ဒီကနေ့ စက်တင်ဘာလ ၃၀ ရက်နေ့မှာ စီတန်းလှည့်လည်ခွင့်ရရှိဖို့အတွက် ပြီးခဲ့တဲ့ စက်တင်ဘာလ ၂၆ ရက်နေ့က စတင်လျှောက်ထားခဲ့ပြီး မြို့နယ်ရဲစခန်းက ပုဒ်မ-၁၄၄ ညမထွက်ရ အမိန့်ကို အကြောင်းပြကာ အဲဒီနေ့မှာပဲ ပယ်ချခဲ့တယ်လို့ သိရပါတယ်။
၂၇ ရက်နေ့မှာ ပြည်နယ်ရဲစခန်းမှူးဆီကို ဆက်လက် အယူခံ ဝင်ရောက်ခဲ့ ရာမှာလည်း မနေ့ကနေ့လည်ပိုင်းက အမျိုးသမီးတွေကို အဲသည်လိုခေါ်ယူတွေ့ဆုံပြီး အချိန် ၂ ပတ်ဆိုင်းငံ့ကာ ကန့်သတ်မှုတွေပြုလုပ်လိုက်တာ
ဖြစ်တယ်လို့ ဦးဆောင်သူအမျိုးသမီးတစ်ဦးဖြစ်တဲ့ ဒေါ်ညိုအေးက RFA ကိုပြောပါတယ်။
"အဲဒီကိစ္စနဲ့ ပတ်သက်ပြီး ကျွန်မတို့ဘက်က နည်းနည်းလေး ကသိကအောင့်ဖြစ်တာပေါ့လေ။ အမှန်တကယ်က ကျွန်မတို့က ငြိမ်းချမ်းစွာ စီတန်းလှည့်လည်ခွင့်ကို ကျွန်မတို့မှာ ဒီကဥပဒေပိုင်းဆိုင်ရာ အကုန်လုံး မငြိဖို့အတွက် ပွင့်လင်းမြင်သာမှုရှိအောင် လုပ်လိုက်တာ။ အဲဒီ ၂ ပတ် အတွင်းမှာ သူတို့က ဘယ်နေ့မဆိုသူတို့က အကြောင်းပြန်နိုင်တယ်ပေါ့နော်။ ကျွန်မတို့မှာ အချက်အလက်တွေအားလုံးဟာ ပြည်ထောင်စုပြိုကွဲရေးမူ တစ်ခုမှမပါဘူး"
အာဏာပိုင်တွေဆီကို လျှောက်ထားတဲ့ အချက်တွေထဲမှာ ရခိုင်ပြည်နယ်ငြိမ်းချမ်းရေး အတွက် ၁၉၈၂ မြန်မာနိုင်ငံသားဥပဒေကို လိုက်နာလေးစားပါ၊ မြန်မာ့ပြည်တွင်းရေးကို OIC ဝင်မစွက်နဲ့၊ မြန်မာပြည်မှာ ဘယ်အချိန်ကမှ ရိုဟင်ဂျာမရှိ၊ မြန်မာ့အမျိုးသမီးများဘဝ လှပလုံခြုံမှုရှိပါစေ စတဲ့ စတန်းတွေပါဝင်တဲ့ စာတန်း ၈ ခုထဲက တစ်ချို့ကိုလည်း အာဏာပိုင်တွေ ဘက်က ပြန်လည်ပြင်ဆင်လျှောက်ထား ဖို့ပြောဆိုခဲ့တယ် လို့သိရပါတယ်။
RFA Burmese
0 comments:
Post a Comment