ခန္ဓာကိုယ် ဘာသာရပ်

သင့်ခန္ဓာကိုယ်မှာ တစ်ခါတလေ ဖြစ်တတ်တဲ့ အရာလေးတွေကို ဘာကြောင့် ဖြစ်ရသလဲ၊ ဘာလုပ်ပေးဖို့ လိုသလဲ၊ စိုးရိမ်ရသလား စသဖြင့် သိရှိနိုင်ဖို့ အတွက် ဖော်ပြ လိုက်ရပါတယ်။

(၁) ကြက်သီးထခြင်း

ချမ်းတဲ့ အခါပဲဖြစ်ဖြစ်၊ ကြောက်လို့ပဲ ဖြစ်ဖြစ်၊ စိတ်လှုပ်ရှားလို့ပဲ ဖြစ်ဖြစ် လက်ဖျံ၊ ခြေဖျံတွေမှာ ကြက်သီမွေးညင်းလေးတွေ ထလာတတ်ပါတယ်။ ခန္ဓာကိုယ် အမွှေးအောက်ခြေရှိ ကြွက်သားလေးတွေ ကျုံ့သွားတဲ့အခါ အရေပြားပေါ် ကြက်သီးဖုလေးတွေ အနေနဲ့ ဖြစ်လာကြပါတယ်။ အအေးဒဏ်ကို ခန္ဓာကိုယ်က တုံ့ပြန်တဲ့ နည်းတစ်မျိုးဖြစ်ပြီး အဲဒီလို ခန္ဓာကိုယ် အမွေးတွေ ထောင်လာခြင်းဖြင့် အရေပြားအပေါ် အလွှာတစ်ခု ခြုံပေးလိုက်သလို ဖြစ်ပါတယ်။

ဘာလုပ်သင့်လဲ

ကြက်သီးထခြင်းကို ထိန်းချုပ်လို့ မရသလို စိတ်ခံစားမှုကြောင့်လည်း ကြက်သီး ထတတ်ပါတယ်။ ဥပမာအားဖြင့် အရမ်းကောင်းတဲ့ သီချင်း နားထောင်မိတဲ့ အချိန်မျိုး၊ အရမ်း စိတ်လှုပ်ရှားစေနိုင်တဲ့ အကြောင်းကို နားထောင်မိတဲ့ အခါမျိုးမှာ ကြက်သီး ထမိတာမျိုးပေါ့။ နို့တိုက် မိခင်တွေမှာလည်း နို့တိုက်ရတော့မယ့် အချိန်ရောက်ရင် ကြက်သီး ထတတ်ပါတယ်။

ဘယ်အချိန်မှာ စိုးရိမ်ရသလဲ

ဖြစ်နေကျမို့လို့ စိုးရိမ်စရာတော့ မရှိပါဘူး။ ဆရာဝန်နဲ့ ပြဖို့လည်း မလိုပါဘူး။ အအေး သက်သာအောင် နွေးနွေးထွေးထွေး နေဖို့ပဲ လိုပါတယ်။

(၂) ကြက်သွန်လှီးရင်း မျက်ရည်ကျခြင်း

ကြက်သွန် လှီးတဲ့အခါ သူရဲ့ ဆဲလ်တွေကို ပေါက်ပြဲ သွားစေပါတယ်။ အဲဒီအခါ Propanethial Sulfoxide လို့ခေါ်တဲ့ ဓာတ်ငွေ့တွေ ထွက်ရှိစေတဲ့ အင်ဇိုင်းတွေကို ထုတ်လွှတ် လိုက်ပါတယ်။ ထိုဓာတ်ငွေ့တွေ မျက်လုံးထဲ ရောက်တဲ့အခါ ပူပြီး နာစေတာကြောင့် ဓာတ်ငွေ့တွေ ဖယ်ရှားပေးဖို့ မျက်လုံးက မျက်ရည်တွေ ထွက်ရှိလာရခြင်း ဖြစ်ပါတယ်။

ဘာလုပ်သင့်လဲ

ဒီလို မဖြစ်ရလေအောင် ကြက်သွန် မလှီးခင် ရေခဲသေတ္တာထဲ ထည့်ထားပေးပါ။ အအေးဓာတ်က အင်ဇိုင်း ထွက်ရှိမှုကို တားမြစ်ပေးတာကြောင့်ပါ။

ဘယ်အချိန်မှာ စိုးရိမ်ရသလဲ

ကြက်သွန်ကြောင့် မဟုတ်ဘဲ ဒါမှမဟုတ် ဘာအကြောင်းကြောင့်ရယ် မဟုတ်ဘဲ မျက်ရည်တွေ ကျနေရင်တော့ ဆရာဝန်နဲ့ ပြသင့်ပါတယ်။ မျက်လုံးထဲ ရောဂါပိုး ဝင်နေတာမျိုး ဖြစ်နိုင်လို့ပါ။

(၃) နေရောင်ကြောင့် နှာချေခြင်း

နေရောင်ခြည် တောက်တောက်ကို ကြည့်မိတဲ့ တစ်ခါတလေမှာ နှာချေ တတ်ပါတယ်။ အဲဒါကို Photic Sneeze Reflex (PSR) အလင်းရောင်ကို နှာချေခြင်းဖြင့် အလိုအလျောက် တုံ့ပြန်သော ဖြစ်စဉ်လို့ ခေါ်ပါတယ်။ ထိုဖြစ်စဉ်က မျိုးရိုး လိုက်တတ်ပြီး အလင်းရောင် အပြောင်းအလဲကြောင့် မျက်စိ အာရုံကြောကို လှုံ့ဆော်မှု ပိုသွားကာ ထိုမှတစ်ဆင့် နှာချေခြင်း ဖြစ်ပေါ်စေတဲ့ Trigeminal အာရုံကြောကို လှုံ့ဆော်လိုက်တာကြောင့် နှာချေရခြင်း ဖြစ်ပါတယ်။

ဘာလုပ်သင့်လဲ

ဘာမှလုပ်ပေးလို့ မရပါဘူး။ ဒါပေမဲ့ PSR ဖြစ်နေသူတွေ အနေနဲ့ နှာချေခြင်းကို ဖြစ်ပေါ်စေနိုင်တဲ့ ကြက်သွန်နီ၊ ပူစီနံရွက်တို့ကို ရှောင်သင့်ပါတယ်။ တချို့ ကိုယ်ဝန်ဆောင်တွေမှာ ဟော်မုန်း များပြား လာခြင်းကြောင့် နေရောင်မှာ ပိုပြီး နှာချေလာကြတာကို တွေ့ရပါတယ်။

ဘယ်အချိန်မှာ စိုးရိမ်ရသလဲ

နှာချေခြင်းက တော်ရုံနဲ့ မပျောက်ရင် ဆရာဝန်နဲ့ ပြသပြီး တခြား ဓာတ်မတည့်မှု ရှိမရှိ စမ်းသပ် စစ်ဆေးသင့်ပါတယ်။

(၄) မျက်ခုံးလှုပ်ခြင်း

ပင်ပန်းတဲ့အခါ မျက်စိနား တစ်ဝိုက်ရှိ အကြောတွေ ကျုံ့ပြီး မျက်ခုံးလှုပ်ခြင်း၊ မျက်ခွံလှုပ်ခြင်း စသဖြင့် ဖြစ်တတ်ပါတယ်။ တခြားသူတွေ အနေနဲ့ သတိမထားမိ နိုင်ပေမယ့် ဖြစ်တဲ့သူ ကိုယ်တိုင်ကတော့ သတိထားမိပါတယ်။ ပင်ပန်းတဲ့အခါ၊ စိတ်ဖိစီးတဲ့အခါ၊ ကော်ဖီ၊ အယ်လ်ကိုဟောများစွာ သောက်မိတဲ့ အခါမျိုးမှာအပေါ်မျက်ခွံဟာ အလိုလို လှုပ်နေတတ်ပါတယ်။ ဘာလုပ်သင့်လဲ လူရောမျက်လုံးပါ အနားယူသင့် နေပါပြီ။ အိပ်ရေးဝဝ အိပ်ပါ။ ကဖင်းနဲ့ အယ်လ်ကိုဟော လျှော့သောက်ပါ။ ကွန်ပျူတာနဲ့ အလုပ်လုပ်နေသူတွေ အနေနဲ့ အနည်းဆုံး မိနစ် ၄၀ ကြာ တစ်ခါ မျက်လုံးကို ခဏ အနားပေးပါ။

ဘယ်အချိန်မှာ စိုးရိမ်ရသလဲ

ကော်ဖီတွေဖြတ်ပြီး အိပ်ရေးဝဝ အိပ်တာတောင်မှ မျက်ခွံက ခဏခဏ လှုပ်နေသေးရင်တော့ ဆရာဝန်ထံ ပြပြီး စိတ်ဖိစီးမှု ရှိမရှိ စစ်ဆေးပါ။ ဒါ့အပြင် မိတ်ကပ်တို့၊ ဖုန်ပိုးတို့နဲ့ မတည့်လို့လည်း ဖြစ်တတ်တာကြောင့် ဓာတ်မတည့်မှု ရှိမရှိ စစ်ဆေးကြည့်ပါ။

၅။ ကျဉ်ခြင်း

ခြေဖဝါး၊ ခြေထောက်နဲ့ လက်တွေမှာ တစ်ခါတလေ ထိုင်တာများရင်၊ ဖိတာများရင် ကျဉ်နေတတ်တာမျိုး ကြုံဖူးမှာပါ။ ဘာကြောင့် ဖြစ်ရတာလဲဆိုရင် အာရုံကြောပေါ် ဖိတာ များလွန်းရင် အာရုံကြောက ဦးနှောက်ဆီ သတင်းပို့ရာမှာ ခက်ခဲတတ်တာကြောင့်ပါ။ အဲဒီအခါ ဖိထားခံရတဲ့ အစိတ်အပိုင်းကို အလုပ်မလုပ်ဘဲ အိပ်မောကျ စေခိုင်းသလို ဖြစ်သွားတတ်ပါတယ်။ အဲဒီအခါမှာ ခံစားရတဲ့ ကျဉ်တတ်ခြင်းက သင့်ဦးနှောက် အနေနဲ့ သတင်းတွေကို လက်ခံလိုက်ရတဲ့ သဘောဖြစ်ပြီး ကောင်းတဲ့ လက္ခဏာ ရပ်ပါ။ ဘာကြောင့်လဲဆိုတော့ သွေးတွေက ထိုဖိခံရတဲ့ နေရာဆီ ပြန်စီးဆင်းလာတဲ့ သဘောဖြစ်ပြီး အာရုံကြောကလည်း ထပ်ဖိထား မခံရတော့တဲ့ သဘော ဖြစ်တာကြောင့်မို့ပါ။

ဘာလုပ်သင့်လဲ

သက်သောင့်သက်သာ မဖြစ်တဲ့ အနေအထားမှာ အကြာကြီး မထိုင်ပါနဲ့။ ထိုင်မိလို့ ကျဉ်တက်လာရင်လည်း ခပ်မြန်မြန်ပြန်ထဖို့ မကြိုးစား မိပါစေနဲ့။ ဖြည်းဖြည်းသာ ထပါ။

ဘယ်အချိန်မှာ စိုးရိမ်ရသလဲ

ကျဉ်ခြင်းနဲ့ အာရုံကြော ညှပ်ခြင်း လက္ခဏာတွေက ဆင်သလိုလိုနဲ့ မတူကြပါဘူး။ လက်နဲ့ ခြေတွေမှာ ကျဉ်ခြင်းက တော်ရုံနဲ့ မပျောက်သွားရင် ဆရာဝန်နဲ့ ပြသင့် နေပါပြီ။ စိုးရိမ်ပူပန်မှု၊ ဆီးချို၊ ဦးနှောက်နဲ့ အာရုံကြော ဆိုင်ရာ ရောဂါတစ်ခုခုရဲ့ အစောပိုင်း လက္ခဏာရပ် တစ်ခု ဖြစ်နေနိုင်လို့ပါ။ အာရုံကြော စနစ် အားကောင်းစေဖို့ ဗီတာမင်ဘီ အုပ်စုပါ အားဆေးကိုလည်း သုံးဆောင်နိုင်ပါတယ်။

၆။ အဆစ်အသံမြည်ခြင်း

အဆစ်ချိုး လိုက်တဲ့အခါ အသံမြည်ပါက မစိုးရိမ်ပါနဲ့။ အဆစ်ရောင် ရောဂါ လက္ခဏာကြောင့် မဟုတ်ပါဘူး။ အဆစ်တွေကို ချောဆီတွေနဲ့ ဝန်းရံ ထားတာကြောင့် အဆစ်တွေ ချောမွေ့စွာ လှုပ်ရှားနိုင်ပြီး နိုက်ထရိုဂျင် ဓာတ်ငွေ့လည်း ချောဆီထဲမှာ ပါရှိပါတယ်။ ဒူးကွေးတဲ့ အခါမျိုး ဒါမှမဟုတ် အဆစ်ချိုးလိုက်တဲ့ အခါမျိုးမှာ နိုက်ထရိုဂျင်နဲ့ တခြား ဓာတ်ငွေ့တွေက ထိုချောဆီကနေ ထွက်ရှိလာပါတယ်။ အဲဒီအခါ အဆစ်ပတ်လည်ရှိ အစွပ် ဖောင်းလာပြီး အသံမြည်လာတာ ဖြစ်ပါတယ်။

ဘာလုပ်သင့်လဲ

အဆစ် အသံမြည်တာနဲ့ အဆစ်ရောင် ရောဂါ မရှိနိုင်ပါဘူး။ ဒါပေမဲ့ အဆစ်တွေက နာကျင်နေရင်တော့ ဆရာဝန်နဲ့ပြပါ။ အသီးအနှံများများ၊ ပရိုတင်း အသားဓာတ် များများ စားပေးပါ။ လမ်းများများ လျှောက်ပေးပြီး ခန္ဓာကိုယ်ကို ဆန့်ထုတ်တဲ့ လေ့ကျင့်ခန်း များများ လုပ်ပေးပါ။

ဘယ်အချိန်မှာ စိုးရိမ်ရသလဲ

တချို့ အခြေအနေတွေမှာ ပုံမှန် လှုပ်ရှားမှု မလုပ်နိုင်တော့တဲ့ အဆစ်မျိုးတွေကလည်း အသံမြည်တတ်ပါတယ်။ အဲလို အဆစ်မျိုး ဖြစ်နေပါက ဆရာဝန်နဲ့ ပြသသင့်ပါတယ်။ အဲလို အဆစ်ဟုတ်မဟုတ် ဒီလို စမ်းကြည့်နိုင်ပါတယ်။ စက္ကန့် ၆၀ကြာ လက်သီးတင်းတင်းစုပ်ပြီး လက်ဖဝါးကို တဖြည်းဖြည်း ပြန်ဖြန့်ပါ။ အဲဒီနောက် အဆစ် လှုပ်ရှားတဲ့အခါ အသံမြည်နေတုန်း ဖြစ်ပါက အဆစ်ပြဿနာ တစ်ခုခု ဖြစ်လာနိုင်တာကြောင့် ဆရာဝန်နဲ့ ပြသပါ။

ဒေါက်တာနုမြတ် ရေးသားထားသော yandanarbon website မှ ပြန်လည် မျှဝေပါသည်....။။.......။။