ဟိုတစ်နေ့တုန်းက ဂျာနယ်တစ်စောင်မှာ ဖတ်လိုက်ရတဲ့ ဟာသလေးများ သဘောကျလွန်လွန်းလို့ ဖောက်သည်ချလိုက်ပါတယ်ဗျာ..။
တစ်ခါတုန်းက ကွန်မြူနစ်တစ်ယောက်ရယ်၊ အရင်းရှင်(ဒီမိုကရေစီ)တစ်ယောက်ရယ်၊ ဆိုရှယ်လစ်တစ်ယောက်ရယ်… အတူထိုင်ပြီး ဆွေးနွေး၊ငြင်းခုန်ဖို့ တစ်နေရာမှာ ချိန်းတွေ့ကြလေသတဲ့…။ အချိန်တန်လို့ ကွန်မြူနစ် နဲ့ အရင်းရှင်တို့ နှစ်ယောက်ရောက်လာကြပေမယ့် ဆိုရှယ်လစ်ကြီးကတော့ ပေါ်မလာနိုင်ဘူးတဲ့လေ…။ နာရီဝက်လောက်ကြာကာမှ လောကြီးပန်းကြီးနဲ့ ရောက်ချလာတဲ့ ဆိုရှယ်လစ်ကိုတွေ့တော့ ဘာဖြစ်တာလဲ… ညာဖြစ်တာလဲ နဲ့ ၀ိုင်းမေးကြမြန်းကြနဲ့ပေါ့လေ..။
ဆိုရှယ်လစ်။ ။ဆောရီးဗျာ..။ ကျွန်တော် ကြက်အူချောင်းရဖို့ တန်းစီနေရတာနဲ့ နောက်ကျသွားတယ်..။
အရင်းရှင်။ ။ဆောရီးဗျာ..။ ကျွန်တော်နားမလည်တာတစ်ခုရှိတယ်..။ တန်းစီတယ်ဆိုတာ ဘာကိုပြောတာလဲ…။
ဒီလိုမေးတော့ အသာငြိမ်နေတဲ့ ကွန်မြူနစ်ကလည်း မေးရှာတယ်..။
ဆောရီးဗျာ..။ ကျွန်တော်နားမလည်တာတစ်ခုရှိတယ်..။ကြက်အူချောင်းဆိုတာ ဘာကိုပြောတာလဲ…။ :D
……………………………………………………………………………………………………………………………………………..
နောက်တစ်ခါကြတော့ အမေရိကန် တစ်ယောက်က ရုရှားတစ်ယောက်ကိုမေးတယ်..။
အမေရိကန်။ ။ခင်ဗျားတို့ တိုင်းပြည်မှာ အလုပ်လုပ်တာနဲ့ လစာပေးတာက မပတ်သက်ဘူးဆို..။ (ဆိုလိုတာက အလုပ်တွေ နင်းကန်ခိုင်းပြီး လစာကျတော့ နဲနဲပဲပေးတယ်ပေါ့..။)
ရုရှား။ ။မှားတယ်ဗျ..။ အမှန်က ပတ်သက်တယ်..။ ဒီလိုဗျ….သူတို့ကလည်း လစာကို ပေးချင်ယောင်ဆောင်ပြီး ပေးကြတယ်..။ ကျုပ်တို့ကလည်း အလုပ်ကို လုပ်ချင်ယောင်ဆောင်ပြီး လုပ်ကြတယ်..။
0 comments:
Post a Comment