အပြည်ပြည်ဆိုင်ရာ အမြန်ချောပို့လုပ်ငန်းအား ပုဂ္ဂလိကသို့ လုပ်ကိုင်ခွင့်ပေးမည်

Sunday, 18 November 2012

အပြည်ပြည်ဆိုင်ရာ အမြန်ချောပို့လုပ်ငန်းအား ပြည်တွင်း၊ ပြည်ပ ကုမ္ပဏီများသို့ မှတ်ပုံတင်စနစ်ဖြင့် ၀န်ဆောင်မှုပေးသူ (Registered Service Provider) အဖြစ် ဆောင်ရွက်ခွင့်ပေးမည်ဖြစ်ပြီး ယင်းလုပ်ငန်း လုပ်ကိုင်ရန်အတွက် အဆိုပြုလွှာများ တင်သွင်းရန် ဖိတ်ခေါ်ထားကြောင်း စီမံကိန်းနှင့် လေ့ကျင့်ရေးဌာန မြန်မာ့ဆက်သွယ်ရေ

းလုပ်ငန်း နေပြည်တော် ဗဟိုစာတိုက်ကြီးမှ သိရသည်။

လက်ရှိ၌ ယင်းလုပ်ငန်းများကို ပုဂ္ဂလိကလုပ်ကိုင်ခွင့်အတွက်
လျောက်လွှာခေါ်ယူထားပြီး အဆိုပါ လျောက်လွှာခေါ်ယူမှုအတွက်
နောက်ဆုံးရက်ကို နိုဝင်ဘာလ ၃၀ ရက်နေ့အဖြစ် သတ်မှတ်ထားသည်။

''လက်ရှိ ၀န်ဆောင်မှုပေးနေတဲ့ HDL တို့၊ EMS International တို့လို အပြည်ပြည်ဆိုင်ရာ အမြန်ချော ပို့လုပ်ငန်းတွေလို ၀န်ဆောင်မှုပေးနိုင်ဖို့ တင်ဒါခေါ်တာပါ။ ကုမ္ပဏီသုံး၊ လေးခုလောက်ကို ခွင့်ပြုပေးသွားဖို့ အကြမ်းဖျင်းတော့ သတ်မှတ်ထားပါတယ်။ နှစ်စဉ်ကြေးအနေနဲ့ လတ်တလောကတော့ ဘယ်ရွေ့ဘယ်မျ သတ်မှတ်ထားတာ မရှိသေးပေမယ့် ပြည်တွင်းက ပုဂ္ဂလိကအမြန်ချောပို့ ကုမ္ပဏီသုံးခုကတော့ တစ်နှစ်ကို နှစ်စဉ်ကြေး ကျပ်သိန်းငါးရာ ပေးသွင်းရတဲ့အတွက် အဲဒီထက်တော့ နည်းလို့မရပါဘူး'' ဟု စီမံကိန်းနှင့် လေ့ကျင့်ရေးဌာန
မြန်မာ့ဆက်သွယ်ရေးလုပ်ငန်း နေပြည်တော် ဗဟိုစာတိုက်ကြီးမှ တာဝန်ရှိသူတစ်ဦးက ပြောပြခဲ့သည်။

ယင်းလုပ်ငန်းအတွက် တင်ဒါများစိစစ်ရွေးချယ်ရာတွင် ကော်မတီဖွဲ့စည်းကာ
ဆုံးဖြတ်ပေးသွားမည်ဖြစ်သည်။ အမြန်ချောပို့ လုပ်ငန်းများအပြင် အပြည်ပြည်ဆိုင်ရာ ငွေလွှဲစနစ်များကို ပုဂ္ဂလိကလုပ်ကိုင်ခွင့်အတွက်
လျောက်လွှာခေါ်ယူရန် ရှိကြောင်းလည်း ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန ဗဟိုစာတိုက်ကြီးမှ သိရှိရသည်။

Eleven Media Group