''အမေရိကန် ဧည့်က အရင် ကထက် ၅ဝ ရာခိုင်နှုန်းလောက်ကို တက်လာ တာ'' ဟု သင်္ဂဇာ ခရီးသွားလုပ်ငန်းမှ ဦးတင်ထွန်းအောင်က ပြောသည်။
ထို့အပြင် အမေရိကန်နိုင်ငံသားများကို အစ္စလာမ် နိုင်ငံအချို့သို့ ခရီး သွားလာခွင့် တားမြစ်ထား ခြင်းကြောင့် မြန်မာနိုင်ငံသို့ အမေရိကန်ဧည့် ပိုဝင်လာကြောင်း ခရီး သွားလုပ်ငန်းရှင်တစ်ဦးကလည်း ပြောသည်။
အမေရိကန် အစိုးရသည် နိုင်ငံသားများ၏ လုံခြုံရေးအတွက် ခရီးသွားခွင့် တားမြစ်ထားသည့် နိုင်ငံများ ထုတ်ပြန်လေ့ရှိကြောင်း၊ လက်ရှိတွင် မြန်မာနိုင်ငံတွင်း လုံခြုံaရး ကောင်းမွန်မှုကြောင့် ယခုနှစ် ခရီးသွားဧည့် ပိုမိုတိုးလာခြင်းဖြစ်ကြောင်း ဦးတင်ထွန်းအောင်က ပြောသည်။ အမေရိကန်သားတို့ သည် မြန်မာနိုင်ငံကို ပိုမိုစိတ်ဝင် စားလာခြင်းကလည်း အမေရိကန် ဧည့်ဝင်ရောက်မှု တိုးတက်ရာတွင် အကြောင်းရင်းတစ်ခု ဖြစ်ကြောင်း ပတ္တမြားမြေ ခရီးသွားလုပ်ငန်းမှ ဦးအေးကျော်က ပြောသည်။
''အမေရိကန်တွေက တစ် နိုင်ငံလုံးကို သွားဖို့ စိတ်ဝင်စား တယ်။ အခုဆို ကချင်ကလည်း စစ်ဖြစ်နေတယ်။ မြောက်ဦးကိုလည်း ခရီးသွားခွင့် ပိတ်ထားတဲ့အတွက် မန္တလေးတို့၊ ဟဲဟိုးတို့ကို သွားကြ တယ်'' ဟု ၄င်းက ပြောသည်။
အမေရိကန် နိုင်ငံသားများ သည် ယခင်နှစ်များစွာက မြန်မာ နိုင်ငံသို့ လာရောက်လည်ပတ်မှု နည်းပါးခဲ့သည်။ သို့သော် ၂ဝ၁၁ ခုနှစ်မှစ၍ အစိုးရသစ်၏ အပြောင်း အလဲများကြောင့် အမေရိကန်က ၄င်းတို့ နိုင်ငံသားများအား မြန်မာ နိုင်ငံသို့ ခရီးသွားလာခွင့်ကို ပြန်လည်ဖွင့်ပေး ခဲ့သည်။ ထို့ကြောင့် အမေရိကန်နိုင်ငံသားများ ၂ဝ၁၁ ခုနှစ်မှစ၍ မြန်မာနိုင်ငံသို့လာရောက် လည်ပတ်မှုပိုမိုများပြားလာကြခြင်း ဖြစ်ကြောင်းသိရသည်။
ခိုင်နွယ်ဦး-Popular Myanmar News Journal
0 comments:
Post a Comment