မိုးတွေ ရွာလာပြီဆိုတော့ မိုးဥတုကိုရောက်ပြီပေါ့.. ။ ပူပြင်းတဲ့ နွေဥတုကနေပြီး မိုးရေလေးတစ်စိုစိုနဲ့ နေရပြန်ဦးမယ်..။ မြို့ထဲက လမ်းတွေက လည်းကာ… မိုးလေးနှစ်ပြိုက်လောက် ရွာလိုက်တာနဲ့ ရေတွေကို ဖွေးသွားတာပဲ..။ စီးပွားရေးလာဘ်မြင်လိုက်ရ… စပိဘုတ် (Speed boat) တွေ နိုင်ငံခြားကသွင်း..၊ မိုးကျရင် ရန်ကုန်မြို့ထဲမှာ စီးတီတက္ကစီအနေနဲ့ ဆွဲစား..။ တောက်…. အတော်ကိုက်မယ့် လမ်းကြောင်း..ဟင်း..။ နောက်နှစ်၅၀-၁၀၀ဆို ရန်ကုန်မြို့ကြီးလည်း အီတလီနိုင်ငံက ကမ္ဘာကျော် ဗင်းနစ်မြို့ကြီးလို ရေပေါ်မြို့ကြီး ဖြစ်နေချိန်မှာ ငါလည်းပဲ စပိဘုတ်တက္ကစီလုပ်ငန်းနဲ့ တော်တော်ကြီးကို အောင်မြင်နေလောက်ပြီ..။ ဟဲဟဲ..စိတ်ကူးနဲ့ ရူးကြည့်တာ..။
အမယ်.. ဟိုမှာ စည်ပင်ကလုပ်သားတွေ လမ်းမကြီးကိုပိတ်ပြီး ရေမြောင်းတွေ ပြင်နေပါ့လား..။ အတော်ကြိုးစား နေကြတာပါလား..။ မိုးတွင်းရောက်ကာမှပဲ မြောင်းတွေပြန်ပြင်ဖို့ အာရုံတော်တွေ ရကြတော့တယ်..။ အေးလေ.. နွေတုန်းက မိုးမှမရွာတာ .. မေ့နေကြဟန် တူပါတယ်လေ..။ သြော် ဟိုနားမှာလည်း တစ်စု လမ်းဘေးပလက်ဖောင်းတွေ ပြန်ပြင်နေကြပါလား..။ တော်ကြပါတယ်.. မိုးရွာကြီးထဲမှာ အားကြိုးမာန်တက်ဗျား..။ ခက်တာက မိုးရေထဲမှာ ဖျော်လိုက်တဲ့ သဲများများနဲ့ ဘိလပ်မြေတွေက ကြာရှည်ရော ခံကြပါ့မလားမသိ..။ ကြည့်ရတာ တစ်နှစ်ခံ ပလက်ဖောင်းတွေ ဖန်တီးနေပုံရပါတယ်..။ သူ့အထာနဲ့သူပေါ့..။ တော်နေ တစ်ခါတည်း အကောင်းဆုံးဖြစ်အောင် လုပ်လိုက်ရင်ဖြင့် နောက်နှစ်တွေမှာ လုပ်စရာ အလုပ်မရှိကြဘဲ အပေါ်ကခွင့်ပြုချပေးမယ့် ပြင်ဆင်စားရိတ်ငွေတွေကို နည်းသွားလို့ရှိရင် ဘာမှ မစားရမသောက်ရဘဲ..အဲလေ..မှားလို့..ဘာမှ မလုပ်ရမကိုင်ရဘဲ..ဒီတိုင်းထိုင်နေရဦးမယ်..။
အင်း… ဘက်စ်ကားမှတ်တိုင်ရှေ့က လမ်းမကြီးပေါ်မှာလည်း ရေအိုင်ကြီးတွေနဲ့ပါလား..။ ကြည့်ရတာ စည်ပင်က လူကြီးပိုင်းတွေက မှတ်တိုင်မှာ ကားစောင့်နေတဲ့ လူတွေကို လမ်းမပေါ်စီးဆင်းနေတဲ့ ညစ်ဝါရေ (မေတ္တာရေ မဟုတ်ပါ..။) တွေနဲ့ ပက်ဖြန်းပေးချင်ပုံပဲ..။ ပြီးတော့ ရေကူးလည်း အတော်ဝါသနာ ထုံကြပုံရတယ် ..။ ဒါပေမယ့် ကိုယ့်အိမ်မှာကိုယ် ရေကူးကန်တွေ တည်လိုက်ရင် အထက်က သိသွားလို့ စစ်လား၊ဆေးလား လုပ်မှာ ကြောက်ကြတယ်ထင်ပါရဲ့ .. လမ်းပေါ်မှာ ရေကူးကန်အကြီးကြီးတွေ တည်ထားကြတယ်..။ တစ်ချို့ကန်ကြီးတွေများ ကျွဲနွား တစ်ဝပ်စာလောက် ကတော့ အသာလေးဗျား..။ အေးပေါ့လေ..သူတို့တွေလည်း ကျွဲကူးနွားကူး ကူးကြည့်ချင်ရှာပေမပေါ့..နော်…။
လမ်းကြီးကလည်းလေ.. ဟိုနားတစ်ကွက်ဖာထား၊ ဒီနားတစ်ကွက်ထေးထားလို့လားတော့ မသိဘူး..။ ကြည့်ရတာ ခွေးဝဲစားကျော လောက်မှကို မတင့်တယ်၊မဖြောင့်ဖြူးဘူး..။ ကားစီးရတာလည်း ခုန်ဆွ၊ခုန်ဆွနဲ့ .. နောက်နောင်များ ခေတ်ကြီးပြောင်းလို့ မြန်မာနိုင်ငံက အာကာသသိပ္ပံပညာရပ်တွေ ထွန်းကားလာပြီး လကမ္ဘာပေါ်ခြေချနိုင်ပြီဆိုရင် အာကာသသူရဲကောင်းတွေ အထွေအထူးရွေးစရာ မလိုလောက်တော့ပဲ ကြိုက်ရာလူလွှတ်လို့ရလောက်အောင် ကြိုတင်လေ့ကျင့်ပေးထားပုံရတယ်..။ အင်း..ကြာတော့လည်း မြန်မာနိုင်ငံက လမ်းတွေနဲ့ ပက်သက်ပြီး ”ပျက်အစဉ်၊ပြင်ခဏ”ဆိုတဲ့ စကားပုံကိုတောင် “ပျက်အစဉ်၊ပြင်ခဏခဏ”ဆိုပြီးတော့ နည်းနည်းဖြည့်စွပ်ပေးဖို့ လိုနေဘီလို့ အောင့်မေ့ မိတယ်..။
0 comments:
Post a Comment