မိုးတိမ် ပုံပြင်

မေမေ့ရဲ့
မေတ္တာပင်လယ်ကြီးကနေ
သံယောဇဉ်ရေခိုးရေငွေ့လေးတွေနဲ့
ကျွန်တော်တို့အတွက်
မျှော်လင့်ချက်မိုးတိမ်တွေကို
မျှော်လင့်ခြင်းမဲ့စွာ
ဖြစ်တည်စေခဲ့...။

အချိန်တန် အရွယ်ရောက်
အခါအခွင့်သင့်လို့
မိုးရေစက်တွေအဖြစ်
ပြန်ရွာချမယ့်အချိန်မှာတော့
မြေပြင်.......
တောင်တန်း......
တောအုပ်.......
တို့ရဲ့ မာယာတွေကြား
ခုန်ဆင်းကာ မွေ့ပျော်ခဲ့....။

ဘ၀ အနိမ့်အမြင့်မှာ
တစ်လှည့်စီ စီးဆင်းရင်း
ကျွန်တော်တို့ရဲ့
ငါးရာ နှစ်ဆယ့် ရှစ်စင်းသော မြစ်တွေက
လောကဓံဆိုတဲ့ တာတမံတွေကြား
မိခင်ပင်လယ်ကြီးထဲစီးဝင်ဖို့
ခက်ခဲခဲ့ရပြီလေ ..။

အခုတော့
မိုးကောင်းကင်ကြီးဆီက
မိုးတိမ်တွေကို မော့ကြည့်ရင်း
မှာတမ်းတွေချွေနေမိတယ်
“ မင်းတို့ မိုးတွေအဖြစ်ပြန်ရွာချရင်
မိခင် ပင်လယ်ကြီးထဲရောက်အောင်
ရွာချပါ ” လို့....။