ပြည်တွင်းရှိ လုပ်ငန်းများလက်မှတ်ရှိနေဖို့ထက် အရည်အချင်းမီဖို့အရေးကြီး

ရန်ကုန်၊ ဒီဇင်ဘာ ၁၈
မြန်မာပြည်တွင်းရှိ လုပ်ငန်းများမှာ နိုင်ငံတကာ စံညွှန်း ၆၀ ရာခိုင်နှုန်းခန့်အထိ ပြည့်မီရန်အတွက် လက်မှတ်ရှိနေဖို့ထက်
တကယ်အရည်အချင်းမီဖို့အရေးကြီးကြောင်း Global Greatness ကုမ္ပဏီမှ မန်နေဂျင်းဒါရိုက်ဒေါ်ဖြူဖြူဝင်းမှ ယနေ့တွင်
ကျင်းပသော ISO အသိအမှတ်ပြု လက်မှတ်ပေးအပ်ပွဲအခမ်းအနားတွင် ပြောသည်။
နိုင်ငံခြားတင်ပို့ကုန် ပစ္စည်းများကို နိုင်ငံတကာမှ လိုအပ်သောစံချိန်အတိုင်း ISO လက်မှတ်ရှိထားမှသာ
ထုတ်ကုန်အရည်အသွေး တိုးတက်မည်ဖြစ်ကြောင်း သိရသည်။
Global Greatness ကုမ္ပဏီမှ မြန်မာပြည်ရှိ ကုမ္ပဏီများ၏ ကုန်ပစ္စည်းများကို ဓာတ်ခွဲစမ်းသပ်မှုများ ပြုလုပ်ပေးလျက်ရှိပြီး
နိုင်ငံတကာမှ လိုအပ်သော စံချိန်စံညွန်းများနှင့်အညီ ပြည်တွင်းရှိ ကုန်ပစ္စည်းအရည်အသွေးများကို စံချိန်မီအောင် ဓာတ်ခွဲစမ်းသပ်၍ ISO Certificate
အသိအမှတ်ပြု လက်မှတ်ထုတ်ပေးလျက်ရှိသည်။
Global Greatness မှ ISO 9001:2008, GMP, HACCP, ISO 5001:2011, ISO 13485:2003, EC Directive နှင့် ISO 17025:2005 Certificate လက်မှတ်များ
ထုတ်ပေးလျက်ရှိပြီး ကုမ္ပဏီ ၂၄ ခုနှင့် Certificate 26 ခု ထုတ်ပေးပြီးဖြစ်ကြောင်း သိရသည် KNO

2