အောင်ဆန်းပေးတဲ့ မြန်မာပြည်(ဗိုလ်ချုပ်အောင်ဆန်းအမှတ်တရ)

ဗိုလ်ချုပ်အောင်ဆန်း

လူ့လောကထဲ သူနေခဲ့ရတာက

၃၂နှစ်၊၅လ၊၆ရက်ထဲရယ်ပါ။

၁၃.၂.၁၉၁၅မှ၁၉.၇.၁၉၄၇

နတ်မောက်ဦးသောဘိတကျောင်း

ရေနံချောင်းအမျိုးသားကျောင်း

ရန်ကုန်တက္ကသိုလ်တွေမှပညာစည်းပူးခဲ့

၁၉၄၃ကျောင်းသားသမဂ္ဂအမှုဆောင်နဲ့

နိုင်ငံရေးစတင်

နိုင်ငံရေးလုပ်သက်၁၃နှစ်

အဓိကဖြတ်သန်းမှုတွေကတော့

မြန်မာ့လွပ်လပ်ရေး(သို့မဟုတ်)

စတုတ္ထမြန်မာနိုင်ငံတော်။



အရပ်ပုပု

မျက်မှောင်ကုတ်ကုတ်

ပိုသီပတ်သီ အညာသား။

ဘီအေကျောင်းသား

စကားမပြော

ပြောရင်မ၇ပ်

ညှင်းသိုးသိုးအရိုးခံ

ခေါင်းအမာဆုံး

ဇွဲအရှိဆုံး

စိတ်ဓာတ်အပြင်းထန်ဆုံးလူသား။



သူမသိ နားမလည်တာတွေကအများသား

ရေမကူးတတ်ဘူး

စက်ဘီးမစီးတတ်ဘူး

စန္ဒရားမတီးတတ်ဘူး

သီချင်းကောင်းကောင်း နားမထောင်ခဲ့ရဘူး

မိန်းမ မပိုးတတ်ဘူး။



ဘိလပ်ပြန်သန်းကို မေရှင်သီချင်းဆိုခိုင်းခဲ့သူ

ချစ်ရတဲ့ နာစ့်မလေးကြည်ကို လူငှားနဲ့ပိုးခဲ့ရသူ

ဗွီအိုင်ပီဆိုတဲ့စာတန်းကို အလွန်စက်ဆုပ်ရွံရှာသူ

လမ်းဘေးမှာ

ကျောက်ကျောရေသောက်တဲ့ ဝန်ကြီးချုပ်

မင်္ဂလာဆောင်မှာ

ခဲဖိုးတောင်းတာ နားမလည်တဲ့သူ

လွပ်လပ်ရေးကို စဉ်းစားရင်း

စစ်ဖိနပ်ပြောင်းပြန်စီးတဲ့သူ

လွပ်လပ်ရေးကို စဉ်းစားရင်း

ဆံပင်ညှပ်မပြီးခင် ထထွက်သွားတဲ့သူ

တွေ့ချင်လွန်းလို့ လမ်းမှာတားတဲ့ရွာသားတွေနဲ့

အတူလမ်းဘေးမှာ အကြော်စားတဲ့ဝန်ကြီးချုပ်

သူ့ကိုသူ ပြည်သူတစ်ယောက်အဖြစ်

ခံယူတဲ့ဝန်ကြီးချုပ်။



"ကြည်...ပဲပြုပ်နဲ့ နံပြားရရင်စားချင်တယ်"လို့

မိန်းမကိုနံနက်စာပြင်ခိုင်းတဲ့ သူ့ရဲ့ကမ္ဘာကျော်နံနက်စာ

ဗိုလ်ချုပ်အဆင့်ရဲ့ အမှားနဲ့

သာမှန်ရဲ့ဘော်အဆင့်ရဲ့ အမှန်ကို

ကွဲကွဲပြားပြား သိတဲ့သူ

လူငယ်ဘဝ၊ လူ့ဘဝရဲ့စည်းစိမ်အရသာတွေ

ခံစားဖို့ အချိန်မရတဲ့သူ

သူ့ဖြတ်သန်းမှုမှာ

လွပ်လပ်ရေးဆိုတာတစ်ခုထဲနဲ့

ပကတိရိုးရှင်း သန့်စင်ခဲ့တဲ့သူ

သူ့ကိုဒဂုန်တာရာက ကင်ပွန်းတပ်

"အောင်ဆန်း"(သို့မဟုတ်)"အရိုင်းတဲ့"။

လုပ်သက်ကခပ်နုနု

ကျောင်းသားပေါက်စ

သခင်ပေါက်စ

စစ်သားပေါက်စ

နိုင်ငံရေးသမားပေါက်စ

ဘဝတွေက အဖုံဖုံ

အသက်က ၃၀မရှိတရှိ။



ဒီ အောင်ဆန်းလက်တောက်လေးကို

ဘာ့ကြောင့်

နေမဝင်အင်ပါယာကြီး ဒူးထောက်ခဲ့ရပါသလဲ...။



တကယ်ဆိုတော့

ငါတို့ အောင်ဆန်းက

နယ်နယ်ရရမဟုတ်

ရိုးသားတဲ့ မြန်မာတွေထက်ပို

ရိုးသားတဲ့ အောင်ဆန်း

သတ္တိပြောင်တဲ့ မြန်မာတွေထက်ပို

သတ္တိရှိတဲ့ အောင်ဆန်း

စွန့်လွှတ်ရဲတဲ့ မြန်မာတွေထက်ပို

စွန့်လွှတ်ပြတဲ့ အောင်ဆန်း

ဒီလိုအောင်ဆန်း

သူ့သွေးသား အရိုးအချဉ်တွေအားလုံး

လွပ်လပ်ရေး တစ်ခုထဲနဲ့ အပြီး

စုစည်းတည်ဆောက်ပြတဲ့ အောင်ဆန်း

တကယ့်အရိုးခံ အောင်ဆန်းပေါ့။



ဒီအောင်ဆန်းကို

လွပ်လပ်ရေးလမ်းဝမှာ ဘွားခနဲမြင်လိုက်ရရုံပဲ

အောင်ဆန်းရဲ့ဆရာတွေ မှိုင်း၊မြ၊ချိုတို့ကအစ

"ငါတို့အားကိုးပါရစေ"ဆိုလာကြ

ရှေးဘိုးဘွား မိဘပြည်သူတွေက

"ငါတို့ကယ်မဲ့ မင်းလောင်းပေါ`်ပြီ"ပြုံးပျော်ကြ

လူငယ်သွေးသောက် မြန်မာတွေက

"ငါတို့စွန့်ပါရစေ"ဆိုပြီး ရှေ့ထွက်လာကြ

စုကြ၊ရုံးကြ၊စည်းလုံးကြ

တကယ့်ဗမာတွေ

မဟာအောင်ဆန်း အနောက်က

ပြည်သူ့ဒီလှိုင်းလုံးကြီးတွေရဲ့

တဝုန်းဝုန်းရိုက်ခတ်သံဟာ

အဲ့ဒီအချိန်က

ဝိတိုရိယ ဘုရင်မကြီးကိုတောင်

အိပ်မက်တွေ အေးခဲစေခဲ့သပေါ။



အောင်ဆန်းရှေ့ရောက်ရင်

ရှမ်းတွေကရှမ်းစကားမဆို

ကချင်တွေကလည်း ကချင်စကားမဟကြ

အောင်ဆန်းကိုယုံကြည်စွာနဲ့

သူတို့သခင်အဖြစ် သိမှတ်ပြုကြ

အားလုံးသော တိုင်းရင်းသားတွေ။



ဒီ ပြည်လုံးကျွတ်အားကို စုစည်းနိုင်ခဲ့လို့လည်း

အင်္ဂလိပ်တွေက ဒီအောင်ဆန်း

လက်တောက်လောက်နဲ့

တစ်စားပွဲထဲ ဝိုင်းခဲ့ကြပေါ့

အကင်းပါးသူတွေပီပီ

မတိုက်မီကရှုံးနေတဲ့ဒီစစ်ကို

ဒင်းတို့ မတိုက်ဝံ့ကြ

မျက်နှာမပျက် အောင်မြင်စွာဆုတ်ခွာမဲ့လမ်းကို

သူတို့ ရွေးခဲ့ကြ

အောင်ဆန်းနဲ့အတွေ့မှာ။



ယုံကြည်အားကိုးတဲ့

မျက်လုံးပေါင်း သန်း၆၀

အောင်ဆန်းမှာရှိတယ်

လွပ်လပ်ရေးကို တရှိက်မတ်မတ်တောင့်တတဲ့

နှလုံးသားသန်း၃၀ အောင်ဆန်းမှာရှိတယ်

အောင်ဆန်းသေဆို သေပြဝံ့တဲ့သူ

အောင်ဆန်းမှာ တစ်ပြည်လုံးရှိတယ်

ဒီမျက်နှာ နှလုံးအသက်

ဗို့အားသိန်းသန်းချီပြီး မီးဆလိုက်အားတွေနဲ့

နေမဝင်အင်ပါယာကို

ပြတ်ပြတ်သားသား လှမ်းထိုးလိုက်တဲ့အခါ

အခြောက်တိုက် ဘဝင်မြင့်နေတဲ့သူတွေ

အားလုံးအရည်ပျော်သွားကြ။



ဘယ်ရာဇဝင်မှာ ခင်ဗျားတို့တွေ့ဖူးလဲ

ဂျပန်ဆိုတာ မနူးမနပ်မဟုတ်ဘူး

အင်္ဂလိပ်ဆိုတာကလည်းဝေးလာဝေး

သူငယ်နှပ်စားသမားမဟုတ်

ဒင်းတို့တွေတောင်

ရအောင်စည်းရုံးနိုင်တဲ့သူ အောင်ဆန်း

ဒီအောင်ဆန်းက စစ်ကိုမလို

ဒါပေမဲ့ ရရင်ရ မရရင်ချဆိုတာ

အောင်ဆန်းဝါဒ

လွပ်လပ်ရေးကို အမြန်ဆုံးလိုချင်နေတဲ့

အဲ့ဒီအချိန် ပြည်သူတွေရဲ့

တစ်ဦးတည်းသော ကိုယ်စားလှယ်

ငါတို့အောင်ဆန်းပေါ့။



အောင်ဆန်း

ဒီအချိန်ဆို

၉၅ နှစ်ရှိပြီ

အောင်ဆန်းပြောမယ်

အဘိုးရဲ့ စကားနားထောင်...။



"မမေ့နဲ့... မင်းတို့ ကနေ့ရှုနေတဲ့လေဟာ

ငါတို့ မနေ့က ချွေးစက်တွေဆိုတာ

"မမေ့နဲ့... မင်းတို့ မြန်မာဆိုတဲ့ စကားတစ်ခွန်းကိုရဖို့

ငါတို့ ဗုံးပေါလအော ကျဆုံးပေးခဲ့ရတာ

မမေ့နဲ့... မင်းတို့ကမ္ဘာမြေပုံပေါ`်တက်နိုင်ဖို့

ငါတို့ အလောင်းကောင်တွေ ဆင့်ပြီး

ထမ်းတင်ပေးခဲ့တာ မမေ့နဲ့...။"



မြန်မာလူမျိုးတိုင်းမှာ

အဖေနှစ်ယောက်ရှိတယ်

တစ်ယောက်က

ကိုယ့်သွေးသားအဖေ

ကျန်တစ်ယောက်က

မြန်မာလူမျိုးကို မွေးပေးခဲ့တဲ့အဖေ

မြန်မာလူမျိုးရဲ့ အဖေ

မြန်မာ့အဖေ "အောင်ဆန်း"ပေါ့။



ကျုပ်အဖေနဲ့ အဖိုးဟာအောင်ဆန်းသားတွေ

အောင်ဆန်းက ကျုပ်အဖိုး

ကျုပ်သားက အောင်ဆန်းရဲ့ မြစ်ပေါ့

သူ့အဖိုးကိုသူ လွမ်းတတ်နေပြီ

သူ့သားကျရင်လည်း သူ့အဘေးနဲ့

ပေးတွေ့နိုင်ဖို့

အခုကထဲက အသေအချာ

ကျုပ်မှာထားရအုံးမယ်။