပ်စခန်းတွေမှာ အင်အား ၂၀-၂၅ပဲ ရှိတဲ့ နေရာမှာ အခုတော့ အယောက် တစ်ရာနီးပါး အင်အားဖြည့်ထားတယ်။ အရင်တုံးက ၆၀ မမပဲ ထားတဲ့နေရာမှာ အခု ၁၂၀ မမ တို့၊ ၈၁ မမတို့ လက်နက်ကြီးတွေ ဖြည့်ထားဖို့လုပ်တယ်။ နားဖော့စခန်းမှာ အယောက် ၃၀ လောက်ပဲရှိတယ်။ အဲဒီမှာ ရဟတ်ယာဉ်ခေါက်တုန့်ခေါက်ပြန်လုပ်တာ ၂၅ ကြိမ်လောက်ရှိတယ်။ လူအင်အားဖြည့်တယ်၊ လက်နက်ကြီး တပ်ဆင်ထားတယ်။ ဒီလိုမျိုးလုပ်တာဟာ KIO ဌာနချုပ်ကို မသိမ်းပါဘူးဆိုတာနဲ့ လုံးဝကွဲပြားမှုရှိတယ်ခင်ဗျ။”

လောလောဆယ်မှာ အစိုးရတပ်တွေက မြစ်ကြီးနား၊ ၀ိုင်းမော်၊ ရွှေညောင်ပင်၊ ဂန်ဒေါင်ယန် လမ်းကြောင်း၊ ဗန်းမော်- ဒေါ့ဖုန်းယန်လမ်းကြောင်း၊ ဗန်းမော်-ရှဒန်ပါ လမ်းကြောင်း စတဲ့ လမ်းကြောင်းသုံးကြာင်းကနေ လိုင်ဇာမြို့အနီးကို ချဉ်းကပ်လာနေတယ်လို့ ပြောပါတယ်။

ဒီလို ချဉ်းကပ်လာတာ လိုင်ဇာမြို့ကို လက်နက်ကြီးနဲ့ပစ်ခတ်နိုင်တဲ့ အကွာအဝေး ရောက်ပြီဆိုရင်တော့ အစိုးရဘက်က ထိုးစစ်ဆင်နိုင်တယ်လို့ ဦးလနန်က သုံးသပ်ပါတယ်။

“လွန်ခဲ့တဲ့ ဧပြီလကုန်ပိုင်းလောက်မှာ သူတို့ ဆက်တိုက်လို ပစ်တာမျိုးရှိတယ်။ ဒါပေမဲ့ ဒီနောက်ပိုင်းမှာ သူတို့ ဗဟိုဌာနကို လက်နက်ကြီး ချိန်ရွယ်ပစ်ခတ်တာ နားထားတယ်။ ဂန်ဒေါင်ယန်ကနေ ပြီးတော့ သူတို့ လက်နက်ကြီးပစ်တဲ့အခါမှာ ၁၀၅ မမ ဟောင်ဝစ်ဇာ ပစ်တဲ့အခါမှာ ဗဟိုဌာနကို မရောက်နိုင်ဘူးခင်ဗျ။ ဒါကြောင့် သူတို့က အဲဒီ ၁၀၅ မမ-ကို ဂန်ဒေါင်ယန်ကနေ အင်ဗွေယန်ကျေးရွာကို ဆွဲလာဖို့ လုပ်နေကြ တယ်။ အခု ၁၀၅-မမ ကတော့ ဂန်ဒေါင်ယန်ကနေ အင်ဗွေယန်ကို ဆွဲလာတာ တခု ရှိမယ်။ ဒေါ့ဖုန်းယန်-ခမ်းကိုင်ဆိုတဲ့ အဲဒီတောင်စခန်းမှာ သူတို့ အဲဒီမှာလည်း ၁၀၅ မမ ရှိမယ်။ နောက်ပြီးတော့ ဒီ ရှဒန်ပါ ဘက်မှာလည်း လက်နက်ကြီး ပြင်ဆင်ထားတာရှိတယ်။ အဲဒီ သုံးဘက်သုံးတန်ကနေပြီးတော့ အဆင်သင့်ဖြစ်တဲ့အခါမှာတော့ လက်နက်ကြီးနဲ့ ပစ်ခတ်ဖို့ အဆင်သင့်လုပ်နေကြတယ်။”

အစိုးရဘက်က လက်နက်ကြီးတွေ နေရာချထားဖို့ တောင်ကုန်းတွေကို တက်ရောက် ရှင်းလင်းသိမ်း ယူနေတာကြောင့် လိုင်ဇာအနီး ဒေသတွေမှာ တိုက်ပွဲတွေ ဆက်တိုက်ဖြစ်နေတယ်လို့ ဦးလနန်က ဆက်ပြောပါတယ်။

ဒီနေ့ထုတ် အစိုးရသတင်းစာတွေမှာတော့ လုပိစခန်းတိုက်ပွဲက ဆုတ်ခွာသွား KIA တပ်တွေကို အစိုးရ စစ်ကြောင်းတွေက လိုက်လံရှင်းလင်းရာမှာ လက်နက် ၁၄ လက်၊ အလောင်း၂၉ လောင်းနဲ့ KIA တပ်ဖွဲ့ဝင် တယောက် ဖမ်းဆီးရမိကြောင်းနဲ့ KIA က ဒေသခံရွာသူ ရွာသား ၃၄၅ ယောက်ကို ပေါ်တာအဖြစ် ဖမ်းဆီးသွားကြောင်း ဖော်ပြပါတယ်။

ဦးလနန်ကတော့ ကျဆုံးသူ အဲလောက်မများကြောင်းနဲ့ လူ ၃၀၀ ကျော် ဖမ်းဆီးတယ်ဆိုတာလည်း မဖြစ်နိုင်ကြောင်း ငြင်းဆိုပါတယ်။

KIA တပ်ဖွဲ့နဲ့ မြန်မာအစိုးရတပ်အကြားမှာ အခုလို တိုက်ပွဲတွေ ပြင်းထန်နေချိန်မှာပဲ KIO ဘက်က ငြိမ်းချမ်းရေးဆွေးနွေးဖို့အတွက် လွယ်ဂျယ်မြို့နယ်အတွင်းမှာ တွေ့ဆုံဖို့ ဧပြီလ ၂၉ ရက်နေ့က ထပ်မံ ကမ်းလှမ်းခဲ့ပါတယ်။ ဒီကမ်းလှမ်းချက်ကိုတော့ အစိုးရဘက်က အခုထိ အကြောင်းမပြန်သေးပါဘူး။

ဧပြီလ ၁၇ ရက်နေ့က မြန်မာအစိုးရဘက်က မြစ်ကြီးနား သို့မဟုတ် ဗန်းမော်မှာ ဆွေးနွေးဖို့ ကမ်းလှမ်း တာကိုတော့ KIO က စစ်ရေးတင်းမာနေချိန် ဖြစ်တာကြောင့် မြစ်ကြီးနားနဲ့ ဗန်းမော်မှာ ဆွေးနွေးဖို့ ငြင်းပယ်ထားတာလည်း ဖြစ်ပါတယ်။

KIO နဲ့ ဦးအောင်သောင်းခေါင်းဆောင်တဲ့ အစိုးရရဲ့ ပြည်ထောင်စုအဆင့် ငြိမ်းချမ်းရေးဆွေးနွေးရေး ကိုယ်စားလှယ်အဖွဲ့ဟာ တရုတ်နိုင်ငံ၊ ရွှေလီမြို့မှာ သုံးကြိမ်ဆွေးနွေးခဲ့ကြပြီး ဖြစ်ပါတယ်။ လောလောဆယ် မှာတော့ နှစ်ဘက် ငြိမ်းချမ်းရေးဆွေးနွေးတာတွေ မပြေလည်သေးတာကြောင့် နေရပ်စွန့်ခွာ ထွက်ပြေးနေကြရတဲ့ စစ်ပြေးဒုက္ခသည် ၆၀,၀၀၀ ကျော်ဟာ တရုတ်-မြန်မာနယ်စပ်နဲ့ ကချင်ပြည်နယ် အတွင်းက မြို့ကြီးတွေမှာ ခိုလှုံနေရဆဲဖြစ်ပါတယ်။

Ref: VOA

မြန်မာ နိုင်ငံသည် ကမ္ဘာ့ ထိပ်တန်း လက်နက် ဝယ်ယူသည့် နိုင်ငံဖြစ်နေ

မြန်မာနိုင်ငံ၏ လက်နက် ဝယ်ယူမှု ပမာဏသည် ၂၀၀၀ ခုနှစ်မှ ၂၀၁၀ ခုနှစ် အထိ စစ်တမ်း ကောက်ချက်များ အရ ဝယ်ယူမှု အင်အား အများဆုံးဖြစ်ကာ ကမ္ဘာ့ ထိပ်တန်း လက်နက် ဝယ်ယူသည့် နိုင်ငံ တစ်ခု အဖြစ် Oxfam Aid Agency မှ ထုတ်ပြန်သည့် 'The Devil is in the Detail' အစီခံစာ တစ်ရပ်၌ ဖော်ပြ ထားပါသည်။ အလားတူ လက်နက် ရောင်းဝယ် တင်သွင်း မှုကို ပိတ်ပင် တားမြစ် ထားသည့် နိုင်ငံများမှ တရားမဝင် လက်နက် ဝယ်ယူမှု ပမာဏသည် အမေရိကန်ဒေါ်လာ 2.2 ဘီလျံရှိကြောင်း ယမန်နေ့က Oxfam အဖွဲ့မှ ထုတ်ပြန်သည့် အစီရင် ခံစာ၌ ဖော်ပြ ထားပါသည်။

“သစ်သီး ဝလံဖြစ်တဲ့ ငှက်ပျောသီး ရောင်းဝယ် ဖောက်ကားမှုဟာ လက်နက် ရောင်းဝယ် ဖောက်ကား မှုထက်ကို တင်းကျပ် နေတာ တွေ့နေရတယ်၊ ဒါဟာ အဓိပ္ပါယ် မရှိတဲ့ လုပ်ရပ်ပါ။ ရှိပြီးသား စစ်လက်နက်ပစ္စည်း တင်ပို့မှု ပိတ်ပင် ထားတဲ့ သဘောတူ စာချုပ်ကို ချိုးဖောက်ပြီး သက်ဆိုင်ရာ နိုင်ငံတွေကနေ စစ်လက်နက် ပစ္စည်းတွေကို ကြိုက်သလို ရွေးချယ် ဝယ်ယူ နေကြတာကို တွေ့ရတယ်၊ ဒါကလည်း နိုင်ငံတကာရဲ့ လေ့လာ စောင့်ကြည့်မှုနဲ့ အရေးယူမှုတွေ လျော့ရဲ နေတဲ့အပေါ်ကို အခွင့်ကောင်း ယူပြီး လုပ်ဆောင် နေခြင်းလဲ ဖြစ်ပါတယ်၊” ဟု Oxfam အဖွဲ့မှ တရားမဝင် စစ်လက်နက် ပစ္စည်း တင်ပို့မှု ရပ်ဆိုင်းရေး လှုံဆော်သူ Anna Macdonald က ပြောကြား သွားပါသည်။

မြန်မာနိုင်ငံ၏ လက်နက် ဝယ်ယူမှု ပမာဏသည် ၂၀၀၀ ခုနှစ်မှ ၂၀၁၀ ခုနှစ်အထိ စစ်တမ်းများအရ အမေရိကန်ဒေါ်လာ ၆၀၀ မီလျံရှိပြီး ကမ္ဘာ့နိုင်ငံများမှ လက်နက်ဝယ်ယူမှု ပမာဏ၏ ထိပ်တန်းစာရင်းဝင် ဖြစ်ပါသည်။ ဒုတိယ အဖြစ် အီရန်မှ ပျှမ်းမျှ အမေရိကန်ဒေါ်လာ ၅၇၄ မီလျံ ကို ၂၀၀၇ ခုနှစ်မှ ၂၀၁၀ ခုနှစ်အတွင်း ဝယ်ယူခဲ့ပြီး တတိယ အနေဖြင့် ကွန်ဂို ဒီမိုကရက်တစ် သမ္မတ နိုင်ငံမှ အမေရိကန်ဒေါ်လာ ၁၂၄ မီလျံကို ၂၀၀၀ ခုနှစ်မှ ၂၀၀၂ ခုနှစ်အတွင်း ဝယ်ယူခဲ့ကြောင်း အစီရင်ခံစာ၌ ဖော်ပြပါရှိပါသည်။

ဓါတ်ပုံအညွှန်း - မြန်မာ့တပ်မတော်မှ အမြောက်ကြီးများအား သယ်ယူပို့ဆောင်ရာတွင်
အသုံးပြုသော တရုပ်နိုင်ငံထုတ် Shaanqi SX2190 ယာဉ်ကြီးများပုံ (ဓါတ်ပုံ - http://mmmilitary.blogspot.com)

ကုလသမဂ္ဂမှ စစ်လက်နက် ပစ္စည်း ကုန်သွယ်မှု သဘောတူ စာချုပ်သစ် ပြန်လည် ချုပ်ဆိုနိုင်ရေးအတွက် ဆွေးနွေးပွဲ တစ်ရပ်ကို ဇူလိုင်လအတွင်း ပြုလုပ်ဖွယ်ရှိ၍ စာချုပ်သပ် ထပ်မံချုပ်ဆိုရန်ရှိကြောင်း သိရှိရပါသည်။

“အဓိက စိန်ခေါ်မှုတွေကတော့ စစ်လက်နက်ပစ္စည်း ကုန်သွယ်ခွင့် ပိတ်ပင်ထားတဲ့ နိုင်ငံတွေက လက်နက် ဝယ်ယူ စုဆောင်းမှုနဲ့ ပတ်သက်လို့ လက်မှတ် ရေးထိုးမယ့် စာချုပ်အသစ်မှာပါ သဘောတူညီချက်တွေအတိုင်း တိတိကျကျ လိုက်နာအောင် လုပ်ဆောင်ဖို့ လိုပါတယ်၊ စစ်လက်နက်ပစ္စည်း တင်ပို့ ရောင်းဝယ်မှုကို ကမ္ဘာ့ လောင်စာဆီ ပြသနာ ဖြစ်နေတဲ့ နိုင်ငံတွေနဲ့ လူ့အခွင့်အရေးတွေကို ဆိုးဆိုးဝါးဝါး ချိုးဖောက်နေတဲ့ နိုင်ငံတွေ အပေါ် တင်ပို့နေမှုတွေကို ပြတ်ပြတ်သားသား အရေးယူရပါမယ်” ဟု Oxfam အဖွဲ့မှ တရားမဝင် စစ်လက်နက်ပစ္စည်း တင်ပို့မှု ရပ်ဆိုင်းရေး လှုံဆော်သူ Anna Macdonald က ပြောကြားသွားပါတယ်။

ဓါတ်ပုံအညွှန်း - မြန်မာ့ရေတပ်ရှိ ဒုံးတပ်ဖရီးဂိတ် "အောင်ဇေယျ" ခေတ်မှီ
စစ်ရေယာဉ်ပုံ (ဓါတ်ပုံ - http://mmmilitary.blogspot.com)

“လက်နက် ဝယ်ယူဖို့ ပိတ်ပင် ထားပေမယ့် ပိတ်ပင်ထားတဲ့ နိုင်ငံတွေရဲ့ လက်နက် ဝယ်ယူမှု ပမာဏဟာ ကြောက်ခမန်း လိလိကို တိုးတက် လာနေတာကို ကျွန်တော်တို့ တွေ့နေရတယ်” ဟု လူသားချင်း အကူအညီ ပေးရေး အဖွဲ့များမှ ပြောကြား လိုက်ပါသည်။

လူသားချင်း အကူအညီပေးရေး အဖွဲ့အစည်းများမှ အသစ်ထပ်မံ ချုပ်ဆိုမည့် စစ်လက်နက် ပစ္စည်း တင်ပို့မှု ကန့်သတ်ရေး သဘောတူ စာချုပ်တွင် ပိတ်ပင်နိုင်ငံများသို့ စစ်လက်နက်ပစ္စည်း တင်ပို့မှုကို တိတိကျကျ ပိတ်ပင်တားမြစ်ရန် အဆိုပြု ထားပါသည်။ နိုင်ငံတကာ လူ့အခွင့်အရေး အဖွဲ့များ၏ သုံးသပ်ချက်များအရ အဆိုပါ နိုင်ငံများသည့် ကမ္ဘာ့ လူ့အခွင့်အရေး ချိုးဖောက်မှု အများဆုံး ဖြစ်ပေါ်နေသည့် နိုင်ငံများလည်း ဖြစ်ကြောင်းလည်း သုံးသပ် ဖော်ပြထားပါသည်။

Ref:

မြန်မာတွင် ရင်းနှီးမြုပ်နှံရန် ထိုင်းစက်မှုလုပ်ငန်းများ စိတ်ဝင်စား

အာရှနောက်ဆုံးဈေးကွက်ဟု တင်စားပြောဆိုနေသည့် မြန်မာနိုင်ငံတွင် ရင်းနှီးမြုပ်နှံမှု ပြုလုပ်ရန် တခြားသောနိုင်ငံကြီးများကဲ့သို့ ထိုင်းနိုင်ငံမှလည်း စိတ်ဝင်တစား လေ့လာနေကြပြီ ဖြစ်သည်။

မုတ္တမကွေ့ရှိ ရဲတံခွန် ရေနံနှင့် သဘာဝဓာတ်ငွေ့ တူးဖော်ရေး လုပ်ငန်း (ဓာတ်ပုံ - vimutti.co.cc)

ပြီးခဲ့သည့်လဆန်းပိုင်းက ထိုင်း စက်မှုလုပ်ငန်းရှင်များ အသင်းချုပ်(FTI) ဥက္ကဋ္ဌ ဖရုန်စပ်က် ချာတ်စုသိဖွန်လ် ဦးဆောင်သည့် လုပ် ငန်းရှင် ၈၀ ကျော်သည် ထားဝယ် အထူးစီးပွားရေးဇုန်သို့ သွားရောက်လေ့လာခဲ့ကြောင်း မြန်မာနိုင်ငံ စက်မှုလက်မှု လုပ်ငန်းရှင်များအသင်းချုပ်(UMFCCI) ဥက္ကဋ္ဌ ဦးဝင်းအောင် က ပြောသည်။

“စီးပွားရေးဇုန်ရဲ့ ဖွံဖြိုးတိုးတက်မှု အလားအလာကို ကိုယ်တိုင်ကိုယ်ကျ လေ့လာချင်တာရယ်၊ ထိုင်းကုန်ပစ္စည်းတွေ ဈေးကွက် ကြီးကြီး မားမားဖြစ်လာရင် ဒီမှာလာပြီးထုတ်လုပ်ဖို့အတွက် လေ့လာတာပါ”ဟု ၎င်းကဆိုသည်။

ထိုင်းနိုင်ငံ၏ ကုန်ထုတ်လုပ်မှုကဏ္ဍတွင် ယခုအခါ အနိမ့်ဆုံး လုပ်ခလစာများ မြင့်တက်လာနေသည့်အတွက် ကုန်ပစ္စည်းတန်ဖိုးများလည်း မြင့်တက်လာနေကြောင်း၊ ထိုအတွက် လုပ်ခလစာနှင့် လုပ်သားအင်အားပေါများသည့် မြန်မာနိုင်ငံတွင် ရင်းနှီးမြုပ်နှံလို ခြင်းဖြစ်ကြောင်း ဦးဝင်းအောင်က ဆက်လက်ပြောသည်။

လာရောက်လေ့လာသည့် ထိုင်းလုပ်ငန်းရှင်များတွင် Toyota ၊ Isuzu ၊ Kubota ၊ Denso ၊ Siam Cement Group စသည့် စီးပွား ရေး အုပ်စုကြီးများလည်း ပါဝင်သည်။

အဆိုပါ ထိုင်းလုပ်ငန်းရှင်အများစုသည် အစိုးရသစ်၏ ရင်းနှီးမြုပ်နှံမှုနှင့် ပတ်သက်၍ ခိုင်မာသော ဥပဒေနှင့် စီးပွားရေးဆိုင်ရာ စွဲဆောင်မှုများကို စောင့်ဆိုင်းနေကြောင်း ယနေ့ထုတ် ဘန်ကောက်ပို့စ် သတင်းတွင် ရေးသားထားသည်။

မြန်မာနိုင်ငံရင်းနှီးမြုပ်နှံမှု ကော်မရှင် ဥက္ကဋ္ဌ စက်မှုဝန်ကြီး ဦးစိုးသိန်းက“လွှတ်တော်က အတည်ပြုဖို့ပဲ ကျန်တော့တယ်၊ ဥပဒေက ရေး ဆွဲပြီးပြီ”ဟု ဘန်ကောက်ပို့စ်သို့ ပြောဆိုသည်။

ရင်းနှီးမြုပ်နှံမှုနှင့် ပတ်သက်၍ ဥပဒေတရပ်ကို ပြီးခဲ့သည့် ရက်ပိုင်းက အမျိုးသားလွှတ်တော်နှင့် ပြည်သူ့လွှတ်တော် နှစ်ရပ်စလုံးက အတည်ပြုပြီး ဖြစ်သည်။

ထားဝယ် ရေနက်ဆိပ်ကမ်းနှင့် အထူး စီးပွားရေးဇုန်ကို အီတလီ- ထိုင်း ကုမ္ပဏီက ရင်းနှီးမြုပ်နှံရန် သဘောတူညီခဲ့သော်လည်း ဒေ သတွင်း တည်ဆောက်မည့် ကျောက်မီးသွေး ဓာတ်အားပေး စက်ရုံကို မြန်မာအစိုးရက ခွင့်မပြုသည့်အတွက် အဆိုပါ ကုမ္ပဏီမှ ရင်းနှီးမြုပ်နှံမှုကို ရုပ်သိမ်းတော့မည်ဟူသော သတင်းများလည်း ထွက်ပေါ်နေသည်။

ယခုအခါ ထားဝယ် အထူး စီးပွားရေးဇုန်ကို ဂျပန်နိုင်ငံမှလည်း ရင်းနှီးမြုပ်နှံရန် စိတ်ဝင်စားနေကြောင်း သိရသည်။

ထိုင်းနိုင်ငံတွင်း၌ မြန်မာအလုပ်သမား ၃ သန်းခန့်လုပ်ကိုင်နေထိုင်နေရာ မြန်မာနိုင်ငံ၏ လက်ရှိဖြစ်ပေါ်နေသော အပြောင်းအလဲများ ကြောင့် ယင်းအလုပ်သမားများ မြန်မာပြည်တွင်း ပြန်မည်ကို ထိုင်းလုပ်ငန်းရှင်များက စိုးရိမ်မှုများ ရှိနေသည်။ သို့သော် မြန်မာပြည် တွင်း၌ ပေးနေသော လုပ်ခလစာမှာ ထိုင်းနိုင်ငံထက်နည်းပါးနေဆဲ ဖြစ်သောကြောင့် လတ်တလောတွင် စိုးရိမ်ဖွယ်မရှိကြောင်း လေ့လာ သူများက ပြောဆိုသည်။

ထိုင်းနိုင်ငံသည် တရုတ်နိုင်ငံပြီးလျှင် မြန်မာနိုင်ငံ၌ ဒုတိယအများဆုံး ရင်းနှီးမြုပ်နှံမှုများ ပြုလုပ်ထားသည့်နိုင်ငံဖြစ်ပြီး နယ်စပ်ကုန်သွယ်ရေး လမ်းကြောင်းများကိုလည်း အစိုးရသစ်လက်ထက်တွင် တရားဝင်ဖွင့်လှစ်နိုင်ခဲ့သည်။

သို့သော် ပြီးခဲ့သည့် ရက်ပိုင်းက ကရင်ပြည်နယ်ရှိ မြ၀တီ စီးပွားရေးဇုန်အနီးရှိ ဒေသများကို ထိန်းချုပ်ထားသည့် တိုးတက်သော ဗုဒ္ဓဘာသာကရင် အမျိုးသား တပ်မတော် (DKBA) တပ်မှူး ဗိုလ်မှူးချုပ် စောလားပွယ်(ခ) ဗိုလ်နှုတ်ခမ်းမွေးအား မူးယစ်ဆေးဝါးနှင့် ပတ်သက်၍ ထိုင်းနိုင်ငံမှ အလိုရှိကြောင်း ဆုငွေထုတ်ခဲ့သည့်အတွက် နယ်စပ်ဒေသတွင် တင်းမာမှုများ ဖြစ်ပွားခဲ့သည်။
ဗိုလ်မှူးချုပ် စောလားပွယ်က မူးယစ်ဆေးဝါးမှုများသည့် မိမိနှင့်မပတ်သက်သည့်အတွက် ရုပ်သိမ်းပေးရန်၊ မပေးပါက နယ်စပ်ဒေသ တွင် မတည်ငြိမ်မှုများဖြစ်လာနိုင်ပြီး နယ်စပ်ကုန်သွယ်ရေးဂိတ်များကိုလည်း ပိတ်ပစ်မည်ဟု ပြောဆိုခဲ့သည်။

ရင်းနှီးမြုပ်နှံရန် လေ့လာနေသည့် ကုမ္ပဏီများကမူ မြန်မာနိုင်ငံ၌ ရင်းနှီးမြုပ်နှံမှုနှင့်ပတ်သက်၍ မက်လုံးများ ပေးနေချိန်တွင် DKBAအဖွဲ့၏ ခြိမ်းခြောက်မှုများကို စိုးရိမ်မှုမရှိကြောင်း ပြောဆိုသည်။

ထိုင်းနိုင်ငံက လက်ရှိ မြန်မာနိုင်ငံ စွမ်းအင်ကဏ္ဍ၊ မိုင်းတွင်း လုပ်ငန်းနှင့် တခြားသော စီးပွားရေးလုပ်ငန်းများတွင် အမေရိကန် ဒေါ်လာ ၉ ဘီလီယံ ရင်းနှီးမြှုပ်နှံထားကြောင်း၊ ထိုင်း ရေနံနှင့် သဘာဝ ဓာတ်ငွေ့ တူးဖော်ထုတ်လုပ်ရေး ကုမ္ပဏီဖြစ်သော PTTEP က မုတ္တမ ပင်လယ်ကွေ့ရှိ ဇောတိက သဘာဝ ဓာတ်ငွေ့ စီမံကိန်း၊ ရဲတခွန်နှင့် ရတနာ ကမ်းလွန် စီမံကိန်းများတွင် လုပ်ကိုင်နေကြောင်း သိရသည်။

မြန်မာနိုင်ငံတွင်း နိုင်ငံခြားရင်းနှီးမြှုပ်နှံမှုများမှာ ပြီးခဲ့သည့်နှစ် ဒီဇင်ဘာလအထိ ဒေါ်လာ ဘီလီယံ ၄၀ ခန့်ရှိပြီး၂၀၁၂-၂၀၁၃ ဘဏ္ဍာ ရေးနှစ်အတွက် အနည်းဆုံး ဒေါ်လာ ၄ ဘီလီယံခန့်မျှော်လင့်ထားကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်၏ စာရင်းဇယားများ တွင် ဖော်ပြထားသည်။

Ref: ဧရာဝတီ

၂၀၁၂ သင်ခန်းစာဖြင့် ၂ဝ၁၅ အတွက် ကြံ့ဖွံ့ပါတီ ကြိုတင်ပြင်ဆင်

ချင်းမိုင် (မဇ္ဈိမ) ။ ။ ကြားဖြတ်ရွေးကောက်ပွဲ ရလဒ်အရ ပြည်သူလူထုက ကြံ့ခိုင်ရေးပါတီကို ယုံကြည်မှု မရှိခြင်း၊ မီဒီယာများနှင့် ဆက်ဆံမှု အားနည်းခြင်း၊ ပါတီဝင်များ၏ ချို့ယွင်းချက်စသည့် သင်ခန်းစာများရရှိခဲ့ပြီး ၂ဝ၁၅ရွေးကောက်ပွဲတွင် ထိုအားနည်းချက်များကို ပြင်ဆင်သွားမည်ဟု ကြံ့ခိုင်ရေးပါတီ၏ အထွေထွေ အတွင်းရေးမှူး ဦးဌေးဦးက မဇ္ဈိမကို ပြောသည်။

“အဓိက ကတော့ ကျနော်တို့ လုပ်ဆောင်မှုကို လူထုက မယုံကြည်တာပေါ့။ နားမလည်တာပေါ့။ ဒါကတော့ အဓိကဖြစ်မှာပေါ့လေ။ နောက်တခုကတော့ မီဒီယာ လှုံ့ဆော်မှုပေါ့။ မီဒီယာ လှုံ့ဆော်မှုကတော့ ကျနော်တို့မှာ တော်တော်ကြီး ကို အားနည်းတယ်။ ဒါလည်းပဲ ကျနော်တို့ရဲ့ အားနည်းချက်ထဲမှာ တခုပါတယ်လို့ ကျနော်မြင်တယ်။ (ပါတီဝင်) တချို့လည်း ကျနော် ပွင့်ပွင့်လင်းလင်း ပြောရရင် မကြိုက်တဲ့လူတွေ ရှိချင်ရှိမှာပေါ့။ လူထုနဲ့ သဟဇာတ မဖြစ်တဲ့ လူမျိုးလည်း ရှိနိုင်တာပေါ့။ ဒီလိုမျိုးကျတော့ ကျနော်တို့ လဲရမှာပေါ့” ဟု ပါတီတွင်း အားနည်းမှုများနှင့် ၂ဝ၁၅
ရွေးကောက်ပွဲ အတွက် ကြိုတင်ပြင်ရန် အချက်များကို ဦးဌေးဦးက ပြောသည်။

ကြားဖြတ်ရွေးကောက်ပွဲ သင်ခန်းစာများရရှိခဲ့ပြီး ၂ဝ၁၅ ရွေးကောက်ပွဲတွင် ထိုအားနည်းချက်များကို ပြင်ဆင်သွားမည်ဟု ကြံ့ခိုင်ရေးပါတီ၏ အထွေထွေ အတွင်းရေးမှူး ဦးဌေးဦး ပြော (ဓါတ်ပုံ မဇ္ဈိမ)

ထို့အပြင် ကြံ့ခိုင်ရေးပါတီ၏ ကျေးလက်စည်းရုံးရေးကိုလည်း စွမ်းရည်ရှိသည့် စည်းရုံးရေးမှူးများကို ထပ်မံဖြည့်စွက်၍ ၂၀၁၅ အတွက် ပြင်ဆင်သွားမည်ဟု ဦးဌေးဦးက ပြောသည်။

“အခြေခံအကျဆုံးကတော့ ကျေးလက်ဒေသမှာရှိတဲ့ စည်းရုံးရေးမှူးတွေပါပဲ။ သူတို့ဆီကနေပြီးတော့ လူထုကို တဆင့် ကျနော်တို့ လုပ်ချင်တဲ့ ဥစ္စာတွေ၊ ကျနော်တို့ လုပ်နေတဲ့ ဥစ္စာတွေကို အသိပေးရတာပေါ့။ ကျေးလက်ဒေသမှာရှိတဲ့ စည်းရုံးရေးမှူးတွေက စွမ်းအားရှိဖို့လိုတာပေါ့။ အဲဒီအတွက် ပိုပြီးတော့ စွမ်းအားရှိတဲ့လူတွေကို ကျနော်တို့ ဆောင်းမှာ
ပေါ့” ဟု မဇ္ဈိမကို ပြောသည်။

ဧပြီ ၁ ရက်နေ့တွင် ကျင်းပခဲ့သည့် ကြားဖြတ်ရွေးကောက်ပွဲတွင် အနိုင်ရခဲ့သည့် အမျိုးသားဒီမိုကရေစီအဖွဲ့ချုပ် NLD ကမူ ရွေးကောက်ပွဲတွင် အဓိက အားနည်းချက်မှာ မဲစာရင်းများ မှားယွင်းမှုဟု ထောက်ပြပြောဆိုလိုက်ပြီး ၂ဝ၁၅ အထွေထွေ ရွေးကောက်ပွဲတွင် ထိုဖြစ်ရပ်များ ထပ်မံဖြစ်ပေါ်မလာနိုင်အောင် ကြိုးပမ်းသွားမည်ဟု လွှတ်တော်အမတ်
ဒေါက်တာ ဒေါ်မေဝင်းမြင့်က ပြောသည်။

“အန်တီ့မဲဆန္ဒနယ် မရမ်းကုန်းမှာဆိုရင် မဲဆန္ဒရှင်စာရင်းတွေ အများကြီး ကျန်ခဲ့တာရှိတယ်။ ဒါကြောင့် ၂ဝ၁၅ မှာ ဆိုရင်တော့ ဒီလို မကျန်ရအောင် အဲဒီသင်ခန်းစာတော့ ရလိုက်တယ်။ ၂ဝ၁၅ အတွက်ကတော့ မဲစာရင်း မကျန်ရေး ကတော့ အန်တီ့အတွက် အဓိကလိုအပ်ချက်ပါပဲ” ဟု မဇ္ဈိမကို ပြောသည်။

ကြားဖြတ်ရွေးကောက်ပွဲတွင် လစ်လပ်မဲဆန္ဒနယ် ၄၅ တွင် ကျင်းပခဲ့သည့်အနက် NLD သည် ၄၃ နေရာ အနိုင်ရရှိခဲ့ပြီး ရှမ်းတိုင်းရင်းသားများ ဒီမိုကရက်တစ်ပါတီနှင့် ကြံ့ခိုင်ရေးပါတီတို့က ၁ နေရာစီ အနိုင်ရရှိခဲ့ကြသည်။

NLD ကြားဖြတ်ရွေးကောက်ပွဲ အောင်နိုင်ရခြင်းအား ဆူနာမီလှိုင်းကြီးဖြင့် ဥပမာပေးကာ ထိုလှိုင်းကြီးအား
နောင်ရွေးကောက်ပွဲ အတွက် NLD က ဆက်လက် ထိန်းသိမ်းနိုင်မှု ရှိ/မရှိအပေါ် မူတည်ကြောင်းလည်း မေလ ၂ ရက်နေ့က လွှတ်တော် သတင်းထောက်အများ အမေးကို ဦးဌေးဦး က ဖြေကြားသွားခဲ့သည်။

မြန်မာပြည်မှာ ဘာတွေ တကယ်ဖြစ်နေသလဲ

မြန်မာပြည် လက်ရှိအပြောင်းအလဲနဲ့ ပတ်သက်ပြီး အတော်များများက လောလောဆယ်မှာ စိတ်လှုပ်ရှားစရာ ဖြစ်နေကြ ပေမယ့် တကယ်တမ်းပြောရရင် အခြေအနေက စိတ်ပျက်စရာ အခြေအနေတခုပါပဲ။ အခုဆိုရင် တစုံလုံး အနေအထားကိုသာမကပဲ အသေးစိတ်ကိုပါ လေ့လာရေးသားတင်ပြဖို့ ပိုလို့တောင် အရေးကြီးပါတယ်။

မြန်မာသမ္မတ ဦးသိန်းစိန်နှင့် တွေ့ဆုံနေသော ဗြိတိန်ဝန်ကြီးချုပ် ဒေးဗစ်ကင်မရွန်း (ဓာတ်ပုံ - Getty Images)

“အရင်းရှင်စနစ်ရဲ့ ကိုယ်စားလှယ်တွေ” လို့ ကျမ ခေါ်လိုတဲ့ ပညာရှင်တွေ၊ သံတမန်တွေ၊ ဖွံ့ဖြိုးရေးအကူအညီဆိုင်ရာ ကျွမ်းကျင်သူတွေ၊ နိုင်ငံတကာ အေဂျင်စီတွေက ကိုယ်စားလှယ်တွေ၊ ရင်းနှီးမြှုပ်နှံသူတွေ၊ စီးပွားရေးလုပ်ငန်းရှင်တွေရဲ့ အကူအညီနဲ့ ဖွံ့ဖြိုးရေးနဲ့ ဒီမိုကရေစီအပြောင်းအလဲဆိုတဲ့ မုသားတွေအောက်မှာ မြန်မာပြည်နဲ့ ပြည်သူတွေဟာ ဓားပြတိုက် ရောင်းစားခံနေကြရပါတယ်။

အခုဆိုရင် မြန်မာပြည် “အရပ်သား” အစိုးရဟာ နိုင်ငံရဲ့ ကြွယ်ဝချမ်းသာမှုတွေအပေါ်မှာသာ အမြတ်ထုတ်ဖို့ စိတ်ဝင် စားနေသူ အတော်များများရဲ့ ထောက်ခံမှုကို ရနေပါတယ်။ ဥပမာ ဗြိတိန်ဝန်ကြီးချုပ် ဒေးဗစ် ကင်မရွန် (David Cameron) ဆိုရင် မြန်မာပြည် အလည်အပတ်ခရီးစဉ်မှာ စီးပွားရေးလုပ်ငန်းရှင် ၁၀ ယောက် ခေါ်သွားပါတယ်။ ဗြိတိန်အစိုးရအနေနဲ့ မြန်မာပြည်အပေါ် စီးပွားရေးအရ တချို့ဒဏ်ခတ်အရေးယူမှုတွေ ဆက်လုပ်ထားဆဲဖြစ်တာမို့ အဲ့ဒီစီးပွားရေးသမားတွေကို သူက ခရီးသွားဧည့်သည်လို ခေါ်သွားပါတယ်။

မြန်မာနိုင်ငံလို သိပ်ဆင်းရဲတဲ့ နိုင်ငံတခုဟာ ဖွံ့ဖြိုးရေးအကူအညီတွေ ပိုရလာရင် ကမ္ဘောဒီးယားနိုင်ငံလိုမျိုး အကျိုးရှိနိုင် တယ်လို့ အခိုင်အမာပြောဆိုနေတာတွေလည်း ရှိပါတယ်။ ပြောရရင် ကမ္ဘောဒီးယားနိုင်ငံမှာ ပထမအကြိမ် အထွေထွေရွေး ကောက်ပွဲကျင်းပတဲ့ ၁၉၉၃ ခုနှစ်ကစလို့ အဲ့ဒီနိုင်ငံအတွက် ဖွံ့ဖြိုးရေးအကူအညီ ဒေါ်လာ သန်း ၆ ထောင်ကျော်ကို တရားဝင် အကူအညီပေးသူတွေနဲ့ လူမူအခြေပြုလူ့အဖွဲ့အစည်း ရာပေါင်းများစွာဆီ ပေးအပ်ခဲ့ပါတယ်။ ဒါပေမယ့် တကယ်လိုအပ်နေတဲ့ ကမ္ဘောဒီးယားနိုင်ငံသားတွေကတော့ ဒီအကူအညီတွေကို အဓိက လက်ခံရရှိသူတွေ မဟုတ်ကြသေးပါဘူး။ အစိုးရ အရာရှိတွေ၊ နိုင်ငံတကာက ကျွမ်းကျင်သူတွေ နဲ့ အကြံပေးတွေပဲ တဖြည်းဖြည်း ကြွယ်ဝချမ်းသာလာကြတာပါ။ ကမ္ဘောဒီးယားနိုင်ငံမှာ ဖွံ့ဖြိုးရေးလုပ်သူတွေက မြေသိမ်းတာတွေ စက်ဆုပ်ဖွယ်ကောင်းလောက်အောင်ကို ဆက်လက် ဖြစ်ပွားနေဆဲ ဖြစ်ပါတယ်။ မြန်မာပြည်မှာလိုပဲ ပြည်သူတွေ သူတို့ မြေပေါ်ကနေ ရွှေ့ပြောင်းခံရပြီး အဲ့ဒီအတွက် တရား မျှတမှုဖြစ်စေဖို့လည်း ဘာအကူအညီမှ မရပါဘူး။ ကမ္ဘောဒီးယားနိုင်ငံဟာ အခုအချိန်မှာ ဒီမိုကရေစီနိုင်ငံတခုလို့ ထင်ရပေမယ့် ၁၉၈၅ ခုနှစ်ကတည်းက အာဏာရလာတဲ့ ဝန်ကြီးချုပ်ဟွန်ဆန်ကပဲ ဆက်လက်အုပ်ချုပ်နေဆဲ ဖြစ်ပါတယ်။

နိုင်ငံခြား အကူအညီက နိုင်ငံတခုအတွက် အဖြေမဟုတ်ပါဘူး။ လိုအပ်တာက နိုင်ငံတည်ဆောက်ရာမှာ လူအနည်းကပဲ ဆောင်ရွက်တာမျိုး မဟုတ်တဲ့ နိုင်ငံသားတွေရဲ့ စစ်မှန်တဲ့ပါဝင်ဆောင်ရွက်မှုဖြစ်ပါတယ်။ မြန်မာနိုင်ငံမှာ နိုင်ငံသားတွေ ဒီအခွင့်အလမ်း မရှိသေးပါဘူး။

၁၇ ရာစုနဲ့ ၁၈ ရာစုမှာ အရင်းရှင်တွေ၊ စီးပွားရေးသမားတွေနဲ့ ကုန်သွယ်ရေးကုမ္ပဏီကြီးတွေက ဗြိတိသျှကိုလိုနီနယ်ချဲ့ တွေ ဝင်ရောက်အုပ်ချုပ်နိုင်ဖို့ ကမ္ဘာကြီးကို လမ်းဖွင့်ပေးခဲ့ပါတယ်။ Hudson Bay ကုမ္ပဏီဟာ ကနေဒါ ဒိုမီနီယံနိုင်ငံ (Dominion of Canada) မဖြစ်ခင် ကနေဒါနိုင်ငံရဲ့ အစိတ်အပိုင်းအများစုကို အုပ်စိုးသူဖြစ်လာခဲ့တယ်။ ရုဒ်ဒီရှား (Rhodesia) ဆိုတဲ့ နိုင်ငံငယ်လေးဖြစ်လာဖို့အတွက် အင်္ဂလန်ဖွား တောင်အာဖရိက စီးပွားရေးသမား စီစယ် ရုဒ် (Cecil Rhodes) ကို ဗြိတိသျှ တောင်အာဖရိက ကုမ္ပဏီ (British South Africa Company) က အာဏာပေးခဲ့တယ် (ရုဒ် ပညာသင်ဆုတွေ ပေးနေဆဲဖြစ်တယ်)။ ပြီးတော့ အရှေ့အိန္ဒိယ ကုမ္ပဏီ (East India Company) က ဗြိတိသျှအစိုးရ အတွက် အိန္ဒိယ နဲ့ မြန်မာနိုင်ငံတွေကို လမ်းဖွင့်ပေးခဲ့ပါတယ်။ မြန်မာဘုရင်က အရှေ့အိန္ဒိယ ကုမ္ပဏီရဲ့ တောင်းဆို ချက်တွေကို လိုက်လျောဖို့ ငြင်းဆန်တဲ့အခါမှာ ကုမ္ပဏီက ဗြိတိသျှအစိုးရဆီကနေ အကူအညီတောင်းခံခဲ့ပါတယ်။ နောက်ဆုံးမှာ ဗြိတိန်က မြန်မာနိုင်ငံကို စစ်ကြေငြာခဲ့ပါတယ်။

အနောက်နိုင်ငံတွေဟာ အခုဆိုရင် သူတို့ ကော်ပိုရေးရှင်းတွေအတွက် ဈေးကွက်အသစ်တွေပွင့်လာအောင် တွန်းအား ပေးနေကြပါတယ်။ သူတို့က ဈေးကွက်နဲ့ အကြွေးလို စီးပွားရေးကိစ္စတွေပဲ ပြောဆိုကြပြီး ကျန်းမာရေး၊ ပညာရေး၊ ဂေဟဗေဒ ဒါမှမဟုတ် လူ့အဖွဲ့အစည်းအတွက် အကျိုးရှိစေမယ့်ကိစ္စတွေကိုတော့ မပြောဆိုကြပါဘူး။

မြန်မာ “အရပ်သားအစိုးရ” ရဲ့ ဒီမိုကရေစီနည်းကျ ပြုပြင်ပြောင်းလဲမှုတွေကို ဆုချီးမြင့်တဲ့အနေနဲ့ ဥရောပသမဂ္ဂအဖွဲ့ဝင် အစိုးရတွေ၊ နော်ဝေး၊ ကနေဒါ၊ အမေရိကန်ပြည်ထောင်စုနဲ့ သြစတြေးလျအစိုးရတွေက မြန်မာနိုင်ငံအပေါ်ထားတဲ့ ဒဏ်ခတ်အရေးယူမှု အများစုကို ဆိုင်းငံ့ထားလိုက်ပါတယ်။ သြစတြေးလျအစိုးရကတော့ မြန်မာပြည်မှာ သူ့နိုင်ငံက ကုမ္ပဏီတွေ ရင်းနှီးမြှုပ်နှံမှုလုပ်တဲ့အပေါ် ဘယ်တုန်းကမှ ပိတ်ဆို့မှုမလုပ်ခဲ့ပါဘူး။

သြစတြေးလျ၊ ပြင်သစ်၊ အမေရိကန်၊ ထိုင်း၊ တရုတ်၊ အိန္ဒိယ၊ ရုရှနဲ့ မလေးရှားနိုင်ငံတွေက ရေနံနဲ့ သဘာဝဓာတ်ငွေ့ ကုမ္ပဏီတွေဟာ မြန်မာနိုင်ငံမှာ လက်ရှိလုပ်ငန်းလည်ပတ်နေဆဲ ဖြစ်ပါတယ်။ ရေနံနဲ့ သဘာဝဓာတ်ငွေ့ တင်ပို့မှုတွေဟာ မြန်မာခေါင်းဆောင်တွေရဲ့ အကြီးမားဆုံးဝင်ငွေရရာ ရင်းမြစ်တွေပါ။ အဲ့ဒီတင်ပို့မှုတွေကနေ ၂၀၁၁-၂၀၁၂ ဘဏ္ဍာ ရေးနှစ်မှာ ဒေါ်လာ သန်း ၃ ထောင်နီးပါး ဝင်ငွေရခဲ့ပါတယ်။ နိုင်ငံက ဒီလို သဘာဝသယံဇာတတွေနဲ့ ကြွယ်ဝနေပေ မယ့် လွန်ခဲ့တဲ့ ဆယ်စုနှစ်တွေအတွင်း ရေနံနဲ့ သဘာဝဓာတ်ငွေ့ကရတဲ့ အခွန်ဘဏ္ဍာတွေဟာ ချစားနေတဲ့ ဗိုလ်ချုပ်ကြီး တချို့ရဲ့ အိပ်ကပ်ထဲကိုပဲ ရောက်သွားခဲ့ကြတာဖြစ်ပါတယ်။

ဒါကြောင့် မြန်မာပြည်ကို အပြေးအလွှားသွားမယ့် အနောက်နိုင်ငံတွေရဲ့လုပ်ရပ်တွေက မြန်မာနိုင်ငံထဲမှာလက်ရှိဖြစ်နေတဲ့ တင်းမာမှုတွေ၊ လူမှုဆက်ဆံရေး တွေနဲ့ ပြည်သူတွေရဲ့ဘဝကို ဘယ်လိုထိခိုက်စေမလဲဆိုတဲ့ အမှန်တရားကို ကျမတို့ လေ့လာဖို့ လိုတယ်လို့ ပြောချင်ပါတယ်။

(လန်ဒန်ထုတ် The Independent သတင်းစာရဲ့ အွန်လိုင်းဘလော့ဂ်တွင် Nancy Hunson-Rodd ရေးသားထားသော What is Really Happening in Burma Today ကို ဆီလျော်အောင် ပြန်ဆို ဖော်ပြပါ တယ်။ ဒေါက်တာ နန်စီဟာ သြစတြေးလျနိုင်ငံအနောက်ပိုင်း Edith Cowan တက္ကသိုလ်မှာ ဂုဏ်ထူးဆောင် အထက်တန်း သုတေသီအဖြစ် ဆောင်ရွက်နေပါတယ်။)

Ref: ဧရာဝတီ

မဲဆောက်မြို့ ဆန္ဒပြ မြန်မာအလုပ်သမားများ တောင်းဆိုချက် ရရှိ

ထိုင်း မြန်မာနယ်စပ် မဲဆောက်မြို့ ချန်ပီယံ သိုးမွှေးစက်ရုံလို့ လူသိများတဲ့ FT Fashion အထည်ချုပ်နဲ့ သိုးမွှေးစက်ဆွဲ အလုပ်ရုံမှာ မေလ ၂ ရက်နဲ့ ၃ ရက်နေ့တွေက အလုပ်သမားတွေ အလုပ်မဆင်းဘဲ တစ်နေ့ ၈ နာရီအလုပ်လုပ်ချိန် သတ်မှတ်ပြီး လုပ်အားခ ၁၅၅ ဘတ်နှုန်း တိုးပေးရေး ဆန္ဒပြ တောင်းဆိုခဲ့တဲ့အတွက် ဒီကနေ့ အလုပ်ရှင် အလုပ်သမား ပြေလည်မှုရသွားပြီလို့ စုံစမ်းသိရှိရပါတယ်။

RFA

ထိုင်းနိုင်ငံရှိ မြန်မာအလုပ်သမားများကို တရားဝင်မှတ်ပုံတင်ခွင့် စတင်တဲ့ ၂၀၁၁ ခုနှစ် ဇွန်လ ၁၅ ရက်နေ့မှာ ထိုင်းနိုင်ငံ စမုတ်ဆာခွန် ခရိုင်၊ မဟာချိုင် အလုပ်သမား မှတ်ပုံတင်ရုံးကို မြန်မာ ဒုတိယ နိုင်ငံခြားရေး ဝန်ကြီး ဦးမောင်မြင့်က ထိုင်း အလုပ်သမား ဝန်ကြီး ချလန်ချိုင်း စီရီအွန် နဲ့အတူ သွားရောက် ကြည့်ရှုပြီး အလုပ်သမားများ မှတ်ပုံတင်ရေး ကိစ္စ ရှင်းလင်း ပြောကြားနေပုံ။ (ဓါတ်ပုံ RFA)

ချန်ပီယံခေါ် FT Fashion သိုးမွှေးစက်ရုံမှာ အလုပ်လုပ်နေတဲ့ မြန်မာရွှေ့ပြောင်းအလုပ်သမား ၅၀၀ ကျော်က မတ်လ ၂ ရက်နေ့က စတင်ပြီး တစ်နေ့ အလုပ်ချိန် ၈ နာရီ သတ်မှတ်ပြီး အချိန်ပိုကြေးနဲ့ လုပ်အားတိုးပေးဖို့ အလုပ်မဆင်းဘဲ ဆန္ဒပြ တောင်းဆိုခဲ့တာဖြစ်ပါတယ်။

ဒီကနေ့မနက် ၁၀ နာရီမှာ ဆ၀ါတီကန်လို့ခေါ်တဲ့ မဲဆောက် အလုပ်သမားကာကွယ်ရေးရုံးက တာဝန်ရှိသူတွေက ရုံးမှာ ဆန္ဒပြ အလုပ်သမားကိုယ်စားလှယ် ၇ ဦးနဲ့ စက်ရုံလုပ်ငန်းရှင်ကို ဆင့်ခေါ်ကာ ညှိနှိုင်းပေးခဲ့လို့ အလုပ်ရှင် အလုပ်သမား ပြေလည်မှုရခဲ့တဲ့ အခြေအနေကို ဆန္ဒပြ အလုပ်သမားကိုယ်စားလှယ် ကိုမောင်ဇော်က အခုလို ပြောပါတယ်။

“ရှစ်နာရီ အလုပ်ချိန်မှာ ၁၅၅ ဘတ်ရတယ်။ အိုတီကြေးကတော့ ခြောက်လပိုင်း ၁ ရက်နေ့မှာ ပြန်ပြီးတော့ ညှိမယ်။ ဆ၀ါတီကန်လူကြီးများက ညှိတယ်ခင်ဗျ။ အလုပ်ရှင်လာတယ်။ အလုပ်သမား ၇ ယောက်နဲ့ ညှိတယ်ခင်ဗျ။ ၂ နာရီလောက်မှပြီးတယ်။ ၈၀ ရာခိုင်နှုန်း လောက်တော့ အဆင်ပြေသွားပါပြီ။”

ချန်ပီယံ သိုးမွှေးစက်ရုံမှာ လုပ်ကိုင်နေတဲ့ မြန်မာအလုပ်သမား ၅၀၀ ကျော်ဟာ မနက် ၈ နာရီကနေ ည ၉ နာရီအထိ အလုပ်လုပ်ရပြီး လုပ်အားခအဖြစ် ၇၅ ဘတ်ကနေ ဘတ် ၈၀ သာရကြလို့ လုပ်ခတိုးပေးဖို့ ဆန္ဒပြခဲ့တာလို့ အလုပ်သမတစ်ဦးက အခုလိုပြောပါတယ်။

“နေ့စားခ တစ်နေ့ကို ၈၀ ရတယ်။ ည ၉ နာရီထိခိုင်းတယ်။ အဲဒါကို အခုအလုပ်သမားတွေ တောင်းဆိုတာက သူများစက်ရုံတွေက တစ်နေ့ကို ၁၅၅ ဘတ် ဖြစ်နေပြီ။ ညနေ ၅ နာရီ နောက်ပိုင်းကို အိုတီကြေး သတ်မှတ်ပေးဖို့ တောင်းဆိုကြတယ်။ သူဌေးက သောက်ရေရော၊ ချိုးရေရော၊ ထမင်းရော မနေ့ကတည်းက အကုန်လုံးဖြတ်ထားတယ်"

ထိုင်းအလုပ်သမား ၀န်ကြီးဌာနရဲ့သတ်မှတ်ထားတဲ့ တရားဝင် တစ်နေ့အလုပ်လုပ်ချိန်ဟာ ၈ နာရီဖြစ်ပြီး၊ အဲဒီအချိန်အတွက် မဲဆောက်ဒေသတွင်းက အလုပ်သမားတစ်ယောက်ကို ၂၂၆ ဘတ် အလုပ်ရှင်က ပေးရမယ်လို့ သတ်မှတ်ထားပါတယ်။

ဒါပေမယ့် ဆန္ဒပြ အလုပ်သမားတွေအားလုံး ညှိနှိုင်းပြီး တရားဝင်အလုပ် လုပ်ချိန် တနေ့ ၈ နာရီအပါအ၀င် အလုပ်ရှင်ဘက်က ပေးနိုင်မယ့် လုပ်အားခ ၁၅၅ ဘတ်နဲ့ အဲဒီနောက်ပိုင်း အလုပ်ခိုင်းပါက အချိန်ပိုကြေး တစ်နာရီကို ၃၀ ဘတ်ပေးဖို့ တောင်းဆိုတာပါလို့ အလုပ်သမား ကိုယ်စားလှယ်တွေက ပြောကြားခဲ့ကြပါတယ်။

Ref: RFA

ခေတ်သစ် မြန်မာ့အလုပ်သမားများ အခြေအနေ

မေလ (၁) ရက်နေ့က ကျရောက်တဲ့ May Day အလုပ်သမားနေ့အတွက် သမ္မတဦးသိန်းစိန် ပေးပို့တဲ့ သဝဏ်လွှာထဲမှာ ဖော်ပြထားချက်တွေဟာ အလုပ်သမားတွေအတွက် အင်မတန်မှ မျှော်လင့်အားတက်စရာကောင်းပါတယ်။ ဒါပေမဲ့ မြန်မာနိုင်ငံရဲ့  အလုပ်သမားတွေရဲ့  လက်တွေ့ဖြစ်နေတဲ့ အခြေအနေနဲ့ ဘယ်လောက်နီးစပ်မှု ရှိပါသလဲ။ အလုပ်သမားအရေး လှုပ်ရှားဆောင်ရွက်နေသူ ကိုသူရိန်ဇော်၊ ကိုထွန်းထွန်းနိုင် တို့နဲ့ ဦးကျော်ဇံသာ ဆွေးနွေးသုံးသပ် တင်ပြထားပါတယ်။

ဦးကျော်ဇံသာ ။ ။ ပထမဦးဆုံးကတော့ နိုင်ငံတော်သမ္မတ ဦးသိန်းစိန်ရဲ့  အလုပ်သမားနေ့ သဝဏ်လွှာထဲမှာ ရေးထားပါတယ်။ ဥပဒေနဲ့ နည်းဥပဒေများ သတ်မှတ်ပြဌာန်းခဲ့ပြီး အလုပ်သမားအဖွဲ့အစည်းတွေကို ဖွဲ့စည်းခွင့်ပြုထားပြီးဖြစ်တယ်လို့ ဆိုပါတယ်။ ဟုတ်ပါသလား။ အလုပ်သမားအဖွဲ့အစည်းတွေ လွတ်လွတ်လပ်လပ် ဖွဲ့စည်းခွင့်ရနေပါပြီလား။

ကိုသူရိန်ဇော် ။ ။ လွတ်လွတ်လပ်လပ်တော့ မရသေးဘူးခင်များ။ ဘာကြောင့်လဲဆိုတော့ သူ့ရဲ့  ဖွဲ့စည်းပုံကိုယ်တိုင်က ချုပ်ထားတာဖြစ်နေတယ်။ ပထမ ဖျက်လိုက်တဲ့ ၆၄ ဥပဒေတွေက သူ့ထက်အများကြီးမြင့်တယ်။ ဒီ ဥပဒေမှာဆိုရင် အလုပ်သမားတွေအတွက် တစပ်တဆက်တည်း လုပ်သက်က အနည်းဆုံး (၆) လ ရှိရမယ်လို့ဆိုထားတယ်။ သမဂ္ဂဆိုတဲ့စကားကို သုံးတာကို သူတို့မကြိုက်ဘူး။ အဲဒါကို ဖယ်ခိုင်းတယ်။ အဲဒီ နံမည် အငြင်းပွားနေခြင်းကိုက ကျနော်တို့မှာ မလွတ်လပ်ဘူးဆိုတဲ့ အဓိပ္ပါယ်ထွက်နေပါတယ်။

ဦးကျော်ဇံသာ ။ ။ အနည်းဆုံး ခြောက်လရှိရမယ်ဆိုတာ ဘာပြောတာလဲ။ တစပ်တဆက်တည်း - ဘာ ခြောက်လလဲ။

ကိုသူရိန်ဇော် ။ ။ စက်ရုံတရုံမှာ အလုပ်ခွင့်တခုမှာ တစိုက်မတ်လုပ်ရတာ ခြောက်လသက်တမ်း ရှိရမယ်။ အနည်းဆုံး ခြောက်လသက်တမ်း ရှိရမယ်လို့ ဆိုတယ်ခင်များ။ အဲဒီတော့ ဒီနေ့မှဝင်တဲ့ ပုဂ္ဂိုလ်၊ ဒါမှမဟုတ် လွန်ခဲ့တဲ့ သုံးလ၊ ငါးလလောက်က ဝင်တဲ့အလုပ်သမားတွေက အဲဒီအလုပ်သမားအဖွဲ့ကို ဖွဲ့စည်းခွင့်မရှိဘူးဖြစ်တယ်။ မှတ်ပုံတင်ထားတဲ့အဖွဲ့တွေရှိတယ်။ အဲဒါကို မပြည့်တော့ တလလောက်လိုတာနဲ့၊ အဲဒီလူပါတာနဲ့ ဖွဲ့စည်းခွင့်မကျဘူး။

ဦးကျော်ဇံသာ ။ ။ နောက်တခုက အလုပ်သမားသမဂ္ဂဆိုတာကို မသုံးနှုန်းရရင် ဘယ်လိုနံမည်ပေးရမလဲ။

ကိုသူရိန်ဇော် ။ ။ သူက အလုပ်သမားအဖွဲ့အစည်းလို့ပဲ ဥပဒေပြဌာန်းထားတဲ့စာအုပ်ထဲမှာ အဖွဲ့အစည်းလို့ပဲ ပြောထားပြီး၊ နောက်တခုက တင်တဲ့အခါမှာ သမဂ္ဂလို့ တင်လို့ရှိရင် သမဂ္ဂစကားလုံးပါရင် ပြင်ခိုင်းပါတယ်။

ဦးကျော်ဇံသာ ။ ။ အင်္ဂလိပ်လို့ ဘာရေးသလဲ။ Union လို့ မသုံးရဘူးလား။

ဦးကျော်ဇံသာ ။ ။ နောက်တခုက အလုပ်သမားသမဂ္ဂဆိုတာကို မသုံးနှုန်းရရင် ဘယ်လိုနံမည်ပေးရမလဲ။

ကိုသူရိန်ဇော် ။ ။ Union မကြိုက်ဘဲ၊ Organization လို့ သုံးခိုင်းထားပါတယ်။

ဦးကျော်ဇံသာ ။ ။ ဘာဖြစ်လို့များ အဲဒီ သမဂ္ဂစကားလုံးကို သူတို့ မနှစ်မြိုဖြစ်နေရတယ် ထင်ပါသလဲ။

ကိုထွန်းထွန်းနိုင် ။ ။ စစ်အာဏာရှင်တွေ၊ အာဏာရှင်တွေအဆက်ဆက်မှာ သမဂ္ဂဆိုတာကို အမြဲတမ်း စိုးရိမ်ကြောက်လန့်ခဲ့တယ်။ ကျောင်းသားသမဂ္ဂ၊ အလုပ်သမားသမဂ္ဂ။ အဲဒီလို သမဂ္ဂတွေကို ကြောက်လန့်တဲ့စိတ်တွေက အခုထိ ရှိနေတယ်။ အဲဒီအတွက်ကြောင့် သူတို့က သမဂ္ဂဆိုတာကို ကျယ်ကျယ်ပြန့်ပြန့် သုံးခွင့်မပေးဘူး။ အဲဒါကြောင့်မို့ ဒီခေါင်းစဉ်လေးတောင်မှ အမည်တောင်မှ လွတ်လွတ်လပ်လပ် ဖွဲ့ခွင့်မရဘူးဆိုရင် အလုပ်သမားတွေက သူတို့ရဲ့  ဘဝအာမခံချက်တွေ၊ အခွင့်အရေးတွေကို ကာကွယ်ဖို့အတွက်ကို ဘယ်လိုလုပ်ပြီး ဆက်လက်ပြီး ကာကွယ်နိုင်မလဲဆိုတာကို မေးခွန်းထုတ်စရာ ဖြစ်နေပါတယ်။

ဦးကျော်ဇံသာ ။ ။ ဆိုတော့ အလုပ်သမားအဖွဲ့အစည်းဆိုတဲ့ နံမည်နဲ့တော့ ဖွဲ့ဖြစ်သွားပြီပေါ့။

ကိုထွန်းထွန်းနိုင် ။ ။ အလုပ်သမားအဖွဲ့အစည်းနံမည်နဲ့တော့ ဖွဲ့ဖြစ်သွားပြီ။ တရားဝင်မှတ်ပုံတင်လည်း ချပေးလိုက်ပါပြီ။

ဦးကျော်ဇံသာ ။ ။ အဲဒီ အဖွဲ့အစည်းရဲ့  လုပ်ပိုင်ခွင့်တွေက ဘယ်လောက်အထိ ပေးထားပါသလဲ။

ကိုသူရိန်ဇော် ။ ။ သူတို့ရဲ့  နည်းဥပဒေထဲမှာပါတဲ့အတိုင်းပဲ လုပ်ပိုင်ခွင့်ရမှာ ဖြစ်ပါတယ်။ နောက်ပြီးတော့ ထပ်ပြီးထုတ်ထားတဲ့ အလုပ်သမားညှိနှိုင်းရေးဥပဒေ၊ အဲဒီ ဥပဒေမှာ လောလောဆယ် တရားဝင်ဖြစ်သွားတဲ့အတွက် အဲဒီ စက်ရုံတရုံမှာ သမဂ္ဂ ဖြစ်ပြီဆိုရင် အလုပ်သမားရဲ့  ကိုယ်စားလှယ်နှစ်ယောက်၊ အလုပ်ရှင်ကိုယ်စားလှယ်နှစ်ယောက်နဲ့ ညှိနှိုင်းရေးကော်မတီလေးတခုကို သူတို့ဖွဲ့စည်းခွင့်ရမယ်။ အဲဒီ ကော်မတီ သက်တမ်းကတနှစ်ဖြစ်တယ်။ အဲဒီ ညှိနှိုင်းရေးကော်မတီမှာ ဖြေရှင်းလို့မရတဲ့အခါကြမှ ခုံသမာဓိအဖွဲ့တွေကို အဆင့်ဆင့်တက်ပြီးတော့ ဖြေရှင်းခွင့်တော့ လောလောဆယ် ပေးထားပါတယ်။ ဒီ ညှိနှိုင်းရေးကော်မတီကနေ ခုံသမာဓိအဖွဲ့အဆင့်ဆင့်ကို ညှိနှိုင်းမဖြေရှင်းဘဲနဲ့ ဆန္ဒပြသပိတ်မှောက်ခွင့် မရှိဘူးလို့ ဥပဒေမှာ ပြဌာန်းထားတယ်။ အဲဒါကြောင့်မို့ ဘယ်လောက်အထိ သူတို့တတွေ အခွင့်အရေးတွေရမယ်ဆိုတာကို ကျနော်တို့ သတိကြီးစွာထားပြီး စောင့်ကြည့်ရမှာ ဖြစ်ပါတယ်။ ~ အရတော့ ကျနော်တို့ ပြောစရာမရှိပါဘူး။ တကယ်လုပ်တဲ့အခါမှာ ဘယ်လောက်အထိ လုပ်ခွင့်ရှိမလဲဆိုတာကတော့ ကျနော်တို့ စောင့်ကြည့်ရမှာ ဖြစ်ပါတယ်။ အဲဒါကတော့ ကံသေကံမ ဘာမှပြောလို့ မရသေးပါဘူး။

ဦးကျော်ဇံသာ ။ ။ နိုင်ငံတော်သမ္မတရဲ့  သဝဏ်လွှာထဲမှာ ထို့အပြင် အလုပ်သမားများနဲ့ လည်းကောင်းတို့၏ မိသားစုများအတွက် လူမှုရေးကာကွယ်စောင့်ရှောက်မှုများ ပိုမိုရရှိစေရန်၊ ဆေးကုသမှုခံယူခွင့်၊ ငွေကြေးအကျိုးခံစားခွင့်၊ အငြိမ်းစားယူပြီးနောက် ဆေးကုသမှု ဆက်လက်ခံစားခွင့်၊ မိသားစုထောက်ပံ့အကျိုးခံစားခွင့်၊ သက်ပြည့်အငြိမ်းစားခံစားခွင့်၊ အလုပ်လက်မဲ့ အကျိုးခံစားခွင့်၊ အလုပ်လုပ် ကိုင်နိုင်စွမ်းမရှိမှု အကျိုးခံစားခွင့်၊ အလုပ်ခွင်မှာ ထိခိုက်မှုအကျိုးခံစားခွင့်၊ နာရေးစရိတ်ခံစားခွင့်၊ ကျန်ရစ်သူအကျိုးခံစားခွင့်နဲ့ အိမ်ယာစီမံကိန်းအကျိုးခံစားခွင့် စတဲ့ အကျိုးခံစားခွင့်များပါဝင်သော လူမှုဖူလုံရေးဥပဒေသစ်ကိုလည်း ရေးဆွဲပြီးဖြစ်ပါတယ်လို့ ဆိုထားတော့ အင်မတန်ကောင်းတဲ့ကိစ္စတွေပါ။ အလုပ်မရှိတောင် အာမခံချက်ရမယ်ဆိုတဲ့ကိစ္စတွေ ပေးထားပါတယ်။ ဒီဟာတွေ တကယ်ပဲ ဖြစ်လာပြီလား။ လောလောဆယ်မှာ ဖြစ်မယ့်အလားအလာ ရှိပါသလား။ လက်တွေ့အကောင်အထည် မဖော်သေးရင်တောင်မှ ဥပဒေ ပြဌာန်းပြီးပြီဆိုတော့။

ကိုသူရိန်ဇော် ။ ။ အလုပ်သမားထုကြားကိုတော့ အခုထက်ထိ မရောက်သေးပါဘူး။

ဦးကျော်ဇံသာ ။ ။ အစိုးရသစ် တက်လာပြီးနောက် အစိုးရသစ်ဆိုကြပါစို့။ နောက် လွှတ်တော်တွေခေါ်လာပြီးနောက်မှာ အလုပ်သမားတွေရဲ့  ဘဝမှာ ဘာအပြောင်းအလဲ လောလောဆယ်မှာ ရှိလာသလဲ။

ကိုသူရိန်ဇော် ။ ။ ပြောရမယ်ဆိုရင်တော့ ကျနော်တို့ မျှော်လင့်ချက်ဆိုတဲ့ အပြောင်းအလဲတခုရှိလာတယ်လို့ ပြောလို့ရတယ်။ ပထမခေတ် အစိုးရဟောင်းလက်ထက်မှာတုန်းကတော့ ဘာမှကို ပြောခွင့်ဆိုခွင့် မရှိဘူး။ ဘာမှ မျှော်လင့်ခွင့်မရှိတာ။ အခုတော့ အဲဒီလို ပြောနေတဲ့စကားတွေကိုက မျှော်လင့်စရာလို့ အဲဒီလိုပဲမြင်ပါတယ်။

ဦးကျော်ဇံသာ ။ ။ အဲဒီ မျှော်လင့်ချက်လွှဲပြီးတော့ လက်တွေ့အကျိုးခံစားခွင့် - ဥပမာ လစာတွေ ပိုရလာတယ်။ အလုပ်ချိန်အပို overtime အချိန်ပိုလုပ်အားခတွေ အမှန်တကယ် ရလာတယ်။ အလုပ်သမားတွေ နာမကျန်းဖြစ်ရင် ပိုပြီးဂရုတစိုက် ဆေးဝါးကုသခံယူပိုင်ခွင့် ရှိလာတယ် စသဖြင့် အဲဒီလို ဘာမှ လက်တွေ့အကျိုးခံစားခွင့်တွေ မတွေ့သေးဘူးလား။

ကိုသူရိန်ဇော် ။ ။ အဲဒါတွေက ကျနော်တို့ အလုပ်သမားတွေအားလုံးနဲ့ ညီအကိုမောင်နှမတွေ၊ သားသမီးတွေအားလုံးက စက်ရုံအလုပ်ရုံတွေမှာရှိတဲ့ အလုပ်သမားတွေပါ။ ကျနော်တို့ကိုယ်တိုင်လည်း အလုပ်လုပ်နေရတဲ့ အလုပ်သမားတွေပါ။ ကျနော်တို့မှာ တစုံတရာ တိုးတက်မှု ဘာမှမရှိသေးပါဘူး။ အခုထက်ထိ အဲဒီ အခက်အခဲတွေနဲ့ ကြုံတွေ့နေရပါသေးတယ်။

ဦးကျော်ဇံသာ ။ ။ အရင်တုန်းက ဥပဒေမှာကတော့ အလုပ်ရှင်၊ အလုပ်သမားဆိုတာ အလုပ်ရှင်ကတော့ အရင် အစိုးရဟောင်းလက်ထက်တို့ ဘာတို့ထက် မဆလခေတ်တို့မှာတော့ နိုင်ငံပိုင် အလုပ်သမားတွေရဲ့  ကိစ္စသာဖြစ်မယ်။ ၈၈ နောက်ပိုင်းမှာ ပုဂ္ဂလိကလုပ်ငန်းတွေ ရှိလာခဲ့တယ်။ အဲဒီကာလက ပုဂ္ဂလိကစက်ရုံတွေ၊ လုပ်ငန်းရှင်တွေ နဲ့ အလုပ်သမားတွေဖြစ်တဲ့ ပဋိပက္ခမှာ အာဏာပိုင်တွေ ရပ်တည်ခဲ့တာနဲ့ အခု ဒီဥပဒေတွေ ရေးဆွဲပြီးနောက်ပိုင်းမှာ အာဏာပိုင်တွေ ရပ်တည်ချက် ဘယ်လိုပြောင်းလဲလာပါသလဲ။

ကိုသူရိန်ဇော် ။ ။ အာဏာပိုင်တွေဆိုတဲ့နေရာမှာ ကျနော်တို့နဲ့ အနီးစပ်ဆုံးလို့ ပြောလို့ရတယ့် အငယ်တန်း အာဏာပိုင်၊ အရာရှိတွေရဲ့  အမြင်မှာ ပြောပြောနေတာက ဥပမာ စက်ရုံအလုပ်ရှင်တွေမှာလည်း အခက်အခဲရှိတယ်။ အလုပ်သမားတွေက နင်းကန်ပြီး လိုချင်သလောက် တောင်းနေတယ်ဆိုတဲ့အသံမျိုးတွေ ထွက်ပြီးတော့ အလုပ်ရှင်တွေကတောင်မှ တခါတရံကြရင် ညှိနှိုင်းဆွေးနွေးလိုတဲ့ စိတ်တွေကို သွားတွေ့ရပါတယ်။ အဲဒါကို တော်ရုံတန်ရုံ ရှင်းလင်းတဲ့ကိစ္စတွေကို အလုပ်သမားနဲ့ အလုပ်ရှင်တွေကြားထဲမှာ တတ်နိုင်သလောက် ညှိနှိုင်းပေးပါတယ်။ ဘာကြောင့်လည်းဆိုတော့ အဲဒီလိုမျိုး မလိုလားအပ်တဲ့ အရာရှိတွေ ဝင်လာမှာဆိုတဲ့အတွက်ကြောင့် အချို့ အချို့ သော အရာရှိတွေလည်း ရှိကောင်းရှိနိုင်ပါတယ်။ ရှိလည်းရှိပါတယ် အလွန်နည်းပါတယ်။ အဲဒီတော့ သူတို့ရဲ့  အတွေးအခေါ်က ပထမခေတ် အတွေးအခေါ်ကို မပြောင်းလဲနိုင်သေးတဲ့ အနေအထားမျိုး သွားတွေ့ရတယ်။ ဒါက အထက်က ညွှန်းကြားချက်ဟုတ်မဟုတ်ဆိုတာကိုတော့ ကျနော်တို့ မသိရပါဘူး။

ဦးကျော်ဇံသာ ။ ။ အလုပ်ရှင်ကတော့ သူတို့ လုပ်ငန်းခွင်မှာ အဆင်ပြေမှ သူ့အလုပ်က ရှေ့ ကိုဆက်ပြီး အဆင်ပြေအလုပ်ဖြစ်မှာကို။ ဆိုတော့ အခုန အရာရှိအပိုင်းကလူတွေကတော့ သူတို့အကျိုးစီးပွားသိပ်မပါတဲ့ သဘောလို့ သူတို့မြင်တယ်လို့တူပါတယ်။ ဆိုတော့ ဘာကြောင့်လဲ သူတို့အကျိုးစီးပွား လိုချင်လို့လား။ ပြဿနာဖြစ်လာတဲ့အခါမှာ အလုပ်ရှင်တွေက အဲဒီအတွက်များ ဒီလို ပြောကြတာလား။

ကိုသူရိန်ဇော် ။ ။ အများအားဖြင့် အလုပ်ရှင်တွေက အရာရှိတွေနဲ့ သွားနီးစပ်ပြီး၊ အလုပ်သမားတွေကြတော့ နီးစပ်ဖို့အခက်အခဲ ရှိပါတယ်။ အလုပ်သမားတွေကို အခုအချိန်အထိ အလုပ်ရှင်တွေလို့ အရာရှိတွေက တန်းဖိုးထား ဆက်ဆံဖို့ ဝန်လေးနေတဲ့အချက်တွေကို တွေ့ရပါတယ်။

ဦးကျော်ဇံသာ ။ ။ ဒါက ပြဿနာဖြစ်တဲ့ကိစ္စပေါ့။ ကလေးတွေ၊ အလုပ်သမားတွေရဲ့  မိသားစုရဲ့  စားဝတ်နေရေးအတွက် လုပ်ခတွေ၊ လခတွေ ပိုတိုးပေးပါသလား။

ကိုသူရိန်ဇော် ။ ။ ဘာမှ မရသေးပါဘူး။ မရသေးတဲ့အတွက်ကြောင့် အလုပ်သမားတွေကြားမှာ တော်တော်လေးကို အခုအချိန်မှာ အကြပ်အတည်းပိုပြီးဖြစ်လာတယ်။ ပိုပြီးပြောဆိုမှုတွေ ရှိလာတယ်။ ဒါပေမဲ့ သူတို့က တရားဝင်ပြောဖို့ကိုလည်း မပြောရဲဘူး။ သူတို့က ကြောက်လန့်မှု အခုထိ မပြေသေးတဲ့ အနေအထားရှိပါတယ်။

ဦးကျော်ဇံသာ ။ ။ အခု မြန်မာနိုင်ငံမှာ အလုပ်သမားတွေရဲ့  အနှိမ့်ဆုံးလုပ်ခံကို ဘယ်လောက်လို့ သတ်မှတ်ထားပါသလဲ။

ကိုသူရိန်ဇော် ။ ။ စက်ရုံတွေက ပေးတဲ့ အနှိမ့်ဆုံးလုပ်ခက တစ်သောင်းကျော်မှာပဲ ရှိပါသေးတယ်။ Overtime ကြေး၊ ဆုကြေး၊ ရက်မပျက်ကြေး စသဖြင့် ပေါင်းပြီးပေးတာမှ ခုနှစ်သောင်း အလွန်ဆုံးရပါတယ်။ တော်တော်များများ ငါးသောင်းပတ်ဝန်းကျင်လောက်မှာ ရပါတယ်။ အဲဒီတော့ သူတို့က အလုပ်တရက် ပျက်တာနဲ့ ဆုကြေး၊ ရက်မပျက်ကြေးတို့ ပြုတ်သွားပါတယ်။ အဲဒီအခါမှာ အရမ်းနည်းသွားပါတယ်။ အဲဒီတော့ သူတို့ အဓိက လိုချင်နေတာကလည်း သူတို့ရဲ့  မူရင်း နေစားလုပ်ခကို သူတို့က ပိုပြီးတော့ - အဲဒါက အာမခံချက်ရှိတဲ့အတွက် ပိုလိုချင်တယ်။ ဒါပေမဲ့ အဲဒါကို ပေးဖို့အတွက်က အလုပ်ရှင်တွေက မကြိုးစားသလို၊ အရာရှိတွေကလည်း ညှိနှိုင်းမှုမှာ အရမ်းနှောင့်နှေးပါတယ်။

ဦးကျော်ဇံသာ ။ ။ အဲဒီတော့ အလုပ်ခွင်ကို သွားဖို့လာဖို့။ ရုံးတက်ဖို့ အလုပ်ခွင် အသွားအပြန်အတွက် သယ်ယူပို့ဆောင်ရေးကို သူတို့ တာဝန်ယူပါသလား။

ကိုသူရိန်ဇော် ။ ။ ယူတဲ့အပိုင်းလည်းယူတယ်၊ မယူတဲ့အပိုင်းလည်း မယူဘူး။ ခက်နေတာက အဲဒီမှာ overtime ဆင်းရတာက ည ၁၀ နာရီလောက်အထိ တခါတလေ ဖြစ်တဲ့အတွက်ကြောင့် အနည်းဆုံး ရှစ်နာရီလောက်ဖြစ်တော့ အိမ်ကိုပြန်ရောက်တဲ့အချိန်က ၁၀ နာရီလောက် ပြန်ရောက်တယ်။ များသောအားဖြင့် အလုပ်ဆင်းတဲ့လူတွေက ကျေးလက်ဆင်ခြေဖုံး ရပ်ကွက်တွေက များတဲ့အတွက်ကြောင့် အဲဒီအချိန်မှ ပြန်လာရတော့ ခလေး၊ မိန်းခလေးအတွက် အများကြီးအခက်အခဲရှိပါတယ်။

ဦးကျော်ဇံသာ ။ ။ သူတို့ဆီက လိုက်မပို့ဘူးပေါ့။

ကိုသူရိန်ဇော် ။ ။ သူတို့ဆီက လိုက်ပို့တယ်ဆိုတာ တစုံတရာအထိပဲ လိုက်ပို့တယ်။ ဥပမာဆိုပါစို့ လမ်းမကြီးပေါ်အထိ လိုက်ပို့ပြီးတော့ အဲဒီကနေ နောက်ထပ် သုံးမိုင်၊ နှစ်မိုင်လောက်သွားတဲ့နေရာကြတော့ ခလေးမလေးတွေက အချိန်မတော် လမ်းလျှောက်ရတာမျိုးတွေ ရှိပါတယ်။

ဦးကျော်ဇံသာ ။ ။ အလုပ်သမားတွေကို စက်ရုံးမှာ အစားအစာကျွေးပါသလား။ ထမင်းတို့ဘာတို့။

ကိုသူရိန်ဇော် ။ ။ နောက်ပိုင်းမှာ အဲဒီလို အစားအစာကျွေးတာရှိတယ်။ ရှိတာကလည်း သူတို့က ပိုက်ဆံနဲ့ကျွေးတာဖြစ်တယ်။ ထမင်းကို လစာပေးစားတာ ဖြစ်ပြီး အနည်းအကျဉ်းအားဖြင့် ထမင်းစရိတ်အနေနဲ့ သက်သာတယ်ဆိုပေမယ့် စားရတာကတော့ အရမ်းကို ဒုက္ခရောက်ပါတယ်။

ဦးကျော်ဇံသာ ။ ။ အလုပ်သမားတွေနေတဲ့ အိမ်တွေ၊ နေထိုင်တဲ့အိမ်တွေ များသောအားဖြင့် ငှားနေကြတာလား။

ကိုသူရိန်ဇော် ။ ။ စက်မှုဇုံနဲ့ နီးတဲ့နေရာတွေမှာ အများအားဖြင့် ငှားနေကြတာပါ။

ဦးကျော်ဇံသာ ။ ။ ငှားရမ်းခ၊ အိမ်ငှားခဆိုရင် ဘယ်လောက်ရှိမလဲ။ သူတို့ဝင်ငွေရတာနဲ့ တွက်ကြည့်ချင်လို့ပါ။

ကိုသူရိန်ဇော် ။ ။ နှစ်သောင်းကျော်မှာ ရှိပါတယ်။

ဦးကျော်ဇံသာ ။ ။ ငါးသောင်းလောက်ရရင် နှစ်သောင်းကျော်လောက်က အိမ်ငှားခနဲ့ သွားပြီပေါ့။ သူတို့မိသားစု စားဝတ်နေရေးအတွက် ဆီဆန်ဆား အခြေခံ - ကလေးတယောက်ရှိတဲ့ မိသားစုနဲ့ တွက်ကြည့်ကြပါစို့။ အခြေခံ စားသောက်ကုန်အတွက် ဘယ်လောက်လောက် ကုန်မယ်လို့ ခန့်မှန်းပါသလဲ။

ကိုသူရိန်ဇော် ။ ။ များသောအားဖြင့် အခု ဆင်းနေတာတွေက လူငယ်တွေများတယ်။ လူကြီးတွေကို မခန့်တာလည်းပါတယ်။

ဦးကျော်ဇံသာ ။ ။ ဘာဖြစ်လို့ မခန့်ချင်တာလဲ။

ကိုသူရိန်ဇော် ။ ။ ကျနော်ထင်ပါတယ်။ အခု အလုပ်ခန့်တာကိုက တခါတလေကြရင် ကျနော်ကြုံနေရတဲ့ အနေအထားရဆိုရင် မိန်းခလေးတယောက်က သုံးနှစ်လောက် အလုပ်လုပ်ပြီးရင် အကြိမ်ပေါင်းများစွာဖြစ်တယ် - ရုတ်တရက် လဲကျသွားတာတို့။ ဘာဖြစ်လို့ ဖြစ်တာလဲဆိုရင် အမျိုးသမီးနဲ့ ပတ်သက်တဲ့ ရောဂါဖြစ်လာတယ်။ ဘယ်ကဖြစ်လဲဆိုရင် အားနည်းတာကနေဖြစ်တယ်။ အရမ်းပင်ပန်းတယ်၊ အစာရေစာမဝဘူး။ အဲဒီလို အနေအထားကြောင့် အဲဒီလို ရောဂါမျိုးတွေ ရပြီးတော့ ရုတ်တရက် လဲကျသွားပြီးတော့ ဆေးရုံဆေးခန်း ပို့ရတာမျိုးတွေ မကြာခဏ တွေ့ရပါတယ်။ ဘာကြောင့်လဲဆိုတော့ အလုပ်အရမ်း ပင်ပန်းလို့။ သွက်သွက်လက်လက် လုပ်နိုင်တဲ့ လူငယ်တွေကို သူတို့ ပိုသဘောကျတဲ့ အနေအထားရှိပါတယ်။

ဦးကျော်ဇံသာ ။ ။ အဲဒီလို စက်ရုံထဲမှာ လဲကျသွားတယ်ဆိုရင် ဆေးဝါးကုသမှုကို အစိုးရက တာဝန်ယူကုပေးပါသလား၊ အလုပ်ရှင်က ကုပေးပါသလား။

ကိုသူရိန်ဇော် ။ ။ အများအားဖြင့်တော့ သူတို့က ယေဘုယျ ပြောလိုက်တာကတော့ ဆေးရုံသွား၊ ဆေးခန်းသွားပေါ့။ အဲဒီလိုမျိုး ပြောလိုက်တာမျိုးပဲ ရှိပြီးတော့ တကယ်တော့ ဖိဖိစီးစီး မရှိဘူး။

ဦးကျော်ဇံသာ ။ ။ ဆေးရုံးသွား၊ ဆေးခန်းသွား ပြောလိုက်ပြီးရင် သွားတယ်ဆိုပါစို့။ ကုန်ကျစရိတ်ကို ပြန်တောင်းလို့ ရပါသလား။ သူတို့ ပေးသလား။

ကိုသူရိန်ဇော် ။ ။ သာမန်အားဖြင့်တော့ မပေးတာများတယ်။ ပေးတယ်ဆိုရင်လည်း အဖြစ်လောက်ပဲပေးတယ်။ လုံလောက်အောင် မပေးဘူး။

Ref: VOA

ဘင်္ဂလာဒေခ်ျ့ နိုင်ငံသား ၂ ဦး ဆော်ဒီတွင် ခေါင်းဖြတ် ကွပ်မျက်ခံရ

ဘင်္ဂလာဒေခ်ျ့နိုင်ငံသား ၈ ဦး ခေါင်းဖြတ် ကွပ်မျက်ခံရပြီး (၇) လအကြာတွင် နောက်ထပ် ဘင်္ဂလီ ၂ ဦးကို ဆော်ဒီ အာရေဗီးယားတွင် မေလ ၁ ရက်နေ့က လူသတ်မူနှင့် ခိုးမူကြောင့် ခေါင်းဖြတ် ကွပ်မျက်ခဲ့သည်ဟု သိရသည်။

ခေါင်းဖြတ် ကွပ်မျက်ခံရသူ ဘင်္ဂလာဒေခ်ျ့ နိုင်ငံသား အလုပ်သမား (၂) ဦးမှာ Najoum Md Amin abdul sharif နှင့် Abdul Majid Abu Bakr Manza တို့ဖြစ်ကြသည်။

သူတို့ နှစ်ဦးအား တစ်နိုင်ငံတည်းသား လုပ်ဖေါ်ကိုင်ဘက် တစ်ဦးကို သတ်ဖြတ်ပြီး ငွေနှင့် မိုဘိုင်း တယ်လီဖုံးကို ခိုးယူမူကြောင့် ဆော်ဒီ အာရေဗီးယားနိုင်ငံ Jazan ဒေသတွင် ခေါင်းဖြတ် ကွပ်မျက်ကာ ပြစ်ဒဏ်ပေးလိုက်ခြင်း ဖြစ်ကြောင်း Saudi Press Agency (SPA) က ပြည်ထဲရေး ဌာနကို ကိုးကားပြီး သတင်း ရေးသား ဖေါ်ပြသည်။

ဘင်္ဂလာဒေခ်ျ့ နိုင်ငံသား ၂ ဦးကို လူမြင်ကွင်း ကွပ်မျက်ပြီးနောက် ဆော်ဒီ ပြည်ထဲရေး ၀န်ကြီးဌာနမှ လည်း သတင်း ထုတ်ပြန်ခဲ့သည်ဟု ဆိုသည်။

ဘင်္ဂလာဒေခ်ျ့ နိုင်ငံသား ၂ ဦးကို ကွပ်မျက်ရန် ဆော်ဒီ တရားရုံးချုပ်မှ အတည်ပြုကာ ဘုရင် အုပ်ချုပ်ရေး အဖွဲ့မှ အမိန့်ထုတ်ခဲ့ကြောင်း သိရသည်။

လွန်ခဲ့သောနှစ် အောက်တိုဘာလ ၇ ရက်နေ့ကလည်း ဘင်္ဂလာဒေခ်ျ့နိုင်ငံသား (၈) ဦးကို အီဂျစ်နိုင်ငံသား အစောင့် တစ်ဦးကို ဓါးပြတိုက်ပြီး သတ်ဖြတ်ပစ်မူဖြင့် ဆော်ဒီနိုင်ငံ ရီယဒ်မြို့တွင် ခေါင်းဖြတ်သတ်ကာ ပြစ်ဒဏ်စီရင်ခဲ့သည်။

ဘင်္ဂလာဒေခ်ျ့ အစိုးရမှ အဆိုပါ ဘင်္ဂလာဒေခ်ျ့ နိုင်ငံသားများကို ခေါင်းဖြတ်သတ်ခြင်းမှ ချမ်းသာ ပေးရန် မေတ္တာရပ်ခံခဲ့သော်လည်း တစ်စုံတစ်ရာ အကြောင်းပြန်ကြားမူ မရှိဘဲ ခေါင်းဖြတ်ကာ ကွပ်မျက် ပစ်ခဲ့သည်။

Ref: နိရဉ္စရာ

အဆင့်မီ ကားဝပ်ရှော့များနှင့် အပိုပစ္စည်းဈေးကွက် လိုအပ်ချက်ကြီးမား

ကားဟောင်းလဲလှယ်ရေး အစီအစဉ်နှင့် သင်္ဘောသားများနှင့် နိုင်ငံရပ်ခြား အလုပ်သမားများ အတွက် ကားသစ်တင်သွင်းခွင့် အစီအစဉ်များကြောင့် တင်သွင်းလာသော ကားသစ်များကို ပြုပြင် ထိန်းသိမ်းမှုများ ပြုလုပ်ရန် အဆင့်မီ ကားဝပ်ရှော့များ၊ ကားပြင်ကျွမ်းကျင်သူများနှင့် ကားအပိုပစ္စည်း ဈေးကွက် အလွန်အမင်း လိုအပ်ချက်ရှိနေကြောင်း ကားသစ်တင်သွင်းသူများနှင့် ကားဝပ်ရှော့ ပိုင်ရှင်များက ဆိုသည်။

တင်သွင်းလာသော ကားများကို ပြုပြင်ထိန်းသိမ်းနိုင်သည့် ကားဝပ်ရှော့များမှာ ရန်ကုန်မြို့တွင်အလွန်နည်း ပါးလျက်ရှိပြီး ကားဝပ်ရှော့ ဆယ်ခုလျှင် တခုတွင်ပင် ပြုပြင်နိုင်ဖို့ရန် ခက်ခဲလျက် ရှိနေကြောင်း ကားသစ် တင်သွင်းလာသူများက ဆိုသည်။

“တင်သွင်းလာတဲ့ ကားတွေထဲမှာ ၂ဝဝ၂ ခုနှစ် နောက်ပိုင်း မော်ဒယ်ကားတွေကစပြီး အားလုံးလိုလိုမှာ ကားတစီးလုံး အတွက် ကွန်ပျူတာစနစ်နဲ့ ထိန်းချုပ်ထားတဲ့ Overall Diagonisis System တပ်ဆင်ထား တဲ့အတွက် ကားတွေကို ပြုပြင်ထိန်းသိမ်းဖို့ အဆင့်မီ စမ်းသပ်ကိရိယာတွေ လိုအပ်တဲ့အပြင်ပြုပြင်ထိန်း သိမ်းဖို့အတွက် ကျွမ်းကျင်တဲ့ ကားဝပ်ရှော့တွေ ရန်ကုန်မြို့မှာ ရှားပါးနေပါတယ်” ဟု ကားတင်သွင်းလုပ်ငန်း လုပ်ကိုင်သူ ဦးအောင်မြင်မိုး က ပြောသည်။

တင်သွင်းလာသော ကားများတွင် ဆိပ်ကမ်းသို့ ဆိုက်ရောက်စဉ်ကပင် စက်နိုးရန်နှင့် မောင်းနှင်ရန် အခက်အခဲများနှင့် အထူးသဖြင့် လျှပ်စစ်ပိုင်းဆိုင်ရာ ပြဿနာများ အဖြစ်များကြောင်း သင်္ကန်းကျွန်းမြို့နယ် လေးထောင့်ကန် လမ်းမကြီးပေါ်ရှိ ကိုရာဂျာ ကားဝပ်ရှော့ဆိုင်မှ စက်ပြင်ဆရာ ကိုအငယ်လေး က ဆိုသည်။

“ဆိပ်ကမ်း ရောက်လာတဲ့ ကားအတော်များများမှာ ဘက်ထရီ ပြဿနာကြောင့် စက်နိုးလို့ မရတာတွေ၊ စက်နိုးလို့ ရရင်လည်း လီဗာနင်းပြီး မောင်းလို့မရတဲ့ ပြဿနာတွေ ရှိပါတယ်။ တချို့ကလည်း တံခါး အဖွင့်အပိတ် ပါဝါဝင်းဒိုး မရတာတွေလည်း ရှိပါတယ်” ဟု ပြောသည်။

ထို့ပြင် “ဂျပန်မှာ ကားပိုင်ရှင်အများစုက သူတို့ကားတွေကို တခုခု ပြုပြင်ဖို့ လိုလာတဲ့အခါမှာ အလုပ်ရှုပ်မခံ ချင်တော့လို့ ထုတ်ရောင်းတဲ့သူတွေများပါတယ်။ ဒါကြောင့် ကျနော်တို့နိုင်ငံက တပတ်ရစ်ကားတင်သွင်းသူ တွေ အနေနဲ့ တင်သွင်း လာတဲ့ကားတွေ ဆိပ်ကမ်းကနေ ချချချင်း ကားဝပ်ရှော့တွေမှာ စစ်ဆေးဖို့ လိုပါတယ်” ဟု ဦးအောင်မြင်မိုး က ဆိုသည်။

ထိုသို့ ကားပြင်ရန် ကျွမ်းကျင်သူများ ရှားပါးသကဲ့သို့ လိုအပ်သော အပိုပစ္စည်းများမှာလည်း ရှားပါးလျက်ရှိပြီး ပြည်တွင်းဈေးကွက် လိုအပ်ချက်ကို ကားအပိုပစ္စည်း တင်သွင်းသူများ ဖြည့်ဆည်းနိုင်ခြင်း မရှိသေးဟုလည်း ၎င်းက ဆိုသည်။

“တင်သွင်းလာတဲ့ ကားတွေထဲမှာ တိုယိုတာ ကုမ္ပဏီထုတ် ၂ဝဝ၂ မော်ဒယ် ရွှေငါးနဲ့ ဟာရီရာ ကားအမျိုး အစားတွေ အတွက်ပဲ ကားအပို ပစ္စည်းတွေ ရန်ကုန်မှာ ရနိုင်သေးတာပါ။ တိုယိုတာ ကယ်ဒီနားစက်ရုပ်ကား တွေနဲ့ မစ်ဆူဘီရှီ ပါဂျဲရိုး ဖားပြုပ်တွေအတွက် တချို့ ပစ္စည်းတွေတော့ ဝယ်လို့ရပြီး အချို့ကို နိုင်ငံခြားက တိုက်ရိုက် မှာယူနေရပါတယ်” ဟု ၎င်းက ဆိုသည်။

ပြည်တွင်းတွင် အပိုပစ္စည်း ဝယ်ယူရန် ခက်ခဲမည်ကို စိုးရိမ်ရခြင်းနှင့် ပြုပြင်ထိန်းသိမ်းရန် ခက်ခဲမည်ကို စိုးရိမ်ရခြင်း တို့ကြောင့် ကာတင်သွင်းသူအများစုသည် တိုယိုတာ မတ်တူး ရွှေငါး၊ ကာဒီးနား စက်ရုပ်၊ ပရာဒိုနှင့် မစ်ဆူဘီရှိ ပါဂျဲရိုး ဖားပြုပ်တို့ကိုသာ တင်သွင်းနေကြကြောင်း Myanmarcarsdb website မှ အမှုဆောင် အရာရှိချုပ်ဖြစ်သူ ကိုဝေယံလင်း က ဆိုသည်။

ထိုကဲ့သို့ ဈေးကွက် လိုအပ်ချက် ကြီးမားနေသဖြင့် ကားအပိုပစ္စည်းများကို တင်သွင်းခြင်းလုပ်ငန်းနှင့် အဆင့်မီ ကားဝပ်ရှော့ တည်ထောင်ရေး လုပ်ငန်း ချဲ့ထွင်လုပ်ကိုင်ရန်အတွက်ပင် အစီအစဉ်ရှိသည်ဟုလည်း ဦးအောင်မြင်မိုး က ဆိုသည်။

“ကားအပိုပစ္စည်း တင်သွင်းတဲ့ လုပ်ငန်းကလည်း အရင်းအနှီး ကြီးမားပါတယ်။ အဆင့်မီ ကားဝပ်ရှော့ ထောင်ဖို့ ဆိုတာ ကလည်း ရန်ကုန်မှာ ကျွမ်းကျင်သူတွေ ရှားပါးပါတယ်။ ကျနော်ကတော့ စင်္ကာပူကနေ ကျွမ်းကျင်ပညာ ရှင်တွေကို ရန်ကုန်ကို ခေါ်လာပြီး လုပ်ငန်းလုပ်ကိုင်ဖို့အတွက်နဲ့ ရန်ကုန်က ဝပ်ရှော့ဆရာတွေကို သင်တန်းပေး ဖို့ နည်းလမ်း ရှာနေပါတယ်။ မကြာမီ လက်တွေ့ လုပ်ကိုင်နိုင်ဖို့ မျှော်လင့်ထားပါတယ်” ဟု ၎င်းက ဆိုသည်။

တင်သွင်းလာသော ကားများတွင် ဘက်ထရီ မကောင်းခြင်း၊ ကားတွင် ပါလာသော ဓါတ်ဆီ သို့မဟုတ် ဒီဇယ်ဆီ နည်းပါးခြင်း၊ အင်ဂျင်ဝိုင်၊ ဂီယာဝိုင် ဘရိတ်ရှုးများမှအစ လဲလှယ်ပေးရန် လိုအပ်ခြင်းများ ဖြစ်တတ်ပြီး မောင်းနှင်၍ ရပါကလည်း ဆိပ်ကမ်းမှ ရောက်ရောက်ခြင်း နားလည်တတ်ကျွမ်းသော ကားဝပ်ရှော့များတွင် စစ်ဆေးရန် အကောင်းဆုံး ဖြစ်သည်ဟု ကိုရာဂျာ ကားဝပ်ရှော့ဆိုင်မှ စက်ပြင်ဆရာ ကိုအငယ်လေးက ဆိုသည်။

“၂ဝဝ၂ ခုနှစ် မော်ဒယ်နဲ့အထက် ကားတွေမှာ ကားအခြေအနေပြ Original Display ဖန်သားပြင် ပါပါတယ်။ မပါရင် လည်း ကားဝပ်ရှော့တွေမှာ Diagonisis Machines စစ်ဆေးတဲ့ ကိရိယာတွေနဲ့ စစ်ဆေးလို့ ရပါတယ်။ ဖန်သားပြင် ပါတယ်ဆို ကားမှာ တခုခု ချွတ်ယွင်းချက်ရှိရင် အချက်ပေးသံ မြည်တာတို့၊ မီးလင်းနေတာတို့ ရှိတတ်ပါတယ်။ ဒါဆိုရင် ချက်ချင်း ပြင်ဖို့ လိုအပ်ပါတယ်” ဟု ၎င်းက ဆိုသည်။

ကားပိုင်ရှင်အချို့သည် ကားတွင် တပ်ဆင်ထားသော ကွန်ပျူတာ စနစ်သုံး ကားအခြေအနေပြ ဖန်သားပြင်မှ အချက်ပြမှု များကို ဂရုမပြုဘဲ ဆက်လက်မောင်းနှင်မှုများကြောင့် အချို့မှာ လမ်းပေါ်တွင်ပင် အခက်အခဲများ တွေ့ကြုံရတတ် သည်ဟု ၎င်းက ဆိုသည်။

“ကားမှာ တပ်ထားတဲ့ Computerized Car Condition Control System ကနေ ကားမှာ ရှိတဲ့ အဲကွန်း၊ ရေဒီယို၊ တီဗွီ၊ ဒီဗွီဒီ၊ ဂျီပီအက်စ်စံနစ်တွေကအစ ဘရိတ်ရှုး၊ ဆီပန့်၊ မီးလုံး၊ ဘက်ထရီ၊ ဘီးတာရာ အစိတ်အပိုင်း အားလုံးနီးပါးကို ထိန်းညှိထားတာပါ။ တခုခု ချွတ်ယွင်းနေမယ် ဆိုရင် အချက်ပြပါလိမ့်မယ်။ ဒါဆိုရင် ကားဝပ်ရှော့ တခုခုဆီသွားပြီး စစ်ဆေးပြုပြင်သင့်ပါတယ်” ဟု ၎င်းက ဆိုသည်။

“ကားဝပ်ရှော့ကို မသွားဘဲ လမ်းမှာပဲ ဆက်မောင်းနေမယ်ဆိုရင် မောင်းနေရင်း အရှိန်နှေးသွားတာတို့၊ လီဗာ နင်းမရတာတို့နဲ့ နောက်ဆုံး ထိုးရပ်သွားတာထိ ဖြစ်တတ်ပါတယ်” ဟု ၎င်းက ဆိုသည်။

ထိုကဲ့သို့ ကွန်ပျူတာ စနစ်သုံး ကားများကို ပြင်ဆင်ရာတွင်လည်း ဘက်ထရီလဲခြင်း၊ အင်ဂျင်ဝိုင်လဲခြင်း၊ ဆီစစ် ကိရိယာလဲခြင်း သော့အပို ပြုလုပ်ခြင်းတို့ကိုလည်း ကွန်ပျူတာ အီလက်ထရောနစ် စနစ်များဖြင့် ထိန်းချုပ်ထားသဖြင့် နားလည်တတ်ကျွမ်းသည့် ကားဝပ်ရှော့များတွင်သာ ပြုလုပ်သင့်သည် ဟုဆိုသည်။

“တခုခု လဲတော့မယ် ဆိုရင် ကားထဲမှာရှိတဲ့ ကွန်ပျူတာစနစ်ထဲကို ပြန်သွင်းပေးရပါတယ်။ တချို့ ကားဝပ်ရှော့တွေမှာ ဘက်ထရီကို အလွယ်တကူ လဲလိုက်လို့ ကွန်ပျူတာ စနစ်ရပ်သွားပြီး ကွန်ပျူတာကို restart ပြန်နှိုးပေးရပါတယ်။ ဘက်ထရီဖြုတ်ရာမှာလည်း အနုတ်ဖက်က မဖြုတ်ဘဲ အပေါင်းဖက်ကနေ အရင်ဖြုတ်ရင် လျှပ်စစ်ဆက်စီးနေပြီး ရှော့ဖြစ်တတ်ပါတယ်” ဟု ဆိုသည်။

ကားပိုင်ရှင်များသည် မိမိတို့ကားများရှိ ကွန်ပျူတာစနစ်များတွင် အသုံးပြုသော ဆော့ဒ်ဝဲများ ထည့်သွင်း ထားသည့် ဒီဗွီဒီချပ်များ ပါမပါ စစ်ဆေးကြည့်ရှု့သင့်ပြီး မပါပါက အမျိုးအစားတူ အခြားကားများမှ ခွေများကို ကြိုတင်ကူးယူထားမှ သာ ကွန်ပျူတာ ပြဿနာ တရပ်ရပ်ပေါ်လာပါက ပြန်လည်ထည့်သွင်း အသုံးပြုနိုင်မည် ဖြစ်သည်။

Ref: မဇ္ဈိမ

ကုလားချွဲ လာချွဲမနေနဲ့ ရိုဟင်ဂျာ မြန်မာမှာ မရှိ၊ ပိန်းပိန်းပိတ်မရှိ နတ္ထိ

ကုလားချွဲ လာချွဲမနေနဲ့ ရိုဟင်ဂျာ မြန်မာမှာ မရှိ၊ ပိန်းပိန်းပိတ်မရှိ နတ္ထိ

ရိုဟင်ဂျာဆိုတာ အရှင်းဆုံးပြောရရင် အိမ်နီးခြင်းနိုင်ငံကနေ အဓိကအားဖြင့် ၁၈၂၄-၂၆ ပထမအင်္ဂလိပ်မြန်မာစစ်ပွဲပြီးကတည်းက အသုတ်လိုက် ဒီလှိုင်းကြီးများပမာ ဝင်လာကြတဲ့ ခေါ်တောတွေ၊ ကုလားဒိန်တွေဖြစ်တယ်။ ခုထိလဲ ကူလီကူမာနဲ့ ဝင်နေတုန်းပဲ။ ၁၉၄၈ မတိုင်ခင်တုန်းကတော့ အိန္ဒိယတိုင်ငယ်နဲ့ ကိုလိုနီတစ်ဦးထဲကအုပ်ချုပ်တာဆိုတော့ နိုင်ငံသားပြဿနာမပေါ်ဘူး။ ဒါပေမဲ့ ကျွန်တော်တို့လွတ်လပ်ရေးရပြီးကတည်းက

ဒီကုလားမျိုးစုံဟာ နိုင်ငံခြားသားတွေပဲ။ အိန္ဒိယပြည်မကြီးက ကုလားတွေကတော့ ကိုယ့်ကိုယ်ကို တန်ဖိုါ်ထားကြတယ်။ သူတို့အများစုက ဟိန္ဒူတွေ၊ အမျိုးမာနကြီးကြတယ်။ ဦးနေဝင်းတက်လာပြီး နှင်ထုတ်တော့ ကုလား ၃ ၊ ၄ သိန်းလောက် ပြန်ကုန်ကြတယ်။ နံငယ်ပိုင်းမလုံ့တစလုံနဲ့လာတဲ့ ခေါ်တောတို့ ကုလားဒိန်တို့ကတော့ အကြံကြီးကြီးနဲ့ ကုတ်နဲ့ကော်တောင် မပြန်ဘူးကွဆိုပြီး ဇွတ်ပေနေခဲ့တယ်။ တချို့လဲ ပြန်ချင်ပုံတော့ ပေါက်မှာပါ။ ဒါပေမဲ့ ဆရာကြီးများ ပညာတတ်များက ဆင်ကြံကြံနေကြတာဆိုတော့ ဟိန်းဟောက်ပြီး ဆွဲထားပုံပေါက်ပါတယ်။ တကယ်တော့ဗျာ၊ ဘင်္ဂါလီတွေ သွေးတူမွှေးတာ စကားလဲတူ ယဉ်ကျေးမှုလဲတူတာပဲဗျာ ပြန်ချင်ကြမှာပါ။

ဒီ ရိုဟင်ဂျာဆိုတဲ့နာမည်ကို ၁၉၅၁ခုနှစ်ထုတ် ဂါးဒီယန်းသတင်းစာပါ ဆောင်းပါးတစ်ပုဒ်မှာ စပြီးသုံးတယ်၊ ဒီနာမည်ကို မူဂျာဟစ်သူပုန်ခေါင်းဆောင်တွေနဲ့ အလံနီကွန်မျူနစ်ပါတီသခင်စိုးတို့ ပူးပေါင်းပြီး ထွင်ခဲ့တယ်လို့ သမိုင်းဆရာတချို့ကဆိုပါတယ်။ရခိုင်သုတေသီနဲ့ လူအချို့ကတော့ ရိုဟင်ဂျာဆိုတာ စစ်တပ်ဂေါင်းဘင်္ဂါလီတွေက ရခိုင်သားတွေကို ခေါ်တဲ့နာမည်ဖြစ်တယ်လို့လဲ ပြောကြပါတယ်။

ကျနော့်အမြင်ကိုပြောရရင် ဒီကိစ္စဒီလောက်ခက်ခဲသွားတာဟာ လွတ်လပ်ရေးပြီး ပါလီမန်ခေတ် မြန်မာပြည်ရဲ့ ပထမဆုံးဝန်ကြီးချုပ်နဲ့ နောက်ဆုံးဝန်ကြီးချုပ်ဖြစ်တဲ့ ဦးနုရဲ့ မဲလိုချင်မှုလောဘဇောကြောင့် ဒီခေါ်တောတွေကို တိုင်းရင်းသားအဆင့်ပေး၊ မြန်မာ့အသံက တိုင်းရင်းသားအစီအစဉ်ထဲ ရိုဟင်ဂျာဘာသာဆိုပြီးထည့်ပေးခဲ့တာတွေကြောင့် ဒီလောက်တောင် ပြောဆိုငြင်းခုံနေရတာ ဖြစ်ပါတယ်။ ဦးနုအမြဲပြောတတ်တဲ့စကားကတော့ သူ့နှလုံးသားဟာ သူ့ဥဏှောက်ထက်ကြီးတဲ့အတွက် စိတ်လိုက်မာန်ပါတွေ လုပ်မိတယ်၊ အမှားတွေ လုပ်မိတယ်လို့ဆိုပါတယ်။ ကျနော် သူ့ကို သုံးသပ်ရမယ်ဆိုရင်တော့ ဒီကိစ္စမှာ သူ့သဘောနဲ့သူ တိုင်းပြည်ကို ရောင်းစားသွားတာ၊ သူ (ဟန်ဆောင်ပန်ဆောင်ပဲထင်ပါတယ်) ပြန့်ပွားစေချင်တယ်၊ ကာကွယ်စောင့်ရှောက်ရမယ်လို့ ပြောတဲ့ မြတ်ဗုဒ္ဓရဲ့သာသနာကို အထိရောက်ဆုံး တိမ်ကော ပျက်စီးသွားအောင်၊ မူဆလင်ဘာသာက နောက်ဆုံးမှာ ရာစုနှစ်တစ်ခုမတိုင်ခင်မှာ လွှမ်းမိုးသွားအောင် လမ်းခင်းပေးလိုက်တာဖြစ်ပါတယ်။

ဦးနေဝင်းကို ကျနော် ချီးပချင်လို့မဟုတ်ပါဘူး။ ဦးနု အာဏာရူးရူးပြီး လက်လွတ်စပယ်လုပ်သွားတာကို ဘီလူးဆိုင်းတီးပြီး လူကြမ်းထွက်လုပ်ပြီး ပြင်ဖို့ကြိုးစားတာဟာ ဦးနေဝင်းပါပဲ။ ဒါပေမဲ့ ပြတ်အောင်မလုပ်နိုင်ခဲ့တဲ့အပြင် သူ့ကိုဆက်ခံတဲ့ ဦးသန်းရွှေတို့လဲ လက်သံမပြောင်တဲ့အတွက် ပိုဆိုးလာပါတယ်။

အခုတော့ ဒီခေါ်တောတွေက အစီအစဉ်ရှိရှိ စနစ်တကျကြိုးပမ်းကြတဲ့အတွက် နိုင်ငံတကာမှာ သူတို့စကားကပိုပြီးပေါက်နေတယ်လို့ထင်ရပါတယ်။ လူဦးရေကလဲ တိုးသထက်တိုးနေပါတယ်။ ကျနော်တို့ လူဝင်မှုကြီးကြပ်ရေးကလဲ (ဒီအထဲမှာ ရခိုင်အချို့လဲပါပါတယ်) လာဘ်ယူပြီး ခေါ်တောတွေကို ခိုးသွင်းခဲ့တာကလဲ ငြင်းမရတဲ့အချက်တွေပါ။ ပိုဆိုးတာက ရခိုင်အစွန်းရောက်သူတွေဟာ စစ်မှန်တဲ့ပြည်ထောင်စုပေါ်ပေါက်ရေးကို မြန်မာတွေ၊ တိုင်းရင်းသားတွေနဲ့ စုပေါင်းကြိုးစားရမဲ့အစား ရခိုင်ပြည်လွတ်မြောက်ရေးဆိုတဲ့ အိပ်မက်ကြီးကိုပဲ ရှေ့တန်းတင်နေတဲ့အတွက် ဒီခေါ်တောနှင်ထုတ်ရေး (တရားမဝင် ဝင်ရောက်နေထိုင်တဲ့အပြင် သားရေပေါ်အိပ် သားရေးအနားကော အတွင်းပါစားနေတဲ့အတွက်) ကို ရခိုင်ပြည်သူတွေက သောင်းသောင်းဖျဖျဦးဆောင်ပြီး ဆန္ဒဖော်ထုတ်ဖို့ တစ်ခါမှ မလုပ်နိုင်ပါဘူး။ သူများနိုင်ငံမှာတော့ မီလျံမတ်ခ်ျ (သန်းချီချီတက်ပွဲ) တွေ လုပ်ကြပေမဲ့ ကျနော်တို့ဆီမှာ ကြိုးစားတာတောင် မတွေ့ရပါဘူး။

အခုဆိုရင် ဒီခေါ်တောတွေက သူတို့ဟာ မြန်မာအစိုးရက မတရားနှိပ်စက်လို့ တကမ္ဘာလုံးမှာ တိမ်းရှောင်နေနေရပါတယ်၊ အားလုံး ၃ သန်းလောက်ရှိတယ်တို့ ၅ သန်းလောက်ရှိတယ်တို့ ပါးစပ်ထဲတွေ့သမျှပြောပြီး တစ်နေ့ သူတို့ကို တရားဝင်ခွင့်ပြုလိုက်တာနဲ့ ဘင်္ဂလားဒက်ရ်ှမှာရှိတဲ့ ခေါ်တောတွေ အကုန်သူ့ထက်ငါ ပြေးဝင်လာကြဖို့ ချောင်းနေကြပါပြီ။

ကဲ၊ ဒီရိုဟင်ဂျာလို့ လွတ်လပ်ရေးခေတ်ကျမှ ကိုယ့်ဖာသာကင်ပွန်းတပ်ထားတဲ့ ခေါ်တောတွေ မြန်မာပြည်ထဲမှာ ဘယ်လိုလုပ်ပြီး သန်းချီပွားများနေရပါသလဲ။ ပထမဆုံး အုံနဲ့ကျင်းနဲ့ဝင်လာတာကတော့အိန္ဒိယလုပ်သားများအနေနဲ့ မြန်မာပြည်ကို အောင်နိုင်လိုက်တဲ့ အင်္ဂလိပ်တွေက စပါးစိုက်ခိုင်းဖို့ တင်သွင်းခဲ့တာပါ။ စစ်ပွဲတစ်ပွဲပြီးတိုင်း နံငယ်ပိုင်းမလုံတလုံ အိန္ဒိယနိုင်ငံသားတွေ တစ်လှိုင်းပြီး တစ်လှိုင်းဝင်လာခဲ့ကြပါတယ်။ အများတကာ့အများဆုံး ဝင်တာကတော့ အင်္ဂလိပ်တွေ မြန်မာပြည်ကို ပြန်လည်အုပ်စိုးတဲ့ ဒုတိယကမ္ဘာစစ်အပြီး ကာလဖြစ်ပါတယ်။ မြန်မာခေတ်သမိုင်းပညာရှင် ပါမောက္ခ နယ်မို့တို ကေး က ဒီခေါ်တောတွေ ဝင်ရောက်ပုံကို ဧရာမ တို့ အတိုင်းအဆမရှိတို့ အလွန်အကျွံတို့ဆိုတဲ့ ဝေါဟာရတွေကို သုံးပြီးဖော်ပြခဲ့ပါတယ်။ ဒီလိုနဲ့ သူတို့ဟာ ရခိုင်လူဦးရေနဲ့ နင်းလားငါလားဖြစ်လာပါတယ်။

နောက်တစ်ခု လူတိုးပွားပုံကတော့ သူတို့ကိုးကွယ်တဲ့ဘာသာတရားအရ ယောက်ျားတစ်ယောက်ဟာ မိန်းမ ၄ ယောက်ယူနိုင်ပါတယ်။ မွေးနှုန်းထိမ်းချုပ်ရင် အလ္လာအရှင်မြတ်အမိန့်ကို ဖီဆန်တာဖြစ်လို့ ခလေးတွေ မွေးနိုင်သလောက် မွေးပါတယ်။ ကျနော် ဘူမိဗေဒအရာရှိတာဝန်ထမ်းဆောင်စဉ်က ရုံးမှာ ခေါ်တောမျိုး ဘမြိုင်ဆိုတဲ့ အသိတစ်ယောက် ရှိပါတယ်၊ မြန်မာစကားကို ကမ္မဝါဖတ်နိုင်လောက်အောင်တတ်ပါတယ်။ အင်မတန်လဲ ခင်ခင်မင်မင်နေတတ်ပါတယ်။ မောင်တောဖက်ကထင်ပါတယ်။ ဒါပေမဲ့ သူ့ကိုယ်သူ ရိုဟင်ဂျာလို့ တစ်ခွန်းတောင်မဟဘူးပါဘူး။ ဒါပေမဲ့ အသက် ၄၀ မပြည့်ခင်မှာ တရားဝင်မယား ၄ ယောက် ပြည့်နေပါပြီ၊ ကိုယ်ကြိုက်လို့ယူတာပါသလို မအေက ပေးစားလို့ယူထားတာလဲပါတယ်လို့ ရယ်ရယ်မောမောပြောတတ်ပါတယ်။

အခု ကျနော် ဘာကြောင့် ဒီခေါ်တောတွေကို ပြန်နှင်ထုတ်သင့်တယ်ဆိုတာကို ပြောပါ့မယ်။ အဓကက မရိုးသားမှုကို ရွံရှာလို့ပါ။ ဘာက မရိုးသားတာလဲ၊ ရှင်းပါတယ်၊ သူတို့ဟာ နဂိုက အိန္ဒိယနိုင်ငံသား၊ ၁၉၄၇ ခုနှစ် အိန္ဒိယလွတ်လပ်ရေးရတဲ့အချိန်မှာ နဂို အိန္ဒိယတိုက်ငယ်ဟာ အိန္ဒိယနဲ့ ပါကစ္စတန်ဆိုပြီးကွဲသွားတယ်။ အခုခေါ်တောလို့လဲခေါ်တဲ့ ဘင်္ဂါလီတွေဟာ အရှေ့ပါကစ္စတန်နိုင်ငံသားတွေဖြစ်သွားတယ်။ နောက် ပါကစ္စတန်ကနေ ၁၉၇၁ မတ်လ ၂၅ ရက်နေ့ ဘင်္ဂလားဒက်ရ်ှကို ခွဲထုတ်ထူထောင်လိုက်တော့ ကျနော်တို့နိုင်ငံထဲက အခုပြဿနာလုပ်နေတဲ့ ခေါ်တောတွေဟာ ဘင်္ဂလားဒက်ရ်ှနိုင်ငံသားတွေဖြစ်သွားပြန်ပါတယ်။

ဒီ ̕ ရိုဟင်ဂျာ ̕ ဆိုတဲ့ လူမျိုးမရှိပုံကို ဘာက သက်သေထူနေသလဲဆိုတော့ အင်္ဂလိပ်တွေ ကျနော်တို့နိုင်ငံကို အုပ်စိုးစဉ်က သန်ခေါင်စာရင်း ၂ ကြိမ်ထက်မနည်းကောက်ခဲ့ပါတယ်။ အဲဒီ သန်ခေါင်စာရင်းထဲမှာ နေရလိုက်ပြီးတော့ ဒီခေါ်တောတွေကို အမည် ၂ မျိုးနဲ့ကောက်ခဲ့ပါတယ်။ တစ်မျိုးက စစ်တပ်ဂေါင်းသား၊ နောက်တစ်မျိုးက ဘင်္ဂါလီနွယ်ဖွား တဲ့။ အဲဒီ သန်ခေါင်းစာရင်းတွေကို ကိုယ်တိုင်စစ်ဆေးချင်တယ်ဆိုရင် အိန္ဒယနဲ့ အင်္ဂလန်က သမိုင်းဝင် မှတ်တမ်းမှတ်ရာ မော်ကွန်းတိုက်တွေမှာ လေ့လာ ဖတ်ရှုနိုင်ပါတယ်။

ဘူးသီးတောင်၊ မောင်တော၊ ရသေ့တောင်ဆိုတဲ့ဒေသတွေမှာ အခုဆိုရခိုင် မရှိသလောက်နည်းသွားပါပြီ။ နာမည်တွေကိုကြည့်ပါ၊ ကုလားနာမည်မဟုတ်ဘူး၊ ရခိုင်နာမည်တွေပါ။ ဘယ်လိုဖြစ်ပြီး ရခိုင်တွေနည်းပါးသွားပြီး ခေါ်တောတွေနဲ့ ဘာလို့ပြည့်နေရတာလဲ။

အကြောင်းက ဒီလိုပါ။ ဒုတိယကမ္ဘာစစ်အတွင်းတုန်းက ဗိုလ်ချုပ်တို့ဟာ ဂျပန်တွေနဲ့ပေါင်းပြီး အင်္ဂလိပ်တွေကို တိုက်ထုတ်ခဲ့တယ်။ အဲဒီတုန်းက ခေါ်တောတွေလဲ သူတို့အရှင်သခင်တွေနဲ့ ခွေးပြေးဝက်ပြေး ထွက်ပြေးခဲ့ကြတယ်ပေါ့ဗျာ။ ၁၉၄၂ ကပါ။ ဒိနောက် အရှင်သခင်တွေက ဒီဘင်္ဂါလီတွေကို လက်နက်တပ်ဆင်ပေးပြီး ဂျပန်စစ်တပ်ကို နောက်ကနေ ဝင်နှောက်ဖို့ ဗွီဖို့စ် ဆိုပြီး ဖွဲ့ပေးခဲ့ပါတယ်။ သူတို့က ပြည်တွင်းတော့ ပြန်ဝင်ပါတယ်၊ ဒါပေမဲ့ ဂျပန်ကို မတိုက်ပဲ၊ ဒေသခံ ရခိုင်တွေကို မျိုးတုန်းသတ်ဖြတ်ပွဲကြီးဆင်နွှဲတာပါပဲ။ ရခိုင်အမျိုးသမီး ပျိုပျိုအိုအိုနဲ့ အရွယ်မရောက်သူတွေကို စိတ်ရှိလက်ရှိမုဒိန်းကျင့်သတ်ဖြတ်ခဲ့တယ်၊ ဘုန်းကြီးတွေကိုလဲသတ်၊ ဘုန်းကြီးကျောင်းကော၊ ရွာတွေကိုပါမီးတင်ရှို့ခဲ့ကြပါတယ်။ ဒီလိုနဲ့ အဲဒီနယ်က ရခိုင်ရွားပေါင်း ၂၀၀ ကျော်အနက်က ရွာ ၆၀ လောက်သာ ကျန်ခဲ့ပါတယ်။ အဲဒီကနေ နောက်ကာလတွေမှာလဲ ရှိနေတဲ့ရခိုင်တွေ မနေနိုင်အောင် နည်းမျိုးစုံနဲ့တိုက်ခိုက်တဲ့အတွက် အခုလို အဲဒီဒေသမှာ ရခိုင်တွေ ရှားပါးသွားတာဖြစ်ပါတယ်။ ရခိုင်တွေက ဒါကို “ယာရှင်ကို မျောက်မောင်း” တယ်လို့ တင်စားပြောကြပါတယ်။

အခု ကျနော်တို့ တစ်ပြည်လုံးက ညီနောင်ပြည်သူများအနေနဲ့ ယာရှင်တွေ ယာတဲမှာပြန်နေနိုင်ပြီး သီးနှံစိုက်ပျိုးနိုင်အောင်ဘေးကင်းရန်ကင်းနေနိုင်အောင် ဒီမျောက်တွေကို ဝိုင်းပြီးမောင်းပေးဖို့ အချိန်ကျသထက်ကျနေပါပြီ။ ပထမ အသံနဲ့လှန့်ပြီး မောင်းကြပါ။ မရရင် သံပုံးတီးပြီး မောင်းကြပါ။ ဒါမှမရရင် ခဲနဲ့ပေါက်ပြီး မောင်းတန်ရင် မောင်းပါ။ ဒါမှမရရင် ဘာလုပ်ရမယ်ဆိုတာ ဝိုင်းဝန်းစဉ်းစားကြပါ။

(ကျနော် ဒီခေါ်တောတွေ ယုတ်ယုတ်မာမာ သူများမြေကိုလုဖို့ သူများ ဘာသာသာသနာနဲ့ လူမျိုးကိုပါ သွေးနှောဖျက်ဆီးဖို့ နာမည်သစ်တစ်ခုယူတာလို့ ခိုင်ခိုင်မာမာယုံကြည်တဲ့အတွက် သူတို့ မှည့်တဲ့နာမည် ရိုဟင်ဂျာဆိုတာကို ရှောင်လို့ရသမျှရှောင်ပြီး၊ ကျနော်တို့မြန်မာတွေနဲ့ ရင်းနှီးတဲ့ ခေါ်တောဆိုတဲ့နာမည်နဲ့ပဲ ခေါ်ဝေါ်သုံးစွဲပါတယ်)

တကယ်လို့များ အဲဒီခေတ်က အင်္ဂလိပ်အစိုးရရဲ့ မှတ်တမ်းမှတ်ရာတွေထဲမှာ ရိုဟင်ဂျာဆိုတဲ့ လူမျိုးရှိခဲ့လျှင် သူတို့ကို တိုင်းရင်းသားပြုပေးဖို့ဆိုတာကို သဘောမတူပေမဲ့ အကန့်အသတ်နဲ့ နိုင်ငံသားပြုပေးမှာကိုတော့သဘောတူပါတယ်။ ဒါပေမဲ့ သန်းနဲ့ချီပြီးမပြောနဲ့ ထောင်ဂဏန်း သောင်းဂဏန်းထက်ပိုပြီးတော့တော့ ပြုမပေးသင့်ပါဘူး။

နောက်တစ်ချက်က သူတို့ပညာရှင်တွေထဲကနေပြီး ဝါဒဖြန့်တဲ့အထဲမှာ ခေါ်တောတွေ ကုလားဒိန်တွေဟာ ရခိုင်တွေမြန်မာတွေထက် စောပြီးအခြေချနေထိုင်သူတွေဖြစ်သတဲ့၊ နောက်မှရောက်လာတဲ့ ရခိုင်တွေ မြန်မာတွေက တွန်းထုတ်လို့ သူတို့ကအစွန်အဖျား ရောက်သွားတာတဲ့ဗျာ။

ကဲ၊ အဲဒီခေတ် လွန်ခဲ့တဲ့ နှစ်ပေါင်း ၂၅၀၀ နဲ့ ၂၀၀ စပ်ကြား ထွန်းကားခဲ့တဲ့ မော်ကွန်းထိုးလေ့ရှိတဲ့ ခေါ်တောကျောက်စာတစ်ချပ်၊ ကုလားဒိန်ဒင်္ဂါးတစ်ပြားလောက်များ ပြနိုင်ရင် ကျုပ်တို့တောင် နေရာဖယ်ပေးလိုက်ချင်ပါတယ်။

သူများနိုင်ငံတွေကို ကျူးကျော်သိမ်းပိုက်ပြီး တည်ထားလိုက်တဲ့ ပလီတွေ ဟိန်းနေသမှုတ်လား။ ဘယ်မှာလဲဗျာ၊ သားသားနားနား ခေါ်တောပလီ။ အဲဒါတွေ သက်သေထူနိုင်ရင် ဟုတ်ပြီ ပင်မတိုင်းရင်းသားအဖြစ် ဘိဿိတ်ခံပေတော့။
အစိုးရကော တစီစီနဲ့ ဒီမိုကရေစီ အရမ်းစီချင်နေတဲ့ မနေ့တစ်နေ့ကမှ နိုင်ငံရေးသမားဖြစ်လာတဲ့သူတွေကိုကော ဒီနေရာကနေပြီးတော့ သတိပေးလိုက်ပါတယ်။ ခေါ်တောအရေးကို ပေါ့သေးသေးသွားမကိုင်ပါနဲ့၊ ဘယ်လို မြန်မာတွေထဲ သွတ်သွင်းရမလဲလို့ ယောင်တောင်တောင်ကြောင်တောင်တောင်သွားမစဉ်းစားပါနဲ့၊ တကယ်စဉ်းစားရမှာ လုပ်ရမှာက ဒီခေါ်တောတွေကို သူတို့နေရပ်ရင်းကို ဘယ်လိုပြန်အောင်လုပ်ကြမလဲ၊ တစ်ပြိုင်နက်ထဲမှာ နေရာသိပ်ကျယ်ဝန်းပြီး လူသားသိပ်ဆန်ပြချင်တဲ့နိုင်ငံတွေက လွှဲပြောင်းရယူချင်ပါတယ်ဆိုရင် အမြန်ထည့်ပေးလိုက်ဖို့ပါပဲ။

အစိုးရနဲ့နိုင်ငံရေးသမားတွေကို သတိပေးပြီးတဲ့နောက် ကျုပ်တို့ပြည်သူအချင်းချင်းကိုလဲ သတိပေးရဦးမယ်။ ကိုယ့်လူတို့ရေ လှေခွက်ချည်းကျန် အလှံမလှဲစတမ်း မောင်းထုတ်ဖို့တာဝန်ဟာ ကျုပ်တို့အားလုံးအတွက် အမျိုးသားရေးတာဝန်ဆိုတာ လူတိုင်းနားလည်ဖို့နဲ့ အချိန်ပြည့်သတိရနေဖို့ ဆော်သြလိုက်ရပါတယ်ဗျား။