ကုန်းမြေချဲ့ရန် သဲအမြဲစတေ လိုအပ်နေသော မြို့ပြကျွန်းနိုင်ငံ စင်ကာပူ သဲသယ်ယာဉ်များ ထားဝယ်မြစ်ဝ အထိ ခြေဆန့်ကာ သဲလာရောက်ဝယ်ယူရန် ရှိကြောင်း သဲတင်ပို့မည့် ကျော်ကျော်ဖြိုးကုမ္ပဏီ ထံမှ သိရသည်။
မြန်မာနိုင်ငံတောင်ပိုင်းမှ ကော့သောင်းဒေသတွင် သဲတူးဖော်ဝယ်ယူနေသော စင်ကာပူသဲတင် သင်္ဘောများသည် မြောက်ဘက် မိုင်လေးရာခန့်အကွာရှိ ထားဝယ်မြစ်ဝအထိ ခရီးဆန့်လာခြင်းဖြစ်သည်။
ထားဝယ်မြစ်ကြောင်း ရှင်းလင်းရေး သောင်တူးသည်အနေဖြင့် ကျော်ကျော်ဖြိုး ကုမ္ပဏီမှ သဘောင်္ ရှစ် စင်း ဖြင့် သဲတူး၊ သဲသယ်ခြင်းလုပ်ငန်းများကို ဆောင်ရွက်နေပြီး ယခုလနောက်ဆုံးအပတ်တွင် စင်ကာပူမှ သဲဝယ်ယူမည့် သင်္ဘောရောက်ရှိမည်ဖြစ်ကြောင်း ယင်းကုမ္ပဏီ တာဝန်ရှိသူတစ်ဦးထံမှ သိရသည်။
ယင်းကုမ္ပဏီသည် ယင်းလုပ်ငန်းများကို ထားဝယ်မြစ်ဝရှိ ကျောက်နီမော်နှင့် ဆင်ဖြူပြင်ကျေးရွာအကြားတွင် လုပ်ကိုင်ခွင့်ရရှိထားပြီး လုပ်ငန်းလည်ပတ်ရန်အတွက် အကြိုလုပ်ငန်းများကို ဆောင်ရွက်နေကြောင်း ကျော်ကျော်ဖြိုး ကုမ္ပဏီမှ တာဝန်ရှိသူ တစ်ဦးက ပြောသည်။
သဲတူးယူမှုကြောင့် ကမ်းပါးပြိုမှု ပိုများလာနိုင်ပြီး ပင်လယ်ဆားငန်ရေများ လယ်ယာမြေများအတွင်း ၀င်ရောက်လာကာ လယ်ယာမြေများ မဖြစ်ထွန်းတော့မည်ကို ယင်းမြစ်ကမ်းအနီး နေထိုင်သော ဒေသခံအချို့က စိုးရိမ်လျက်ရှိသည်။
“သဲတူးယူသွားလို့ ချောင်းနက်လာရင် ကမ်းပြိုတာတွေ ပိုများလာမယ် ” ဟု ယင်းမြစ်ကမ်းအနီး တီတွတ်ပြင်ရွာမှ အသက် ၅၀ အရွယ် လယ်သမား တစ်ဦးက ၎င်း၏ အတွေ့အကြုံနှင့် နှိုင်းယှဉ်ပြောဆိုသည်။
ရာမည သောင်တူး သဘောင်္တစ်စီးသည် ပြီးခဲ့သည့် ၁၀ နှစ်ကျော်က ဆင်ဖြူပြင်ဆိပ်ကမ်းအ၀င် လမ်းကြောင်းတွင် သဘောင်္များ ၀င်ထွက်လွယ်ကူစေရေးအတွက် သောင်တူးဖော်ပြီး တူးယူရရှိသည့် သဲ၊ နှုန်းမြေများကို အိမ်ရှေ့ပြင်ကျေးရွာအနောက်ဘက်ကမ
ထားဝယ်မြို့၏ တောင်ဘက် မိုင် ၂၀ ခန့် အကွာတွင်ရှိသည့် ဆင်ဖြူပြင် ဆိပ်ကမ်းသည် ထားဝယ်ဒေသသို့ လာရောက်သော သင်္ဘောကြီးများ အဓိက ဆိုက်ကပ်ရာ နေရာတစ်ခုဖြစ်သည်။
ထိုအချိန်က သောင်တူးခဲ့ခြင်းကြောင့် တီတွတ်ပြင် ကျေးရွာ ကမ်းခြေအနီးရှိ တောင်သူများနှင့် ရေလုပ်သားများ အသုံးပြုနေသော ရေတွင်းအချို့ ဆားငန်ရေ ၀င်သွားသည့်အတွက် ပျက်စီးခဲ့ကြောင်း၊ ထားဝယ်-မြိတ်-ကော့သောင်းမြို့မျ
သောင်တူးသည့်အခါ ကမ်းပါးလျှောစောက်အား တစ်အချိုး၊ သုံး နှင့် လေး အကြားထားရှိလျှင် အကောင်းဆုံးဖြစ်ပြီး ယင်းသို့ ထားခြင်းဖြင့် ကမ်းပါးပြိုမှု နှင့် ကမ်ပါး နှင့် ကပ်ပြီး ရေစီးဆင်းမှုများကို ကာကွယ်ပေးနိုင်မည်ဖြစ်ကြောင်း တနင်္သာရီတိုင်း ဒေသကြီး ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှုး ဦးဝင်းအောင်က ရှင်းပြသည်။
“ကမ်းပါးစောက်ရင် ကမ်းပြိုမှုဖြစ်နိုင်တယ်။ ကမ်းပါးရေကပ် စီးရင် ကမ်းပြိုမှု ဖြစ်နိုင်တယ်” ဟု ဦးဝင်းအောင်က ဆိုသည်။
လွန်ခဲ့သည့် ၁၀နှစ်က သောင်တူးခြင်းကြောင့် ငါးစားကျက်များ ပျက်စီးခဲ့ပြီး ငပိပြုလုပ်ရန် ပုစွန်ငယ်များရှာဖွေရရှိမှုမှာ ခြောက်ပုံတစ်ပုံအထိ ကျဆင်းသွားကြောင်း တီတွတ်ပြင်ကျေးရွာမှ ရေလုပ်ငန်းရှင်တစ်ဦးဖြစ်သူ ဦးအောင်မြင့်က ရှင်းပြသည်။
ကုန်မြေတိုးချဲ့ရန် အလွန်အမင်း လိုအပ်နေသော စင်ကာပူသည် ကမ္ဘောဒီးယားနိုင်ငံမှ သဲအလွန်အမင်း ၀ယ်ယူခဲ့သောကြောင့် ဂေဟဗေဒစနစ် ပျက်စီးသည်ဟုဆိုကာ ပတ်ဝန်းကျင်ဆိုင်ရာ အဖွဲ့အစည်းများ၏ ဝေဖန်မှုကို ခံခဲ့ရဖူးသည်။
“လှေတွေလည်း သွားလို့ရအောင် ကမ်းပါးလည်း မပြိုအောင် လုပ်ပေးစေချင်တယ် ” ဟု အိမ်ရှေ့ပြင် ရပ်ကွက်မှ အသက် ၆၄ နှစ်အရွယ် ဦးစံယုက ဆိုသည်။
ထားဝယ်မြစ်ကြောင်း ရှင်းလင်းရေးမည်ဆိုသည့် အဆိုပါ စီမံကိန်းကို ပို့ဆောင်ရေး ၀န်ကြီး ဌာန၊ မြန်မာ့ ဆိပ်ကမ်း အာဏာပိုင်၊ ကျော်ကျော်ဖြိုး ကုမ္ပဏီ နှင့် စင်ကာပူနိုင်ငံက ITPM ကုမ္ပဏီတို့ ပူးပေါင်းဆောင်ရွက်ကာ အသုံးပြု၍ရမည့် သဲများကို စင်ကာပူကို တင်ပို့မည်ဖြစ်ပြီး စီမံချက်ကာလ ၅ နှစ်ဖြစ်သည်။
Dawei Watch
 |
| စင်္ကာပူမှ သဲစုတ်ရေယာဉ်များ |
0 comments:
Post a Comment