မြန်မာပြည်ရောက် ကိုရီးယား Kia K5

Thursday, 29 November 2012

ဘယ်ကနေ ဘယ်လိုရောက်လာလည်းတော့ မသိပါဘူး ကိုရီးယား Brand ဖြစ်တဲ့ Kia ကားကတော့ မြန်မာပြည် တကယ်ရောက်ပါပြီ။ အခြား Kia မော်ဒယ်အနိမ့်ကားအနည်း ငယ်ကတော့ ပေါ်လစီပြောင်းစကတည်းက ရှိနေပါ တယ်။ေ

မ်ာဒယ်အမြင့်ဆုံးကတော့ ဒီတစ်ခါမှ တွေ့ဖူး တာ ဖြစ်ပါတယ်။

ရောက်တာမှ လတ်လတ်ဆက်ဆက်၂၀၁၁ မော်ဒယ် Kia K5 ဖြစ်ပါတယ်။ သူ့ကို Optima လို့လည်း လူသိများပါတယ်။ Optima တတိယမျိုးဆက်ဖြစ်ပြီး
လက်တလော တပ်မတော်ပြခန်းက Show Room တစ်ခုမှာ တွေ့ခဲ့
ဲ့တာ ဖြစ် ပါတယ်။ ဂျပန်က ကားလည်းမဟုတ်၊ မော်ဒယ်ကလည်း ၂၀၀၇ အထက်၊ အင်ဂျင်ပါဝါကျတော့ ၂၀၀၀ စီစီ ဆိုတော့ ဘယ်လိုလူတွေ ဝယ်စီးခွင့်ရှိသလဲလို့ ခေါင်းရှုပ်ချင်စရာပါပဲ။

အမှန်တော့ ဝယ်စီးနိုင်ပါတယ်။ Free Permit သမားတွေ ဝယ်စီးနိုင်ပါတယ်။ သို့ပေမယ့် ၁၃၀၀ စီစီထက်များစွာ လည်း ကျော်လွန်နေတဲ့အတွက် အခွန်ငွေ (ဒဏ်ငွေဆောင်ပြီး) စီးရမယ့် ကားဖြစ်ပါတယ်။ ပြခန်း မှာ မေးလာတဲ့
ဈေးနှုန်းကတော့ ပိုင်ရှင်အပြောအရ သိန်း ၆၀၀ လို့ဆိုပါတယ်။ နောက်ထပ် အခြား ကားလေလံ ဆွဲနေသူ လုပ်ငန်းရှင် တစ်ဦးကို မေးကြည့်တော့လဲ ကွဲလွဲနေပါတယ်။

အဲဒီလို မော်ဒယ်မြင့်ကားဆိုရင် အခွန်ဆောင်ရပါတယ်တဲ့။ အခွန်ငွေတောင် သိန်း ၆၀၀ လောက်ရှိတယ်လို့ ဆိုပါတယ်။ ဒါကြောင့် ကားရဲ့ တန်ဖိုးဟာ သိန်း ၁၅၀၀ ထိတောင် ရှိလာနိုင်ပါတယ်လို့ဆိုပါတယ်။

ဈေးနှုန်းတွေ ဘယ်လိုပဲပြောင်းပြောင်း မြန်မာပြည်ရောက် လာပြီဖြစ်တဲ့
အတွက် စာဖတ်သူတို့ကို မိတ်ဆက်ပေးရမှာ ColayOnline:Automobile ရဲ့  တာဝန်ဖြစ်ပါတယ်။ ဒါကြောင့် သိသလောက်၊ မှတ်သလောက် မျှဝေပါ့မယ်။

အင်ဂျင်ပါဝါ ၂၀၀၀ စီစီ၊ ၂၄၀၀၊ ၁၇၀၀ စီစီ စသည်ဖြင့် ရှိပြီး အင်ဂျင် လည်း ငါးမျိုးလောက်ကွဲနေပါသေးတယ်။ ဒီဇယ် အင်ဂျင် ဆိုရင် ၁၇၀၀စီစီ I4 U2 အင်ဂျင်ဖြစ်ပါ တယ်။ မြင်းကောင်ရေ ၁၃၄ HP ထုတ်လုပ်ပြီး ဥရောပကို ဖြန့်တဲ့ ကားဖြစ်ပါတယ်။ ဓာတ်ဆီ အင်ဂျင်မှာကျ ၂၀၀၀ စီစီ နှစ်မျိုး၊ ၂၄၀၀ စီစီ နှစ်မျိုး အရွယ်အစား ကိုယ်စီ ရှိပြီး အင်ဂျင်ပါဝါထုတ်လုပ်နိုင်မှု မြင်းကောင်ရေ ၁၆၃၊ ၁၇၈ အသီးသီးစီ ရှိကြပါတယ်။ ဆီစား ကတော့ အားလုံး တစ်ဂါလံ ၄၁ မိုင် (ဟိုင်းဝေး) ၊ ၃၄ မိုင် (မြို့ တွင်း) အကြမ်းဖျင်းတွေချည်း ဖြစ်ပါတယ်။ တာဘိုချာဂျာတပ်တဲ့ ၂၀၀၀ စီစီ မော်ဒယ်ကျ မြင်းကောင်ရေအာက ၂၇၄HP ထိ ထုတ်လုပ်နိုင်ပါတယ်။

ကားကတော့ နောက်ဆုံးပေါ် ဖြစ်တဲ့အတွက် တကယ့် နောက်ဆုံးပေါ် နည်းပညာတွေချည်း တပ်ဆင်ထားပါ တယ်။ စမတ်ကီး၊ iPod တပ်ဆင်ပြီး နားထောင်ရန် ပလက်ပေါက်၊ ဖုန်းနဲ့ ချိတ်ဆက်မယ့်Bluetooth,
နောက်ဆုံးပေါ် Audio system ကတော့ မိုက်ခရိုက်ဆော့နဲ့ ပူးပေါင်းယူထားတဲ့ UVO infotainment ဖြစ်ပါတယ်။ နောက်မှာလည်း ကွန်ပျူတာ နဲ့ထိန်းချုပ်တဲ့ ဘက်ကင်မရာပါရှိပြီး Entertainment system၊ Navigation system၊ Audio system, Safety System အားလုံးကို မိုက်ခရိုဆော့ ကွန်ပျူတာ CPU တစ်မျိုးနဲ့ ထိန်းချုပ်ပါတယ်။ စမတ်ကီး စနစ်၊ ကားကို ငြိမ့်ငြိမ့်လေးဖြစ်နေအောင် ထိန်းပေးမယ့် အီလက်ထရောနစ် Stability system (ESC), စိတ်ချရတဲ့ ABS ဘရိတ်စနစ် စတာတွေ အားလုံးပါဝင်ပါတယ်။

ထူးထူးခြားခြား Hybrid version လည်း ထုတ်လုပ်ပါသေး တယ်။
သို့ပေမယ့် Hybrid version ကို တွင်တွင် ကျယ်ကျယ်ထုတ်လုပ်မှုကတော့ ၂၀၁၂ နှောင်းပိုင်းမှ စတင်နေတာ ဖြစ်ပါတယ်။ အစီးရေ နည်းနည်းတော့
တွေ့ နိုင်ပါတယ်။

ဇိမ်ခံလွန်းကား တစ်စီးအနေနဲ့ ရှိသင့်တဲ့ အရည်အသွေး အားလုံး ပြည့်မှီပြီး ဥရောပ၊ အမေရိက ဈေးကွက်ကို Target ထားတဲ့ ကားများ ဖြစ်ပါတယ်။ ဒီတော့ မြန်မာပြည်လမ်းနဲ့ ကိုက်ပါ့မလားလို့ စဉ်းစားစရာ တွေရှိလာပါ တယ်။

မော်ဒယ်မြင့် ကားမှန်ရင်တာ့ မြန်မာပြည် လမ်းနဲ့ နှစ်ပါးသွား ရာမှာ အခက်အခဲဆိုတာကတော့ ရှိလာမှာပါပဲ။ ဘီးအောက်ခြေနိမ့်တဲ့ ပြိုင်ကားများစီးတာနဲ့စာရင် ဒီလို ခပ်မိုက်မိုက် ဆလွန်းကမှ အပျက်အဆီး သက်သာနိုင်မယ် ထင်ပါတယ်။ ဝိတ် ၃၁၁၀ ပေါင်၊ အရှည် ၁၉၀.၇ လက်မ၊ အမြင့် ၅၇.၃ လက်မ၊ အကျယ် ၇၂.၂ လက်မ အတိုင်း အတာရှိတဲ့ လေးယောက်စီး ကားဖြစ်ပါတယ်။

ကာဘွန် သတ္တုသုံး ကိုယ်ထည်ဖြစ်ပြီး အမိုးကို ဆိုလာစနစ် ထိန်းပေးမယ့် မှန်ကာဗာသုံးပါတယ်။ အတွင်း မှာ လေပူ၊လေအေး လိုသလို ထိန်းညှိပေးမယ့် အဲယားကွန်းအပြင် ထိုင်ခုံ စက်တီတွေမှာလည်း ယင်းစနစ် ပါဝင်နေပါတယ်။ ဂီယာ ၆ချက်ထိုး အော်တိုနဲ့ လက်ထိုး နှစ် မျိုးမှာ ကြိုက်နှစ်သက်ရာ ရွေးချယ်စီးနိုင်တဲ့ Kia K5 ကိုတစ်ခါခါ ဂျပန်ကားလေလံဈေးကွက်မှာ မြင်ရရင်တော့ အင်မတန် ကံကောင်းတယ်လို့ ဆိုနိုင်ပါတယ်။ တစ်ခါခါကျရင် LAMBORGHINI ကားBRAND ရှိနေတတ် ပါသေးတယ်။ KIA ဆိုတာကလည်း OTHERS ဆိုတဲ့ ကဏ္ဍလေးမှာ ရှိလာနိုင်တဲ့အတွက် လေလံဝဘ် ဆိုဒ်တွေ နေ့စဉ်ကြည့်ရှုနေရင် တွေ့နိုင်ပါတယ်။
--
http://www.colayonline.com.mm/automobile/portal.html#auction

Aung Kham (TSJ team)
TechSpace Journal

11